وااه خزيااه ويافشلتي علي طيحتي جدام الناس

[ابدا يالغالي مانساك]

السلام عليكم ورحمة الله وبركااته


تكثر المواقف في حياة كل انسان

منها مواقف صعبه

ومواقف حلوة

ومواقف محرجة


ودي اتكلم عن المواقف المحرجة وطريقة تصرف كل انسان لحظة حصول الموقف


الموقف المحرج اللي ودي اتكلم عنه

الطيحات في الاماكن العامة

مثلا بالسوق

بالجمعية

بالشارع


ويشعر الانسان بالخجل او الاحراج لما يطيح

لكن بما انه لكل فعل رد فعل

وعلشان الانسان يبعد الحرج عنه او الفشله

لازم يعرف يتصرف بمثل هذي المواقف والكل معرض لها


اتمنى من الكل الاجابة على اسئلتي :


1- اوصفي شعورج لي طحتي بالاماكن العامة ؟

2- شلون ممكن تتصرفين بمثل هذي المواقف ؟

 

[نهى الأحمد]

وعليكم السلام

هلا والله ياقلبي


ياكثر المواقف المحرجة اللي نطيح فيها


لكن مثل موقف الطيحات في الاماكن العامة اهي تفشل نوعا ما :eh_s(22):

وسبق وطحت في الاماكن العامة

كنت اقوم بسرعة وما الفت نظر الناس اني تاثرت بالطيحة

مثل هالمواقف صج يبيلها سرعة ردة فعل


تسلمين حبيبتي

 

[ابدا يالغالي مانساك]

تسلمي لي ياقلبي

نبي موااقفكم بناااااااات

 

[روز بآريس]

لي بآك مع مواقف قلب

 

[ابدا يالغالي مانساك]

نااطرينكك عصفوره يالباااااكك

 

[روز بآريس]

لبآج كوني حياتي>>:‘&

 

[ابدا يالغالي مانساك]

اليووم طاالعه وفجاااءه وبركب السياره بالمسافط لوووووول
ولا طاايحه علي ضهررررري
انا ستغرربت من نفسي وي يافشله

وركب السياره وتلفت يمين ويسار بشووف احد شاافني وكلن لاهي بنفسه

عندي طيحة الحرمه تفشل خااصة بالمكااان العاااااام

 

[شذى2007]

ووووواي اسئليني ياكثر ماطيح الفتره هذي قبل لا المهم مره في عرس وانا امشي واطيح ويالله قمت وعلى ماوقفت بمشي واطيح طيحه اقوى ماقدرت اوقف الا احد يقومني ههههههههه لان ثوبي ضيق وكعب حييل ماقدرت اقووووم يااي فشله قدام الحريم بس عادي خليت الوضع عادي وضحكت مع اللي ضحكوووو هههههه

 

[قمر بيت أبوها]

عاد أنا طحت طيحه محترمه وانا طالعه للجامعه وكان امطار وخير وبركه
ومن الربكه والخوف قمت بسرررعه بالحق علي اللجان قبل لاتسكر مااهتميت بالطيحه
بس تعالي شوفيني لما رجعت البيت حسيت بانواع التشنجات بظهري
واتذكر اني طحت بس من هيبة الاختبارات ماقمت افكر بنفسي
والطيحه بعد عند باب بيتنا والجيران كانوا بنفس الشارع بس الاهم عندي اهلي ماشافوني عشان مايفكون الصفارات علي وانحرج زياده
بس السايق والجيران شافوا الحدث يعني مااحد شاف شي

 

[عـيّــآره]

ليش عاد تسوين فيني جذي ؟ ليش تذكريني

انا عندي الطيحه الفجائيه السريعه اهون من انج لابسه كعب وتصير الجاذيبه الارضيه عكسج وتترنحين خمسين

مره وتحاولين ماتطيحين وتثبتين نفسج بس اخرتها طرااخ انزين ليش ماطيح بسرعه واقوم لازم شقلبه هوائيه

سريعه قدام الله وخلقه
​

 

[الزورق222]

هههههههههههههههههههههههههههههههه يافشيله ..
1- اوصفي شعورج لي طحتي بالاماكن العامة ؟
عادى شعورى شعور رئيس دوله ههههههههههههه
2- شلون ممكن تتصرفين بمثل هذي المواقف ؟
مااتلفت ماقلتج رئيس دوله هههههههههههه

 

[Miss Cherry]

عادي اذا طحت بمكان عام اقوم جنه ماصار شي

منو اللي بيضحك صراااحة سخيييف

 

[ابدا يالغالي مانساك]

اب
اب
بنااااااات شكلي حركت فينا المواجع لوووووووول

 

[~ حان الوداع ~]

اه بس قلبتي علي المواجع

برمضان رحت للسوق مامعي احد اول مره يصير كذا
دايم اخاف اروح لحالي لازم يكون معي اختي
طلعت من المحل مادريت ان فيه تحتي درج مادريت الا وانا امشي بالهوا ههههههههه


وطرااااااااااااااااااااااااااااخ ماحسيت الا وانا متمدده بالارض واطيح بين العمال جالسين على كراسي والرايح والجاي يشوفني واقوم بسرعه ولا ناضرت ولا كأني طحت ويوم بعدت عن مكان طيحتي ابشوف احد شافني مادريت الا العيون علي واهرب من المكان كله خخخخخخ
الطيحه قوووويه بس ماحسيت بعوارها من الفشيله الا بالبيت ماقدرت امشي الم فضيع

 

[ابدا يالغالي مانساك]

تسلموا ع الردوود


اب
اب

 

[Tom ♥ Jerry]

,


واي الحمدلله الحمد لله و لا مره طحت
بس مادري شو بيكون شعوري :/
يمكن اسوي نفسي طايحه غشيانه ههههه


بس اكثر من مره اصادف ناس يطيحون جدامي
الصراحه مااقدر لازم اظحك :eh_s(22):
بس اذا مره كبيره أو ريال كبير لا احترم نفسي ما اظحك

مره بنت خالي طاحت بالخيران سويت نفسي ما اعرفها
كان حده زحمه .. وفي شله شباب اتذكر مصخروها

و مره عمتي طاحت تونا بندخل بيتزا هوت جان تطيح :eh_s(22):
عادي عادي تصير بآحسن العوايل :eh_s(11):

 

[*مطبخ الذواقة*]

ههههههههههههههه

ذكرتينا بالذي مضى

انا اذكر اخر طيحه لي وركزوا علي اخر هههه
كانت بمواقف سيارة جبرة الكوت

طحت طيحه

بس علي طوول قمت ونفظت اثار الجريمه هههههه
وابتسمت ابتسامه واااحد توووووهق

ههههههه

بس هالمواقف تنذكر ان شالله وما تنعااااااد



مشكورررررة علي التذكير هههههه


ام يوسف

 

[معي احلى]

اني فداء لك الموضوع ببالي من زمان انزله .. وسبحان الله انت تريد وانا اريد والله فعال لما يريد .. سبقتيني ..



تعرفي ليش كنت بنزل الموضوع من فتره .. ومتردده ..

يفلت - يدرب - يتكعدل .. (بمعنى يطيح بس باليمني .. ) <<مصممه اعلمكن يمني . ههههه

لاني اكثر مخلوق عرفته البشريه .. يفلت بالاماكن العامه .. (عندي خلل بالتوازن .. ) لما نكون بالريف في الجبال .. اقول يمكن لاني مش متعوده على الجبال .. لكن .. بالطريقه المستويه كمان ..



اهم مواقفي ..



مرة كنت ماشيه .. بالجامعه مع ثنتين بنات واحده صديقه والثانيه زميلة دراسه فقط .. في الكليه .. (الصديقة عضوه هنا بهذا المنتدى ) فجالست نتكلم وخلال الكلام .. قالين اني امشي واثقه الخطوه .. قلت طبعا اني مااامشي مع مهزوزات .. وعينكن ماتشوف الا النور .. جايه اطلع الدرج للدور الثاني .. وعلى وجهي .. وركبتي .. اخذت نصيبها .. من الطيحه .. قمت سريع قالت الزميله .. واثقه الخطوه ماتمشي مع مهزوزات .. واني المهم عندي احد شافني من الدفعه .. <<كارثه .. صديقتي قالت لا .. مافي احد قمت اطلع الدرج .. (ساعة ماقمت من الفلته .. ماحسيت بالالم .. اهم شيء من شافني .. بس بعد مااطمنيت .. بدأ الالم يظهر وامشي واني اعرج ..






الموقف الثاني ::


هذا كنت سنه اولى .. واختي الذي بعدي ..اصغر مني بسنتين جت معي الكليه .. واحنا خارجين في درجه عند البوابه واني ماشيه والله يعلم في حسي .. مش معي . وابرك .. على ركبي .. أختي المبجله... بدل ماتساعدني وتشوف ايش حصل معي هربه خلف السياره .. مستحيه مني (تخيلي اسمع من الرجال يقول الله ) وهي هاربه .. نذاله .. قمت نفضت البالطو (العبايه عندكم ) وامشي واختي تضحك تقول عادك تنفضي البالطو ماتستحي ..






الثالث كنا بالقريه .. رايحي عرس في حرب الانفصال 94 واحنا بالقريه واني مروحه من العرس .. اني وخواتي وبنات من الاسره وعمتهن وبنت عمي (ربي استقضي لي منها بوقتها ) - استقضي لي = يعني اخذ بحقي منها - اني انزل من الجبل ومش متوازنه .. الا وانزل على وجهي مثل الذي يسجد للصلاه .. وهو مابين الغصر والمغرب .. المرة العاقله الذي معانا ضحكه تقول لي .. فلانه مو لتصلي .. وبنت عمي كر كركركركرككركركرركر من قلبه اني ايش اصلي .. واني فلتواعلى وجهي مثل الذي يسجد - لك الحمد يارب .. مافي دقيقتين .. واني تتكعدل على وجهه على طوله وهي بنت القريه المفروض متعوده على الطريق ..






اخر موقف احطه هنا ..


صديقتي العضوه .. بهذا المنتدى تحب المطاعم الشعبيه باليمن وهي سلسلة مطاعم ((اسمها الشيباني )) ..

عزمت صديقاتنا الباقيات وهي متزوجه عندكم للكويت .. المهم طلبنا الغداء ولله الحمد واني جالسه اقول للبنات .. يالله نكمل الغداء ونروح النت .. نكتب رساله لفلانه .. نطافحه انه كنا بالشيباني (نطافحه = نفرسه ..)) بس والله الذي لااله الا هو غيرت رايي قبل مانكمل الغداء ... نيتي الخاسره ..

جيت بنزل الدرج (من ثاني درجه .. اتشقلب .. اني اهم لاتنكسر رقبتي .. واحده من الذي معي صاحت من الخوف و المنظر الشنيع .. والثانيه تضحك على منظر ارجلي وهن لافوق .. لحد ماوصلت .. لنهاية الدرج الحمدلله ماكملت اللفه الثانيه .. مااحد انتبه لان وزير التعليم العالي كان بالصاله الثانيه .. قمت اتطمئن من شافني ..



سامحوني حكيت قصص حياتي .. بالموضوع .. بس هذا نقطة في بحر ..

 

[معي احلى]

يو ذكرت .. موقف .. اني وصديقتي الذي بالمنتدى. .. كنا رايحات الجامعه .. طلعنا الباص .. ووقف عند الجامعة بنزل رجل بالارض ورجل بالباص .. وهو اتحرك وصديقتي لسا بالباص .. وعينك ماتشوف الا النور .. انبطحت على ظهري .. الا ان راسي لم يمس الارض .. اني اسبه من خارج الباص .. وصديقتي من داخل الباص .. واحنا بالكليه .. اسالها .. في واحد مسك ايدي لما طحت حسيت ابطي اشتد كانه رجال مسكني .. قالت ايوه ماركزتي .. كان في طالب مسككك خايف تدقي راسك بالارض ..



طبعا بعدها بفتره كنا كل مانجي نروح البيت .. واحنا تقريبا جيران مابيننا شيء .. نوقف باص اشوف السواق نفسه ماارضى اطلع .. وهي تضحك عليي ..



وبالدرج الكهربائي .. حصلت فرقي مره .. الان عندي فوبيا من الدرج الكهربائي اذا في وسيله اخرى غيره استخدمها واذا مافي الا هو اكون على اعصابي .. بالطللوع والنزول ..


مزعجه صح .. بس والله احسكن مثل خواتي .. قلت اشاركن مواقفي .. وان كثرت ..

 

[روز بآريس]

ههههههههآي لايوقف