واخيـرا اظبطت معاي القهوه العربيه تعالوا اعلمكم

[dnyay_mll]

بسم الله الرحمن الرحيم
بنات باركولي ظبطت معاي القهوه العربيه وصرت مشهوره احم احم
واااااي تعبت من كثر مااسوي قهوه واستغفر الله تنقظ
ماخليت مطحنه ماشريت منهم قهوه
ولا وحده تظبط
قبل فتره شريت قهوه عربيه من بن العميد بمركز سلطان الجمله
وطرت عالبيت وقلت خل اجرب
لان الصراحه وانا بالسياره جننتني ريحتها
تهبل
المهم
حطيت 3 ااكواب ماي
و4 ملاعق اكل مو متروسه قهوه
وزعفران
وحبة مسمار
حطيت اول شي الماي وبعد دقيقتين قبل مايغلي الماي حطيت القهوه والمسمار والزعفران
وخليتها تغلي غليتين
وطفيت النار وخليتها مدة ساعه عشان تركد القهوه
وبعد ساعه سخنتها عالنار وبس شفتها بتغلي طفيتها على طول
وحطيت بمطارة القهوه زعفران وملعقة اكل مومتروسه حليب كارنيشن
وطبعا صفيت القهوه بالمطاره
يعني حطيت المشخال على المطاره وصبيت القهوه
وجربت
امبييييي
اخيـرا اظبطت القهوه
تهبل
تينن
طعمها وااااااو
والله كل يوم اسوي قهوة
وكل من ذاقها من خالاتي وزوجي وخواتي قاموا ياخذون طريقتي ينوا عليها
والحين الكل يقول قهوة ام بدر وبس
ولاتشوفوني كل مااروح مكان معاي مطارة القهوه
يالله انشاءالله اللي ماايعرفون يسوون قهوه ياخذون طريقتي ويدعون لي

 

[مهااا]

ماحطيتي هيل؟

واشلون شخلتي القهوة جذية بتطله خفيفة حيل

 

[>>نسكافيه<<]

انا اسويها نفسج وزياده عليها هيل .......

بس حليب كرنيش ما احط بجرب واحط اشويه ....


والله يوفقج وتسلم ايدج عليها...

 

[جارة القمر]

مشكووووووووووووووووووووووره


وصح حليب الكارنيشن مع القهوة حلو


بس غريبة ليش ما في هيل

ولا القهوة مخلوطة بالهيل

 

[dnyay_mll]

مشكورين خواتي على المرور
القهوه فيها هيل لاتحاتون
من تشمون ريحتها بتعرفون انها متروسه هيل
وبعدين الهيل الزايد يخلي القهوه مره

 

[ام الفهد712]

يعطيج العافيه حبيبتي
عاد انا ودي اجرب اسوي القهوه بس اخاف
بس الحين بسوي طريقتج لانها وااايد سهله واذا اضبطت معاااي بقولج
مشكوووووره حبوووبه

 

[dnyay_mll]

حياج اللـه ام الفهـد بس اهـم شي ان تكون قهوة بن العميد

 

[MISS^^CHANEL]

انا الحمدلله قهوتي تهبل واهلي مايحبون الكرنيشن

بس جربي قهوه المطحنه الفرنسيه وااااااااااااااااااااااااااااااااايد احلى من العميد ترا


والف مروك الفال حق اختي تتعلم لوووووول

 

[فتومه]

يعطيكم العافيه

 

[احلى كويتيه]

يحليلكم عليكم بالف عافيه

ومبروك على التعلم الطريقه

ماشاء الله احنا في بيتنا نجدد القهوه ونغير بطعمها واضافات وايده في ناس مايحبون الحليب وناس مايحبون المسمار انا بصراحه ما احب المسمار


واهم شي القهوه تطبخ عدل مدل بالماي فورتين ثلاث اربع ولما تركد نفس طريقتج نصبها بالمطاره بس نحط الزعفران بالمطاره تطلع النكه عجيبه

 

[STYLISH STYLE]

جربي اتحطين فيها coffee mate

هم تطلع حلوة القهوة

 

[srsr]

عليج بالعافية
الفال لي ان شاء الله وظبطها لأني اموت عليها بس مااظبطها

 

[rzaan77]

مشكوره حبيبتى ويعطيج العافيه
بربها انشالله

 

[ايام وحنين]

مشكوره

 

[جوجو.]

مشكوره

 

[بنوته كيوووت]

مشكوووووووووووووووووره

بجربهاااااااا

 

[انين_الصمت]

تسلمين والله يعطيج العافيه

 

[كوب قهوة]

الله يعطيج العافية وانشالله نجربها ونقول لج

 

[مظلومه ياناس]

ماشاءالله عليج والف مبرووووووووووووووك ........ بسجربي تجطين بدال الكرنيشن حليب ابو قوس الصغار احلى واحلى وعليج بالعافيه

 

[][غـ com ــلا][]

يعطيج العافيه اختي

تقبلي مروري