وأخيرا سويت عمليت التجميل لأنفي ......حياكم بالتفصيل الممل الجز1

[فنااااتج]

السلام عليكم
اليوم راح أقولكم قصة مع عمليت تجميل خشمي
بنات أنا أعاني من أنحراف بالأنف رحت لأكثر من دكتور وقالي فيج أنحراف
فقررت أتوكل علي الله وأسوي العملية ................ طبعا بدت معاناتي
بالبحث عن أحسن دكتور تجميل بالعالم والله والله ما خليت ديرة ولابالديرة دكتور تجميل الا رحت لة وسألتة
طبعا كل هذا عشان ما ألعب بنفسي وأقول أنا السبب لعبت بخشمي طبعا مشطت دكاترة الكويت واحد واحد ووالله لو حط أسمي بيعرفوني ههههههههههههههههههههههههههههه من حنتي المهم ما رتحت فقررت أسويها برة مدحولي دكتور الحوراني ودقيت علية وكلمتة طبعا أهو بمصر وقالي أبعتيلي صورتج وماصدقت خبر علي طول طرشتها لة بالأيميل ....... جني
قرقة زيادة عن اللزوم لوووووووووووووول المهم أستخرت وبعدها توكلت علي الله وقررت أسويها عند الكتور بور صادق
طبعا كلكم عارفينة الي بمشهد وبعدها حجزت التذاكر وكلمت وحدة أسمها مريم بمشهد تنسق مواعيد عند الدكتور وتتكلم عربي
قلتلها عن حالتي وبنت الحلال ما قصرت طبعا جهزت لسفرة ...بكمل الموضوع بعد ربع ساعة أبونا يناديني ناطرة أسألتكم وسامحوني أذا تأخرت

 

[سندريــــلا]

الحمدالله عالسلامه

 

[عيون السواهي]

الحمد الله على سلامتج متى سويتي عمليتج واشلون النتيجه ان شاء الله راضيه عليها وبتوفيج

 

[فنااااتج]

رد : وأخيرا سويت عمليت التجميل لأنفي ......حياكم بالتفصيل الممل الجز1

باااااااااااااااااااااااك
طبعا طرنا علي خطوط الجزيرة كانو مسوين عرض التذكرة 74 دينار فقلت يلة خيرة بعد
وصلنا مشهد وسكنا بفندف أعيان أستقبلتنا مريم وقالتلي ها انتي جاهزة لدكور باجر موعدج
قلت توكل يعلي الله وفعلا رحت لدكتور بور صادق طبعا أنا دشيت العيادة ورديت طلعت
بتأكد شنو مكتوب عيادة ولا قاعة محاظرات هههههههههههههههههههههه كان عندة زحمة موطبيعية
يمكن 120 وحدة لا وفي شباب بعد الي ملزقة علي خشمها والي ويها مورم طبعا أنا نسيت خشمي وقعت أخز خشومهم
وسألهم بس محد عبرني طبعا لأني ماعرف اتحجي أيراني طبعا أنا كنت كاشخة لأن مريم واسطة هناك ماخلتني أنطر سيدة دخلتني بمكتب
فية ألبومات لبنات مسوين تجميل للأنف قبل وبعد بصراحة شفت كل الصور وعجبني بشئ واحد أن شغلة طبيعي وما تحسين انة متعبث حيل بخشمج
كنت قاعدة علي أعاصبي أبي أعرف شبيقولي ؟ دقايق ودشيت عالدكتور طبعا الدكتور ماشاءالله تحسين انة فاهم بس قعدت قالي خشمج فية انحراف ونازل لي تحت
قالي أنا راح أعدل الأنحراف وراح ارفعة لج ..... كل هالحوار ترجمة من مريم فقالي باجر عمليتج مت من الخوف كتبلي تحاليل ورحت علي طول وسويتها
تعالو شوفوني ليلة العملية حالتي للة ومادري خايفة ومتوترة وقاعدة أحاتي شلون بصير شكلي ؟؟؟؟ طبعا طار النوم من عيني سهر لي الصبح
أتصلت علي مريم قالت يلة لازم نروح المستشفي لأن موعد عمليتج الساعة1 الظهر
رحت توضيت وشجعت نفسي وتوكلت علي الله ونزلت لها مع أختي رحنا للمستشفي كان أسمة دي كلنك يعني عيادة اليوم الواحد
بصراحة شكل العيادة مو شئ قلت لمريم مو عاجبتني العيادة قالتي ماعليج شفتي المكان هذا في أشطر دكاترة والله والله ذاك اليوم مثل الحلم عندي
دخلتني علي دكتورة سألتني جم عندج بيبي وشنو تشتكين منة وووو.... بعدها ودتني لغرفتي وعطتني ملابس مالت العملية كان لونها أخضر لا وشحاطة جلد أسود هههههههه مادري ليش
والله في شئ كان في شئ قامتني مادري ليش أهو المكان ولا العملية ولا شنو مادري تعوذت من الشيطان ولبست قلت لها أنا خايفة من البنج قالتلي ماراح تحسين بشئ لا تخافين انتي حنانة حيل نزلوني لغرفة العمليات والعبرة غاصتني ببجي >>>>>> مادري شبي حادني تدرون ليش لأن محد فاهم أنا شقول غير مريم لـأنهم الله يهداهم لايعرفون يتكلمون لا عربي ولا أنجليزي فحسيت أني ضايعة بموتكم من الظحك والله والله والله دكتور البنج يبي يعطيني البنج وانا غاصتني العبرة ليش ؟؟؟؟ أشوف الأبراج جدامي وخريطة الكويت هههههههههه مادري ليش حسيت وطنيتي عالية يقولي الدكتور شفيج قلتة أي لاف كويت زين ماسوي شئ فيني ولا فجرني بالبنج هههههههههههههههههههه قاعدة أقول ليش طرت علي الكويت يمكن بصير فيني شئ
المهم ثواني سمعت صوت الدكتوربور صادق يقول لدكتور البنج ويت يعني لحظة وكلمني قالي لا تخافين راح تصيرين وحدة ثانية وبعدهاااا عطاني الدكتور البنج حسيت الدنيا أدور فيني ونمت
طولت عليكم صح ............... الله ياهي سوالف لا يمكن تنسي

 

[ام الوردة]

اي كمللللللللللللللللللللللللللللي

<<<<<<<<<<<<<<<< مالها خلق تنطر

وحمدالله عالسلالالالالالالامة وكل نوز وانتي بخير

 

[فنااااتج]

رد : وأخيرا سويت عمليت التجميل لأنفي ......حياكم بالتفصيل الممل الجز1

بعدها صحصحت من البنج وأول ما بطلعت عيوني حطيت أيدي علي خشمي بشوف شلي صار لقيت لا فينة وحاطين جبيرة علية طلعوني لغرفتي حصلت أختي ورفيجتي مثل الحلم جدامي ينادوني شلونج اللحين كنت أحس بدوخة من البنج طبعا خشمي كان صج وارم وعيوني وارمة وحالتي للة والي ضايقني التنفس قاعدة أتنفس من حلجي نشف ريجي وحاولت أشرب ماي شوية والحمدللة اهم أول 3 أيام الي شوي تعبت فيها بعدها الحمد للة أحس كنت متوترة لأبعد الحدود أبي أشوف خشمي مرني دكتور بور صادق قالي بعد أسبوع بشيل الجبيرة لا تحاتين قتلة أنا باجر طيارتي قال عادي أنا أتعامل مع الدكتو خالد زادة بمستشفي دار الشفا أكتبلج تقرير وروحيلة وفعلا وأنا بالمطار عاد تعالو شوفو الفضول الي يطل بويهج ساعة ويظحك يعني صدناج وسوالف حدث ولا حرج ..... المهم كنت متضايقة من الخيوط الي بخشمي ماصدقت علي الله صار أسبوع رحت لدكتور خالد بس دشيت علية قالي أني مسوية خشمج بأيران صح ؟ مادري شلون عرف الظاهر أيران ماركة قتلة اي قال عرفت من الغرز .... المهم قالي صارلج أسبوع قتلة اي وشل الغرز الحمد للة بقت الجبيرة أبي يشيلها عشان أعرف مستقبلي ههههههههههههههههه قال لا تستعيلين بشيلها لج وأنا قلبي يرقع مت من الحر مع العلم الغرفة باردة والله جنها حالة ولادة المهم فتح الجبيرة وقعد يمسج خشمي وقالي مشاء الله قلت ها ولد ههههههههه مات من الظحك طبعا قمت ووقفت جدام النظرة بغيت أبجي أهو حلو الخشم بس رافعة لي قالي الدكتور خالد عادي توج أنتي أسبوع أهو اللحين متفوخ ومرفوع عادي راح ينزل لا تحاتين وأنا اليوم لي 10 أيام وقاعدة أشوفة كل يوم يصير أحلي والحمد للة علي كل حال هذي تجربتي مع بووور صادق حبيت أنقلها لكم لأن أدري الوحدة ودها تسأل وتبحث قبل اي عملية

 

[فنااااتج]

رد : رد: وأخيرا سويت عمليت التجميل لأنفي ......حياكم بالتفصيل الممل الجز1

الحمدالله عالسلامه

الله يسلم عمرج يارب

 

[فنااااتج]

رد : رد: وأخيرا سويت عمليت التجميل لأنفي ......حياكم بالتفصيل الممل الجز1

اي كمللللللللللللللللللللللللللللي

<<<<<<<<<<<<<<<< مالها خلق تنطر

وحمدالله عالسلالالالالالالامة وكل نوز وانتي بخير

ههههههههههههه الله يسلم عمرك ونوزك بخير

 

[فنااااتج]

رد : رد: وأخيرا سويت عمليت التجميل لأنفي ......حياكم بالتفصيل الممل الجز1

الحمد الله على سلامتج متى سويتي عمليتج واشلون النتيجه ان شاء الله راضيه عليها وبتوفيج

الله يسلم عمرج أنا سويتها 3 /8 /2010 يعني توني فرش والحمد للة راضية
أهو الحلو بالدكتور ما يرد عليج يسوي الشي الي يناسب ملامح ويهج ومقتنع والحلو بالسالفة أنة طبيعي

 

[فنااااتج]

رد : رد: وأخيرا سويت عمليت التجميل لأنفي ......حياكم بالتفصيل الممل الجز1

الحمدالله عالسلامه

الله يسلم عمرك يارب

 

[شنشووونه]

الحمدلله على السلامه حبيبتي

الحمدالله انه كلشي مشى تماااام

انزين فديتج بسالج

لاني افكر اسويها بعد

انا مسويتها من قبل بس ماضبطت معي

وقاعده ادوور دكتووور شاااااطر ومحتاااااااااااااااره للحين !!

هي مريم هي تشتغل في عياده الدكتور ؟؟

واذا ابي اتصل عليها شلون ممكن رقمها ؟؟

ومشكوووره فديتج

 

[فنااااتج]

رد : رد: وأخيرا سويت عمليت التجميل لأنفي ......حياكم بالتفصيل الممل الجز1

الحمدلله على السلامه حبيبتي

الحمدالله انه كلشي مشى تماااام

انزين فديتج بسالج

لاني افكر اسويها بعد

انا مسويتها من قبل بس ماضبطت معي

وقاعده ادوور دكتووور شاااااطر ومحتاااااااااااااااره للحين !!

هي مريم هي تشتغل في عياده الدكتور ؟؟

واذا ابي اتصل عليها شلون ممكن رقمها ؟؟

ومشكوووره فديتج

هلا وغلا شنونة

حبيبتي لو تفرين العالم بكبرة ما تلاقين أشطر من دكاترة أيران للأنف أبداع

مريم اهي تحجز مصحات علاجية لكل التخصصات ومندوبة لدكتور بور صادق

وأن شاء الله بعد الفطور أحطلج رقم مريم

وان شاء الله تسويننا وتظبط وياج

 

[شنشووونه]

فنااااتج ششجيعتني والله اشتطيت خخخخخخخخخخخخ

خلاص بنطر الرقم بعد الفطووووووووووووور

ادعيلي فديتج لاتنسيني

ومبااااااااااااااارك عليج الشهر والخشم الجديد

 

[cuteya1986]

مايجيبوونه الكويت هذا لووووول

 

[مجموعه]

رد : وأخيرا سويت عمليت التجميل لأنفي ......حياكم بالتفصيل الممل الجز1

الحمدالله على السلامه وماتشوفين شر انشالله
بس اختي ممكن تقوليلي جم كلفتج العمليه بالكويتي تقريبا او بالدولار
وممكن رقم مريم الي تنسق المواعيد مع الدكتور الي تكلم عرب

 

[M!Ss Smart]

ماشالله اختي تبي تسوي بس محتاره بقولهاااا عن تجربتج وياليت تعطينا رقم مريم وشلون يعني نتصل عليهاا ونقولها نبي دكتورج ولا شنو الوضع وومبرووك ع النيوو ستايل

 

[فنااااتج]

رد : رد: وأخيرا سويت عمليت التجميل لأنفي ......حياكم بالتفصيل الممل الجز1

مايجيبوونه الكويت هذا لووووول

واللة ياليت يجيبونة تدري عاد يظحك علي دكاترة التجميل الي عندنا ويقول دكتور جمال الحربي كان يأخذ ميداني عندي
وأهو يسافر لفرنسا بس ************

 

[فنااااتج]

رد : وأخيرا سويت عمليت التجميل لأنفي ......حياكم بالتفصيل الممل الجز1

الحمدالله على السلامه وماتشوفين شر انشالله
بس اختي ممكن تقوليلي جم كلفتج العمليه بالكويتي تقريبا او بالدولار
وممكن رقم مريم الي تنسق المواعيد مع الدكتور الي تكلم عرب

هلا وغلا الله يسلم عمرج
العملية كلفتني 4 مليون تومان يعني بالكويتي 1200 شاملة العملية والمستشفي و أقامة يوم واحد وزيارة الدكنور مرتين
أنا عندي رقم الدكتور أعطيج أياة وكلمية مباشرة أرسلة لج بالخاص

 

[شنشووونه]

فنااااتج وين الرقم خخخخخخخخخخخ

انزين حبوووبه انتي كم يوم قعدتي هناك ؟؟؟؟؟؟؟

ويوم سافرتوا لازم يكون معاك رجال ولا عادي

لانه اخواني كلهم صغار ولو بروح بكون بس مع خواتي ؟؟ اخاف نضيع خخخخخخخخخ

 

[om.7madiiin]

رد : وأخيرا سويت عمليت التجميل لأنفي ......حياكم بالتفصيل الممل الجز1

حمدلله عالسلامة عاد انا مشروعي القادم لان خشمي فيه كسر
وأبي أشيل الغضاريف و انشالله ما يعور ..
أبي الاسعار بالضبط و جم يوم قعدتي..
حدي خااايفه و ممكن رقم مريم ؟
يوم يتي هني جم فتح لج الغرز بدار الشفا ؟