واحة الجمال ...عالمي الخاص ...حياكم

[أحترت أعبر]

مرحبا كويتيات
موضوعي هذا عن جميع ما استعملته من مستحضرات تجميل , وتجاربي الخاصه ورايء الشخصي فيها من ناحية السعر والجوده ....
ومثل ما أستفدت منكم ان شاء الله اقدر افيدكم ....
وانبلش باول ركن من الواحه ....
الاساسيات

أول شي راح أتكلم عن اساس كرولاين ...هالكريم كلمة روووعه شوي عليه تغطيه ممتازه وثبات ما عليه كلام والحلو ان سعره فيه يعني كميه وافره تدوووم وتدوووم وتدوووم
بوبي بروان ....طاح بجبدي , أو يمكن أنا ما عرفت أختار نوع يناسبني , لاتغطيه ولا لون , أحطه وكأني مو حاطه شي , من ناحية الثبات لني ما اشوف لون ما اقدر احكم قمت استعمله للطلعات الخفيفه (جمعيه ,بيت الوالده الله يحفضها , البيت )
ديرماكول ...طبعا لان ثقيل جدا ما استعمله الا للحفلات او العزايم الكبيره , ومثل الكل ,أخلطه بشويه كريم ثاني وامده على بشرتي , سعره فيه بصراحه ثبات وتغطيه ولا اروع وعيبه ان مو كل وقت تقدرين تستعملينه ...
ماكس فاكتر ....سعره فيه , ويستاهل أكثر ,تغطيه حلوه وثبات ممتاز وكمان ممكن بشوية بودره يتحول لكريم سهرات ...أتعب وأقول حلو ​

الكونسيلر​

كرولاين العجله ...أقتصادي بالدرجه الاولي , الالوان والثبات ممتازين ,ما عمره خذلني
فورايفر ...ممتاز ,بس لو كنت ماخذه الباليت الثاني كنت بستفيد منه أكثر
بودي شوب ....كلمه وحده خساره بيزاتي :krkrkr:​

البودرات

سمركيك ...صديقة المراهقه ...تغطيه ممتازه وسهلة الاستخدام وسعرها ولا احلى ...وبرغم كل الذم اللي سمعته عنها الا اني ما شفت منها الا كل خير , بكل ازاماتي ووقت استعجالي كانت لي نعم السند ...ولا تهونين يا سمره
كرازا ....سعرها رخيص ...حلو .... تغطيتها :eh_s(14):....ثباتها :eh_s(14):....يعني لازم تحطينها فوق كريم والا ما راح تبين ...الله كريم بس
برجواه ....روووعه روووعه روووعه ....ثبات واحساس ببشره مخمليه يخليني واثقه ان مكياجي بيرفكت وسعرها فيها
شانيل ....ما عجبتني تغطيتها يعني تنفع للدوام او للاوقات العاديه ,بس لو احط تحتها كريم ((أساس))ما عليها كلام ...عيبها غاليه ومو كل غالي سعره فيه
كرولاين ...ما يبي لها كلام ثبات وتغطيه ولا اروع ...عيبها غاليه وكميتها شوي داخل العلبه (بسرعه تنحفر )
ماك مينرال ....خذتها على مدح البنات بتجمع ماك ...وايد حلوه بس عن نفسي لازم تحتها اساس والا ما راح تعجبني ...كميتها مو شويه واحسها بتعمر معاي ​

اللوس باودر ​

يحليلهم ​

جيفنشي ...ريحتها حلوه ,تنفع لما يبهت الاساس على بشرتي بلايام الصعبه :krkrkr:وحتى لما اكون بالبيت أحطها بروحها تنور وجهي وتخليني مورده :eh_s(22):
بودي شوب ...تغطيتها فوق الاساس زينه وسعرها بعد حلو ...بس كميتها شوي وبسرعه تخلص من عندي
كلينك ...أحبها ...في قصة غرام بيني وبينها ...حلوه للسهرات وطلعات بالليل ,اللي عندي فيها لمعه راقيه دايم لما احطها يسألوني عنها ....غاليه وسعرها فيها​

المره الجايه اكلمكم عن الاضاءات والبلاشرات
أشوفكم بخير يا حلوات
خدو ورده:eh_s(7):​

 

[فطيرة الشوكولا]

مشكوووره

 

[باذنجانه]

الله يهنيك فيها
وتخلصينها بالعافية

 

[أسيرة_أحزاني]

يعطيج العافيه

 

[كيفي كيوت]

يسلمووو ياحلوه

 

[UNICORNA]

لكى بعض تعبيرات تضحك لوووووول

عليك بألف عافيه ومنتظرين الباقى ياقمر (=

 

[حلوه ولمآحه]

يعطيج آلف عآآفيه ،،

اساس ماكس فاكتر اشووفه فآشل
ودريمآكول مره ثقيل حتى لو بكريم ثاني كانه جبس
سمر كيك ماعمري جربتها اذكر امي تحطها وبنات خالي ،،
بروح اخذهآ ،،~

 

[وافرر]

يسلمو قلبووو

 

[جويسي]

يعطيج العافيه

اخاف استخدم سمر كيك

 

[MiSS B.K]

الله يعطيج العافية

 

[زوجة عزيز]

مشكووووووره حبيبتي اشتقت اشوف كل مكياجج يعطيج الف عافيه

 

[أحترت أعبر]

فطيرة الشوكولا....مشكوره على المرور يا الغلا

باذنجانه...مشكوره حياتي ..ربي يسعدج

أسيرة_أحزاني...الله يعافيج ...مشكوره فديتج

كيفي كيوت....تسلمين حبيبتي على المرور

UNICORNA...مرورج الاروع حبيبتي ...نورتيني

حلوه ولمآحه... السمركيك مو الكل يمدحها ,بنات وايد ذموها بس والله يا أختي اني من المراهقه أستعملها (قرن من الزمن ) ما صار ببشرتي شي ,لا حبوب ولا بقع ولا شي الحمدلله ...ان شاء الله تعجبج ...
وافرر....مشكوره حبي على المرور

جويسي...والله ما تسوي شي هالسمر كيك ,من زمااان استعملها ولا صار فيني شي أنتي جربيها ولو ما عجبتج تقدرين تستفيدين منها كأساس للجسم بالحفلات وسعرها ما يعور القلب لو ما عجبتج ...جربيها وشوفي

MiSS B.K...الله يعافيج يا الغلا ...مشكوره

زوجة عزيز...أسفرت وأنورت ...تابعيني وان شاء الله بحط الباقي قريب بس اصورهم واحطهم ان شاء الله
أخ بس
لو يشوف ابو الشباب هالموضوع :eh_s(16):...والله لا ينجلط , ثلاث ارباع مكياجي شاريتهم من وراه , كل مره يسوي لي مناحه (نفس الالوان , كله صبغ , وجهك بيخترب ) وقبل هذا كله لا شاف الاسعار :eh_s(14):....أحس بنشوه وانا ادعس الاكياس بعيد عن عيونه وهو :ch12: خليه في العسل​

 

[ايطاليه]

يعطيج العافية حبيبتي

وناطرين التكملة

 

[أحترت أعبر]

ايطاليه ...مشكوره على المرور فديتج ...​

 

[q8ia7]

ونااااسه شكله الموضوع بيحلوو

عليج بالعافيه وناطرين الباقي

مشكووووووووره

 

[Mrs_Orchidia]

الله خووش موضوع .. الله يعطيج العافية


لا يوقف
:ggdw:

 

[النجلا88]

متاااابعه :eh_s(17)::eh_s(17):

 

[الدلـــع كله]

موضوعج رووووعه
الله يعطيج العافيه
ومتااااااااااااااااااااااابعه بقوة فديتج

 

[مناته]

ما شاء الله عليج خوووش موضوع
ناطرين الباقي ان شاء الله

 

[*عيون مغليها*]

مشكوووره واايد استفدت

يالله كملي ناطرين الباجي