واخيرااا اعترف زوجي

[Tofaha_12345]

اول شي اشلونكم بنات انشالله تكونون بخير
انا كنت اقولكم من قبل اني كل اشك في زوجي يكلم بنات
اخر مره اعترفلي قالي اي انا اكلم ويوم سالته عن السبب قالي انا احبج وايد ومابي اخسرج وانتي مو مقصره معاي باي شي ، يعني هذه عاده عنده من قبل انه يكلم مو قادر يهدها
هو من اول ماتزوجنا :krkrkr:وهو يكلم يعني مت 6 سنين يعني صبرت وايد عليه احس انه ماراح يتغير (صار عنده يهال وماتغير) والله اخاف اني اصبر لما وحده تقص عليه. ويتزوجها

 

[قلبي عبدالله]

وااااي يابرودج


وشنو ردة فعلج مع هالاعتراف الخطير والظاهر انج تساهلتي معاه لذلك تمادى وصار ادمان لانه ماكو ردع خلاص صارت عاده صعب يقاومها


انا عندي يتزوج لاسمح الله ولايستمر في هالعلاقات المحرمه حتى لو ماوصلت للجنس تظل حرام والله يهديه ولايشوف غيرج


ونصيحه كشري عن انيابج لا تسكتي لان هذا في امتهان لج وعدم احترام للانسانه اللي عايشه معاه

 

[قسي قلبك تعيش]

اخذي معاه موقف صارم وخليه طول الوقت انتي شاغلته عنهم بالبيت مع اعياله والوقت معاج يعني لاتخلين له مجال او وقت يقدر يتكلم معاها
واذا مافاد خيريه بينج وبين اللي خانت اهلها عشانه ولازم ينحل الموضوع قبل لايكبر عن المكالمه

 

[ام جروح 83]

كل الرياييل جذي هذي كلمتهم احبج دام يحب ليش يخون
مع الايام بيمل ومرده لج ولعياله انتي كسبيه ولا تخلين بنت ابليس تاخذه منج

 

[عبيرالحب]

اكثري من الدعاء والاستغفار وان شاء الله ربي يهدية

ولا تعطينة ريق حلو خلية يعرف انك زعلانة وحاولي تذكرينة بشيء انك مثل ماخنت شرف الناس راح يجي يوم ويلعب في شرفك سوى انا او بنتك او اختك
تكفى فكنا من حوبتك ومن هالكلام اللي يخلية يحس بالندم
لا تقولين اختار وما اختار اخذي الامر بسياسة

 

[shak!shoka]

عذر اقبح من ذنب

الله لا يبلانا !

وبصراحه اهنيييييج ع برودج !


اخذي موقف جاااد و حااازم و وقفيه عند حده

ولا ترا الي خايفه منه بيصير


الله يهديه

 

[ماني من الناس]

ياكبرها السالفه

٦ سنين يكلم

خوفيه من العذاب قوليله ٦ سنين ونته مجمع وراك ذنوب هالكثر شنو ناطر بعد ماكفاك اللي سويته ناقص ذنوب الظاهر

خوفيه من العذاب وقوليله ترا هالكلام لمصلحتك كل من بيتحاسب بروحه وانا ماراح افيدك بشي ولا هالبنات اللي تكلمهم

وتركي عنج البرود وصيري حازمه معاه وعن حركات المراهقين اللي يسويها

 

[Om FaJeR]

غيري اسلوبج معاه
يعني لاتضحكين ولا تتغشمرين
بس قوليله انا زين ساكته
وترا انا مصدومه عشان جذي للحين ساكته
وقوليله دامك تحبني وشاريني ابيك تسوي هالشغله الفلانيه مثلا تكون بالبيت هالساعه
ذكريه انه له عذاب بالدنيا غييير عن عذاب الاخره
ولاتعطينه مجال سهر بره البيت ودوانيات من العصر لين تالي الليل
انتي توج تعرفين فمن حقج يكوونلج موقف صااارم معااه لااا تحسسينه ان هالشي عادي غيري نفسيتج عليه
عطيه درس نفسي ماينساه حتى (سوري عالكلام) << بالعلاقه الجنسيه بينكم لاتحسسينه انج واايد مندمجه وياه يعني خلج رسميه معااه لين تحسينه نادم ومشتاق حق طبعج وعفويتج واذا حس ان ممكن يخسرج لان اسلوبج تغير يمكن اهو يتغير للاحسن

والله يهديه لبيته ولج يارب​

 

[ام الحلوااات]

اكثري من الدعاء والاستغفار وان شاء الله ربي يهدية

ولا تعطينة ريق حلو خلية يعرف انك زعلانة وحاولي تذكرينة بشيء انك مثل ماخنت شرف الناس راح يجي يوم ويلعب في شرفك سوى انا او بنتك او اختك
تكفى فكنا من حوبتك ومن هالكلام اللي يخلية يحس بالندم
لا تقولين اختار وما اختار اخذي الامر بسياسة

كــــــــــــــلام ســـلـــيـــم :eh_s(15): :eh_s(15):

 

[شقرا كويتيه]

ماشاءالله على برودج حييل بارده بصراحه ست سنين وساكته؟؟

 

[sosowaty]

الله يهديه و يسخره لج

 

[مناي]

اولا قوليله رقمك تغيره ومابي الاقي عليه يرجي الانتظار وليكون تفكر تحطلك خط ثاني لاني ان حسيت مجرد احساس راح اهدلك البيت واحرمك من عيالك
وثانيا يومين بعطيك فكر فيهم ياانا يا خرابيطك يعني اختار ياالحلال ياالحرام غير جذيه ماعندي وبعد ماسمع اختيارك راح يتحدد مصيري معاك
وثالثا خلج حريصه وحازمه معاه والله ان لفت راسه وحده لو شنو ماراح يهدها يعني فكري حتي لو ماتزوج ممكن هالبنت تعرضله جسمها تطلع معاه تواعده كل حزه هالمرة بسو مقارنات بينج وبينهم من ناحيه الشكل الجسم الاسلوب وبيدمنهم اكثر

 

[om abud]

الله يهديه

 

[أم ميميتو]

حبيبتي وقفي عند حده دام اهو تجرأ و اعترف لج باجر يكلمهم جدامج

 

[زوجة عزيز]

امبيه الله يعينج مصيبه والله الله يصبرج شوفي لج حل انا معا مناي

 

[Mjnont '3lay]

بارده !!
والله لو انا جان زر عقلي !!
تبين نصيحتي اتبعي سياسه ثانيه تاخذ قلبه وعقله يعني سوي الشي وبنفس الوقت احرميه منه
< تعرفين النار الهاديه خليه عليها
مثلا اكشخي كشخه اوووفر واذا جاج قولي بكل دلع انا اليوم ماعلي صلاه وروحي نامي
اذا طبختي طبخه ريحتها تصك الراس من حلاها قولي انا حاطه فيها دوا حق بطني ما تصلح لك
يعني صديه بس بطريقه ثااااانيه مايحس انها مقصووده
واذا ما فاد وياه هالاسلوووب
اتبعي اسلووب ثاني يعني الطناش والحقران وعطيه حقوقه كلها بس بتقصير وحسسيه انه اخر اهتماماتج
واذا ما فاد عاد مالج الا انج تخيرينه يا انتي يا هم
او شككيه بنفسه يعني سوي روحج تكلمين مو صج لوووووووول انا قلت تمثيليه مو تجذبين الجذبه وتصدقينها
المهم واذا عصب او ثار قوليله اشووفك مارضيتها على نفسك اجل ليش رضيتها علي !! وان قال جملة الشباب الشهيره انا رجال
قولي له العقاب عند الله واحد وتركي له البيت واطلعي وقولي له متى ما قررت قرار نهااائي وتكون صادق فيه مع نفسك قبل لا تكون صادق فيه معاي انك رح تترك هذي الشغلات تدل بيت اهلي تعال اخذني منه

 

[لمى الهاجري]

مو شي جديد كلهم جي

 

[كربون امها]

الله يعينج ياقلبي حطي بالج ان سالفه التليفونات صارت موضه عند
الريايل والممنوع مرغوب عندهم واللي مايكلم ويغازل صار مو ريال
اهما جذي نظرتهم للامور اللي عليج تسوينه عيشي حياتج واستمتعي بوقتج مع عيالج 0ولاتحطين فكرة ان يتزوج مستحيل يفكر ان يتزوج وحده يكلمه لانهم رخيصات ومنو يفكر بالرخيصات والله يكون بعونج

 

[شادن33]

اولا عليج بالدعاء لاتستهينين فيه ابدا
ثانيا متل ماقالوا البنات كوني صارمه وبينيله ان ج متضايقه باي شكل من الاشكال

 

[منال $]

يالطييييييييييييييييييييييف 6 سنين
انا بس بدي اعرف شو كانت ردك فعلك؟؟
لا الوضع صعب وزي ما قلت الاخت ام مميتو ياخوفي بعد هالاعتراف يصير يكلمهم قدامك