وااااااااااااي بنات فيني حرررررررره منها (( صالون ايفون ))

[F@ntG Q@t]

امس رحت صالون مدام ايفون بسوي مساجها بعد المدح وشفتها كويس ورخيص طبعا سنه على ما دليت المكان (( ماعليه خواره بالاماكن )) :dddds: المهم اخر شي دليته

نزلت


طالعت


والله الصالون كاتبين فيه بدكير ومنكير وسشوار ومساج والافته صغيره مكتوب فيها بيوتي ليدي


المهم يا محفوظات السلامه

دشيت داخل

واطالع ماكوووووو ستاف داخل الصالون وله في غرفة قاطين فوق بابها ستاره لا مو مركبينها ... ولاغرفة خشب والصالون غرفتين بالضبط

المهم ايفون كانت قاعده تسوي مساج حق وحده نطرتها تخلص المهم


شافتني جان تقول ما ابدي الشغل معاج الا باجر لازم تشربين ماي حار قبل الاكل وبعده (( وقلتلها بعده انا سامعه يسبب ترهل المهم قالت لا)) واهي للأمانه جسمها مترهل وسايح على بعض

المهم
خذت مني عربون وقالت اشوفج باجر انا بحجز لج موعد الصبح قلتلها اوكيك طلعت قلت يمكن المكان داثررررررر بس اهي زينه خل اجرب

المهم اليوم دقيت عليها قلت لها ها اقدر اي الحين عندج احد قالتلي حياااااااااااج

المهم وصلت الصالون وبالحر والتغلغص ودشيت وله جدامي 4 بنات يعني لازم انطر 4 سااااااعااااااااااااات وان هاده ولدي بالبيت مع الخدامه ..

المهم

نطرت


ونطررت




ونطرررررررررررررررررررررررررررررت


جان اسأل البنات قلتلهم انتوا كلكم تبون مساج جان يردوووووووون


اي



المهم دشيت حق ايفون مالت المساج قلتلها مو توني داقه وقلتي حياج والحين عندج 4 بنات جان تقولي اي زباين (( طبعا انا قاعد اتكلم بكل هدوء واهي الي مستغربه ))

عصبت جان اقولها عطيني العربوووون انا على بالي بالوقت مو قااااعده انطر ليش عيل في مواعيد جان تقولي :::::

ايفون كانت حاسه انك مش حتعملى مساق معانا عشان كده وقلتلك تعالي بكره (( وهي جذابه قالت السبب الماي بس الحين جدام زباينها تفشلت ))

المهم خذيت العربون ومشيت بس بطت جبدي :eh_s(14):

 

[أم أحمد كول]

بيييييييييه تبيج تنطرينها 4 ساعات وااايد .. انا اقول يبيلج وحده بالبيت احسن

 

[^^ROSE^^]

حبيبتي ايفون هذي بالذات اللي عيزو الناس يتحلطمون عليها
ليش رحتيلها والله الصينيات شحلاتهم خبرة ونفس حلوة
مو هالمصارعه اللي تطلعين منها جسمج مبقع من الفقص
ماعليج منها انا اقول روحي مكان مضمون احسن
لا وفوق شينها قواة عينها والصالون داثر ومكسر اصلا هالاماكن ينخاف منها انا لو منج ما اقعد وحمدي ربج مافصختي هدومج بهالمكان

 

[كويتيه لذيذه]

وااااااااااع وانت شموديج لها الله ما كثرهم ايونج للبيت انظف وأأمن فىبيتج واتكون اهى ايلى يايه مو انتى ايلى متعنيه

 

[F@ntG Q@t]

وبين ايبلي وحده لي البيت تكون زينه وشغلها مضبوط ؟؟

لا تقولولي مريم الهندية ؟؟؟؟

 

[ام مهودي]

والله ايفون بالعكس زينه وحبوبه انا رحتلها بعد الولاده بطنيي كان نازل حيل والله صعد من مساجها ومنو قال اذا عندها 4 حريم يعني تنطرين 4 ساعات بالكثير بالكثير تنطرين نص ساعه لانها ما اطول بالمساج اكثر من عشر دقايق
بس يعني الصراحه انا احس المساج ما ينفع حق وحده امتينه لانه انا ضعييفه وبس صعد يعني ا ضعف وبس :"))

 

[F@ntG Q@t]

والله ام مهدي قالت لي استني بره لمده 4 ساعات لانه هذيل زباينها من زمان

 

[كويتيه لذيذه]

اى بس اشدعوه 4 ساعات شالسالفه لو انج رايحه القاهره توصلين وتتعشين ودورج ما وصل عندهاااااا

ههههههههههههههههههههههههههههه

 

[sanyoreta]

اقول روحي مكان مضمون احسن

وبالنسبه للماي انا دايما اول مااقعد من النوم اشرب ماي
دافي علي الريج واااااااااااايد زيييييين
وبالنسبه للهنديه مريم قريت موضوع عنها
في وحدة حاطته وايد يشتكون منها بس تبي تاخذ فلوس
وساعات ماتيلج
طبعا هذي ردود البنات اللي قريتها بالموضوع

 

[F@ntG Q@t]

سنيوريتا صاجه والله تعبنا واحنا نعابل بعمرنا

 

[شيهانه]

مشكوووورة على التصيحة انا شفت بنت تمدحها اهني بالمنتدى قلت بروح لها بس اشوه وصفتيلنا مكانها واااي مو على بو بوفر اروح مكان اي كلام ..

 

[supermarket]

الله سلمج منها حبوبة لانها تصارع ماتسوي مساج

 

[F@ntG Q@t]

اي قلت خل أقولكم عشان تدرون وما تروحون اتعنون .

 

[ظلال القرآن]

زين اشوا سلمتي على عربونج لو رايحه حق جوري جان قالتلج ماكو عربون

 

[F@ntG Q@t]

منو جوري بعد ؟؟؟؟

 

[ظلال القرآن]

منو جوري بعد ؟؟؟؟

هذي مدرسه عربي مستلمه الحريم طق وتكفخ علبو تضعفهم لا ولازم تدفعين كل الجلسات 350
قبل لا تبدين وعقب ما تغسل شراعج من اول جلسه اتوبين تقولين خلاص ابي فلوسي
تقول يلااااااااا مالج شي عندي

 

[F@ntG Q@t]

ابييييييييييييييييييييه اشوه مارحت لها ..

 

[أطيب كويتية]

الله يعينج

 

[F O O S H I A]

انا جربتها بصراحه اول الايام حسيتها زينه ايفون
بس مع الوقت حسيت انها تستغل

وتزرق الجسم وبعدها شوي ضعفت خفت الكرشه لكن عقب حسيت بترهل فضيع !!!

والحين انا افكر ادش نادي لأن ماكو احسن وانفع وأصح للجسم غير بالرياضة ...

وله انتو شرايكم صبايا فديتكم

 

[F@ntG Q@t]

اهي فقيره جسمها مترهل بشكل موووووووووووو طبيعي استغرب ماتسوي لها مسج (( باب النجار مخلع ))