- إنضم
- 21 يوليو 2009
- المشاركات
- 1,691
- مستوى التفاعل
- 0
- النقاط
- 0
يا صانع المكياج الله يجازيك
خليتني مخدوع في شكل خلي
الله يحرق مصنعك مع مبانيك
والمعرض الموجود في بيكاديلي
أدعي عسى الله يهديك ويهديك
هذا دعائي دوم لا جيت أصلي
خليتني أركض ورا البنت هاديك
وأشوفها أجمل غرامن حصل لي
قلبي عشقها يا (جيفنشي)توما تيك
وان شافها قلبي يرحب يهلي
هي رحبت بي وقالت الله يحيّيك
وقالت هلا بللي عشق زين شكلي
وقالت أنا أجمل بنت في اللي حواليك
شفت حسني الآخاذ وروجي العسلي
طالعتها ثمّ قلت هالقلب يبغيك
ومن شاف حسنك خلى غيرك يولي
أبغى أشوفك دون مكياج يكسيك
وأبغى أشوفك بالجمال المحلّي
قالت تبيني أفرك الوجه تفريك
وأشيل هالبودر و روجي وكحلي
قلت أي نعم قومي عسى الروح تفديك
أبغى جمالك هالطبيعي يهلي
قالت دقايق راجعة لك و أراويك
ذاك الجمال اللي لعينك يسلي
ويوم رجعتلي شربكتني الشرابيك
وحسيت الأرض تدور وأنا بمحلي
الخد كنّه يا جيفنشي سيراميك
والوجه شارع مثل شارع حولي
الوجه كنه بيت كله شبابيك
من هالحفر في وجهها اللي يعلي
كلّه سبب مكياجك الله يجازيك
خليتني مخدوع في شكل خلي
ونصيحتي لكل شاب من غير تشكيك
لا لا تتسرع ثّم تنغش مثلي
اللي بلا مكياج خلّها حواليك
واللي تحط مكياج خلها ........
م
ن
ق
و
ل
راق لي وحبيت أنقله لكم
والغرض منه ضحك مو شي ثاني
:eh_s(8):
تقبلوا مودتي
