هيييييييييييييييلب بلييييييييييييز

[غلااااااي]

بناااااااااااااااااات عفيه شرااااااايكم عثمان حموود عثمان الخضرررر <<منااهج البحث

هيييييييييييييلب بلييييييييييييز

 

[المـــــها]

مرحبا حبيبتي

أنا ماعرفه

بس جبت تقييمه لعيووونج




عثمان الخضر

المختصر المفيد- معظم الطلبة يقولون
5/4.4
ان مستوى الاختبارات صعب
وشرح المدرس شرح جيد جدا
والأغلبية حصلو على تقدير B
بإختصار ننصح به
عدد الطلبة الذين شاركوا في التقييم 14




التقييم ملاحظات الطلبة
- النجوم:
- المستوى: صعب
- الشرح: شرح متوسط
- حصلت على: B
لا ننصح به
المـادة: مناهج بحث التاريخ: 2009-06-28
الطالب: bojassem رقم التقييم: 18069

الصراحه الدكتور عثمان بالفتره الاخيره صاير كلش بخيل بالدرجات الله يسامحه خصم منه 5 درجات الغياب لان واحد حضر صاحبه واهو مو مداوم ظلمنا والله خصم الشعبه كلها وماعطانه كيرف رغم انه ولا واحد بالشعبه ماخذ A ووايد يدقق على خطة البحث الماده سهله بس اهو مصعبها ــ،،

- النجوم:
- المستوى: متوسط الصعوبة
- الشرح: شرح ممتاز
- حصلت على: B
ننصح به
المـادة: مناهج وتنظيمي واذا في بعد بإذن الله أخذ التاريخ: 2009-06-26
الطالب: سبحان الله وبحمده رقم التقييم: 17997

الدكتور عثمان وما أدراك ماهو
مو دكتور هو بالضبط قااااائد
تسألوني يخوف أقول لأ ما يخوف سألتوني ليش أنا أقول لأن يخاف من الله ما أزكي عليه بس من أفعاله ومعاملته تثبت كلامي
الكتور روعه ...أنا أعتبره قدوتي وتعلمت منه أشياء كثيره وحببني بعلم النفس التنظيمي وأذا الله كتب راح أكمل دراستي العليا في هذا المجال
أمممم ... عيبه شي واحد بس إن يدرس مناهج وتنظيمي للأسف نتمى يدرس أكثر من هالمادتين عشان ناخذ عنده ونستفيد
كلمة وحدة شكراً يا استاذي تعلمنا منك الكثر أتمنى لك التوفيق ويجعل الله خير أعمالك خواتمها هذه دعوه دائمه أدعيها لك عن ظهر غيب لأنك تستاهل الأحترام والتقدير

- النجوم:
- المستوى: صعب
- الشرح: شرح جيد جدا
- حصلت على: A
ننصح به
المـادة: مناهج بحث التاريخ: 2009-01-30
الطالب: nono-ful رقم التقييم: 16250

الدكتور وايد محترم وطيب .. بس امتحاناته وايد وايد دقيقه وتعتمد على الفهم يعني درسوا عدل وفهموا المنهج عشان تاخذون A .. طريقة توزيع الدرجات كالتالي :
مدتيرم 25 ويعطي بالامتحان 5 أسأله بونص عليهم 5 درجات
حضور وغياب 10
واجب نطلعه من المكتبه 5 درجات
خطة البحث 15 درجاه
امتحان الفاينل 50
المجموع كله 105 .. يعني الي يقدم زين بالمدتيرم ويظمن البونص و يقدم الواجب و يشد حيله بخطة البحث ياخذ 10 درجات بونص ..بس غيرهم ماااا يرفع لو شنو
ووايد حقاني وطيب يعني الي ما يحل الهومورك عدل يعطيه مره ثانيه يعدله عشان يعطيه ال 5 درجات

وكتشجيع الي خذوا بالمدتيرم درجه كامله او ناقصين درجه وحده يعطيهم كتابه اهو مألفه

بس اكرر امتحاناته دقيقه يبيلها دراسه عدل وفهم بالامتحان وخطة البحث لازم تراكضون عليها وااايد وتسؤلون المعيده احنا كانت دكتوره امثال الحويله الي تصلح الخطه فكنت وايد اسألها وما تقصر معاي فادتني بوايد شغلات بس الدكتور ما يعطي نفسه وقت يخصصه حقنا وحق اسألتنا اذا في اسأله بنهاية المحاضره وكله مستعيل :d

وانا الحمد الله طلعت A وكانت درجات شعبه وايد حلوه

الله يعطيه العافيه

- النجوم:
- المستوى: متوسط الصعوبة
- الشرح: شرح ممتاز
- حصلت على: B
ننصح به
المـادة: مناهج بحث في علم النفس التاريخ: 2009-01-30
الطالب: مـشـاري رقم التقييم: 16231

الصراحه الدكتور عثمان ماقصر معانا يساعدك بمساعدتك لنفسك وعموما افضل دكتور انك ماتحاتي عنده ظلم حقك تاخذه لاناقص ولايزيد لو ربع درجه يعني تطمن وشد حيلك بس لاتخاف ظلم عنده
طبعا من ناحيه الشرح ماشاءالله شرح وافي ومفهوم وسلس دكتور فاهم الماده اللي يدرسها مو مثل البعض
جزاك الله خير يادكتور وكثر الله من امثالك بالقسم

- النجوم:
- المستوى: متوسط الصعوبة
- الشرح: شرح ممتاز
- حصلت على: A
ننصح به
المـادة: علم نفس تنظيمي التاريخ: 2008-08-13
الطالب: Red Rose رقم التقييم: 14996

الدكــتــور راااااائع
ماشــالـلـه
انـسـان فــاهـم و مـثـقـف لابـعـد الحـدود
يـعـرف شـلـون يـوصـل المـعلـومة و فـعـلا يـخليك تـفـكـر
مـايظـلم...و تــاخذ حـقـك عـنـده
شــرحه مرتــــب و منــظم و كــتابه قــمــة الــتـنـظيـم
شــرحـه شــيق و مــمتع
والــلـه يـعطـيه ألــف ألــف عااااافــيه
انـصـح فــيـه و بـشـده


- النجوم:
- المستوى: سهل
- الشرح: شرح ممتاز
- حصلت على: A
ننصح به
المـادة: تنظيمي التاريخ: 2008-04-13
الطالب: بوكندر رقم التقييم: 13577

قبل ماسجل الماده قالو لا تسجل دكتور مو زين ودكتور كذا وكذا
لكن اثبت العكس
دكتور محترم واحسن منه مافي
شرح عجيييييييييييب
ماده سهله حييييل
بس امتحانات نوعا ما صعبه شوي فيها اغلبيه الاسئله اختر الاجابه الصحيحه وبالفاينل العكس اختر الاجابه الخطا
ميدتيرم عليه 30
حضور وغياب عليه 10
يطلب واجبين عليهم 10 ===> يدقق فيهم عدل والي يطلعه من النت يعطيه صفر اشكره

الله يوفقه ان شاء الله
يعطي كل طالب حقه مستحيل يرفع درجه وحده

- النجوم:
- المستوى: صعب جدا
- الشرح: شرح ممتاز
- حصلت على: A
ننصح به
المـادة: مناهج1350200 التاريخ: 2008-02-14
الطالب: hi رقم التقييم: 13311

امم الصراحه مادري الدكتور في ناس تمدحه وناس لا


بس انا الصراحه ماشفت منا الا كل خير

شرحه حلو ويفهم حق الي ينتبه ومركز لانه سريع بالشرح بس حلو

الماده حلوه مع انها صعبه

الشي الي كان مضيعنا ان ما يراجع بكل كلاس شغل البحث يمكن يتكلم عنه بس ان يدقق على شغل كل وحده مثل دكتور الصبوه لا

تعامله حلو ويلتزم بالمحاضرات واسلوبه راقي ويحب الاحترام

ويقدر الي يشتغل وياه

وحتى اهدا البنات الي يابوا اعلى الدرجات كتابه يعني شي حلو

امتحاناته حييييييل دقيقه ويبيلها فهم مو حفظ سو الي تحفظ مااتوقع بتييب درجه انا كنت افهم سو ثانكس قد خذيت حقي

انصح الي تاخذ عنده ان تقعد جدام علشان تستوعب وتفهم الماده وهذا بيسهل عليها الامتحااان وايد والله

والله يعطيه الف عافيه

- النجوم:
- المستوى: صعب
- الشرح: شرح ممتاز
- حصلت على: D
ننصح به
المـادة: تنظيمي التاريخ: 2008-01-23
الطالب: مـشـاري رقم التقييم: 12735

صراحه الدكتور محترم وشرحه رائع والماده حلوه والامتحانات صعبه ودقيقه نوعا ما
لكن صدمني مادري شلون خذيت دي وانا مسوي كل اللي يبيه ومقدم زين غريبه يادكتور عثمان :/

- النجوم:
- المستوى: متوسط الصعوبة
- الشرح: شرح ممتاز
- حصلت على: A
ننصح به
المـادة: علم نفس تنظيمي التاريخ: 2007-12-22
الطالب: بيير داكو الكويت رقم التقييم: 12368

بصراحة المادة حلوة، وكتابه مخليها أحلى. وشرحه يزيد جمالها بعد، وخوش محاضرةلأن فيها تفاعل يبي ويجبرنا عليه بألعاب تربوية معينة تزيد المحاضرة جمالا.

- النجوم:
- المستوى: متوسط الصعوبة
- الشرح: شرح ممتاز
- حصلت على: B
ننصح به
المـادة: علم نفس تنظيمي التاريخ: 2007-09-18
الطالب: ShorouQ رقم التقييم: 11753



بصراحــة الدكــتـــور عـثــمــان واااايــد محترم ..

والمـاده حـلـوه وممتعه .. خاصة وقت النقاش الجماعي =)


بس لامتحانات لكم عليها شوي .. تخربط شوي !!

بس لا تحاتووون ماراح ان شاء الله تزفتوون فيها
الماده تستاهــــل

والدكتور راح يحببكم فيها اكثر .. =)


i got B+ il7emdellah









- النجوم:
- المستوى: متوسط الصعوبة
- الشرح: شرح جيد جدا
- حصلت على: A
ننصح به
المـادة: مناهج بحث في علم النفس التاريخ: 2007-02-12
الطالب: miss_butterfly رقم التقييم: 8898

الدكتور عثمان والنعم فيه عجيب واينن يتعامل مع الطلبة باحترام واخلاق بس امتحاناته شوية دقيقة بس اهو يتساهل معاكم اذا كانت المادة صعبة يسهلها عليكم
اذا شفتوا اي مادة عنده مبطلة اخذوها لا تطوفونها

- النجوم:
- المستوى: متوسط الصعوبة
- الشرح: شرح ممتاز
- حصلت على: A
ننصح به
المـادة: علم نفس تنظيمي التاريخ: 2006-09-16
الطالب: فهد رقم التقييم: 7288

خوش دكتور الصراحة .. ويحترم الطلبة , و يضبطك بالدرجات

- النجوم:
- المستوى: متوسط الصعوبة
- الشرح: شرح متوسط
- حصلت على: A
ننصح به
المـادة: 1350200 التاريخ: 2006-02-24
الطالب: جامعي وافتخر رقم التقييم: 2575

خوووووووش دكتور حبوب ومادته مو صعبه ، بس اقولكم بصراحه يعني شرحه عادي ومحاضرته مو وايد تشد الطالب ، وامتحاناته موضوعيه ودقيقه بس يعني اقولكم الصراحه تعامله زين واذا تدرس حق الماده تاخذ درجه حلوه

- النجوم:
- المستوى: صعب جدا
- الشرح: شرح متوسط
- حصلت على: A
ننصح به
المـادة: مناهج بحث التاريخ: 2005-08-13
الطالب: بصمه رقم التقييم: 608

دكتور محترم للأقصى درجه _ لكن محاضراته مووايد شيقة بس علاقته مع الطلبة فيها إحترام

 

[Miss.6Mo7]

^

مآقصرت مهــآآوي