واخيرا بملج بعد اسبوعين بس طلبتكم شوي

[apfel girl]

قوة بنات حدي مستانسه وااي الحمدلله كل شي بخير الفحص وكل شي وبعد اسبوعين ملجتي ان شاء الله بنات بس انا مراح اسوي حفله لا بس بوفييه بسيط وراح ايني البيت وياخذني اطلع معاه فكرت احط ميك اب خفيف وايد بليلى هارموني الي بالفنطاس شرايكم فيه بنات وتخيلو للحين ماشريت بدله حق طلعتي معاه ولا شي شريت :eh_s(16): باجر بروح الافنيوز بنات عطوني اسامي محلات حلوة هناك وبليز قولولي الي مجربه ليلى هارموني الي بالفنطاس ومنو احس وحده حق الشعر والميك اب وشلون طريقتهم احجز والا شلون:eh_s(7):ومشكورين

 

[7bebt 3bod]

الف مبروووووووك والله يوفقج حبيبتي
وليلى هارموني اختيار موفق حلو ويصلح ذرب وناعم بس لا تسوين تسريحة
نصيحه لج عشان اذا طلعتي معاه ما تتوهقين ومايصير شكلج اوفر
واذا تبين اي شي لا يردج الا كيبوردج

 

[apfel girl]

حياتي مشكووووورة الله يبارك فيج ويوفقنا اجمعين اي اكيد مراح اسوي تسريحه

 

[كويتية زقرتيه]

ونااااااااااااااااااااسه أنا بعد ملجتي بعد اسبوعين بس بسوي حفله تخيلي شريت كل شي الا البدله وناويه أروح الرايه فيها ملابس راقيه وحلوه أما الميك أب ليلى هارموني حلو وعندج بعد نادية الشطي مكياجها ناعم وحلو أما عالتسريحه لا اتسوين شي عالي شي ناعم وبسيط اي صج تعالي لا تنسين قوليله خنروح انصور أحلى شي الذكريات والله يتمم علينا يااااااااااااااارب​

 

[Mrs.Q]

واي حبيبتي إنتي حسيت بفرحتج عساج دوووم مستانسة ومتهنية =)
شوفي آنا الأفنيوز يم بيتنا حافظته شبر شبر لووول
نصيحتي لج في مجمعات أحلى وأرقى من الأفنيوز بوايد
آنا أقول قطي فلوسج على أول بدلة راح تظل بباله وأهم شي نفسيتج تكون مرتاحة أنج لابسة شي رزة وعليه القيمة =)
فأنصحج روحي مجمع زهرة او مجمع البستان إخذيلج بدلة بدلتين مايمنع حتى لو غاليين إنتي عروس كشخي
ولو مصرة عالأفنيوز في محلات الماركات يصيرون آخر المجمع إذا تبين شي ماركة عقب بنك بيري وطالع
بس هذول إيون سوالف سادة عرفتي
أحلى المحلات بالأفنيوز بنظري اهيا أوريجيم تحصلين فيه شي راقي ومونسون طقة وطقة وطبعا جيكي على زارا يفنتقون
وفي بعد مانجو فيه شغلات حلوة =)
الله يوفقج حبيبتي=)
ادعيلي الله يسخرلي زوجي ويعدل مزاجه اللي دايما خربان لووول

 

[رآآحٺ آيآمڪْـ]

إؤل شئء .. آلف مبــــــــــرؤك .. وإلله يتمم عليج يُ قلبئء ويوفقج معـآه ؤيشؤفــج بعينـه ملكــه

آذأ تبين بدلـه طلعه عـآديـه بس أنتئء زينهـآ بـآلاكسسؤأرت .. إبرشكـآ & زآرأ ..
ؤإلمكيـآج نصيحـه منئء لج .. عند شوبـآرد الى جنب آلنقرة ..

 

[awashamen7asha]

الله يتمم عليج . لاتنسين مصورة دجتال و اي احد من اهلج يصورج فيديو ( عشان توثقون هاللحظات )
الصالون جربت ليلى هارموني ماعجبني وايد ابيض و الوان ماناسبني. انا بعد كانت ملجتي نفسج بدلتي الملجة نفنوف حفر وللطلعة ياي معاها بالطو فرو ( كان برد) لبسني الدبلة و شربنا عصير و قصينا كيكة و طرنا المطعم ( كان وايد مستعجل لأن مسويلي مفاجئة بالمطعم راحت ايام الرومانسية )
مكياج دلال العرادي و لا زهراء القاسم وايد طبيعي و فوتوجينيك و سويت ستشوار و فرق وبف شلته لمن طلعنا.
البدلات شوفي الموضة و الدارج بالسوق يمكن تلقين بريفر ايلاند و زارا و و توب شوب و مانجو اشياء راقية , شوفي مجمع 360 للحين ماعرف محلاته بس عسى تلقين بدلة.
اذا فلستي من هالمحلات شوفي ليلى جاليري و زهرا بالسرداب ( انصحج تخيطين بدلة طلعة من الحين من ذوقج تشترين الخام و الدانتيل و تطلعين موديل من النت او مجلة عشان تكون باك اب للطوارئ ان ماحصلتي شي)

 

[iLLuMinaTion]

حياتي مشكووووورة

 

[q8awya]

آلف مبــــــــــرؤك .. وإلله يتمم عليج
اختيار موفق
ليلى هارموني اذا تقدرين روحي اللي بشعب
اللي بالفنطاس ماا أعرفه
وخلييج سمبل والنفسية الحلوه
أهم شي الاناقة والذوق ومو شرط البدلة لااازم تكوون غاااالية عشاان تطلعيين حلللوه
والفال لناا انشالله
اذا تقدرين ادزين لي ايميلج ع الخاص عشاان اقدر افيدج بكم شغله​

 

[ضماي هو وهناي]

الف مبروك وربي يتمم فرحتج ان شالله

 

[awashamen7asha]

http://www.net-a-porter.com/am/prod...ets&siteID=Hy3bqNL2jtQ-9qkywNB5zrwDRD_PeSg4WA

هالستايل ممكن تخيطين نفس مستواه يعني safe لونه و موديله مع حجاب و كلتش و كعب عسلي
نسيت بعد الصالحية (كنزو و ماكسمارا ) و الراية انشاء الله تلقين

 

[لولوه 87]

ألف مبرووك حبيبتي

عسى الله يهنيج

اب لعيونج

 

[كادي_كادي]

لا تتعبين وتروحين الأفينيوز ما أعتقد بتلاقين شي هناك روحي الراية أضمن
وليلى هارموني عن تجربه ناعم مو أوفر

وألف مبروك والله يتمم عليج ​

 

[white**angel]

مثل ماقالوا البنات بالافنيوز ماتوقع تحصلين بدله
روحي الرايه او زهره مناك انشالله تحصلين
ومكياج ليلى هارموني عجيييب بس ماعرف اللي يشتغلون بالفنطاس

 

[مجنونة ضحكاته]

مثل ماقالت وحده من البنات مو شرط ان البدله تكون غاليه علشان تكون حلوه ياما بدل تكون بسعر معقول ومع هذا رووعه

حبيبت قلبي اخذي الشي الي يبرزج ويبرز شخصيتج ولاتهولين بعمرج والتسريحه خليها نعوومه خلي جمالج اهو البارز وملفت النظر مو اللبس والتسريحه

وعسى ربي يوفقج ويهنيج ياااارب

 

[عروس مطيريه]

آلف مبــــــــــرؤك .. وإلله يتمم عليج

 

[HeSsaa]

الف الف الف الف مبروووك

 

[لآ بيرلآ]

الله يتمم عليج حياتي .. :*

 

[om-weldi]

نصيحتي لج وراح تدعيلي روحي حق خبيرة التجميل سندس دشتي مكياج روعه والله فنانه شغلها نظيف ومرتب
واذا طلبتي منها ثقيل تحطلج والخفيف الناعم هم تحطلج . انا جربت مكياجها بعرس اختي كان عجيييب الكل سألني عنه وهم حطتلي خفيف بستقبال اختي وايد كان حلو وناعم

صالونها بمشرف وهذا رقمها 66286014

وهذيل صور مكياجها اوصلولي برودكست على موبايلي وعجبوني انشالله يعجبونكم

 

[بك استجيررر]

بالتوووووووووووووفيق