واسوني بنات

[Omhamood]

السلام عليكم

اشلونكم يااحلا كويتيات

انا الي بشرتكم بموضوع حملي من مده

الحمدالله ع كل حال اليوم توفا الجنين

اللهم لا اعتراض بس فيني ضيقه والغريب ان ماطاحتلي ولادمعه الا لما شفت الموضوع الي كتبته لكم

لما بشرتكم بحمالي ... ..........

مادري ليش كتبت هالموضوع تقدرون تعتبرونه فضفضه من وحده بتختنق

لانها راحت قبل يومين شرت ملابس البيبي اي والله لاتنصدمون البدل من الفرحه معلقتهم مع هدومي

الحمدالله ع كل حال وان شاء الله عندي امل ان رب العالمين ما راح يخليني لان هذا ثاني اجهاض

بس ياليتني سمعت كلامكم وماعلمت احد لان محد صدق الكل عباله ان مسويه فلم ودعايه حق نفسي

ويقولون متي حملتي ومتي طيحتي بنظرة استهزاء


حسبي الله ونعم الوكيل وعلى الله العوض ادعولي

 

[حرم_الغلا]

الله يعووضج خيير


وصدقيني انها خييره



والله بيعوضج عن قريب لاتضايقين قولي الحمدالله اللهم اجرني بمصيبتي واخلف لي خير منها

راح يجي يوم ان شاءالله بتلبسين ولدج او بنتج هالملابس تفاءلي
واحسسني الظن بالله


واذا الله كتب لج الحمل مره ثانيه لاتقولين حق احد لما يشوفون بطنج الناس ماتعطي خيير وموضوع الحمل صاار حسساس حييل لان تاخر الحمل زاد الفتره الاخييره




ان شاءالله بيرزقج وبيملي حظنج بالعيال والذريه الصالح

هذا اختبار من رب العالمين خليج قد الاختبار وعليج بالاستغفار والحمد


والله يرزقني ويااج وجميع البنات

 

[@فيروز]

الله يعوضك ويمسح على قلبك وان شاء الله ربي بيعطيك وبيعوضك ذكري ربج واستغفري وان شاء الله تكتبين موضوع تقرينه وانتي فرحانه وتفرحينا معاج والى يستهزء ماعليج منه الحمدلله الرزق والحمل بيد الله مو بيد احد كل شي بأجر. يااارب يكتب لج الحمل عاجل يااارب

 

["*آآآنؤؤؤقهـ*"]

الله يعووضج خيير


وصدقيني انها خييره



والله بيعوضج عن قريب لاتضايقين قولي الحمدالله اللهم اجرني بمصيبتي واخلف لي خير منها

راح يجي يوم ان شاءالله بتلبسين ولدج او بنتج هالملابس تفاءلي
واحسسني الظن بالله


واذا الله كتب لج الحمل مره ثانيه لاتقولين حق احد لما يشوفون بطنج الناس ماتعطي خيير وموضوع الحمل صاار حسساس حييل لان تاخر الحمل زاد الفتره الاخييره




ان شاءالله بيرزقج وبيملي حظنج بالعيال والذريه الصالح

هذا اختبار من رب العالمين خليج قد الاختبار وعليج بالاستغفار والحمد


والله يرزقني ويااج وجميع البنات

معاهاااا100٪

 

[رووح ابووها]

الله يعوضج خير يارب
لايضيق خلقج وقولي الحمدلله على كل حال
وخلي ايمانج بالله قوي راح يعوضنا ان شاءالله

واختي اذا حملت لاتعلمين احد كلش مو لازم يعرفون



والله يرزقنا بالحمل السليم العاجل يارب

 

[خاشعة للرحمن]

الله يعوضح ييارب باخسن من الي طيحتيه عاجل غير اجل حبيبتي العين حق وربي مرة ثانية ان حملتي باذن الله لا تعلمين احد
ورقي نفسج وكثري من الاستغفاار وربج كريم ماينسى عبده
والله يرزقج ويرزق كل محرومة ياارب عاجل غير اجل

 

[&هند&]

حبيبتي الله يعوضج والله انا اجهضت وعانيت والحمدلله ربي رزقني بولد وانتي اصبري واحتسبي الاجر وارقي نفسج اخاف احد فاز لج والله كريم يعوضج بالطفل السليم ،،،

 

[qoot]

معوضه حبيبتي ماتدرين يمكن خيره

اذا حملتي ان شالله لا تعلمين والله الناس ماتعطي خير

وان شالله بتحملين قريب وتفرحين بولدج وتلبسينه

 

[امى ست الحبايب]

حبيبتى الله يعوضك .. ان شاء الله يتعوضلك بالخير يا رب ..
هذا حكم الله يا اختى كونى قويه و طنشيه العالم لأنهم ما يريدون الا الشماته ..
قولى و كررى حسبى الله و نعم الوكيل ..
و مثل ما فرحتى من الأول و ما كتب انه يتواصل هالحمل, اكيد الله رح يعطيكى الشىء الى فيه الخير و رح تفرحين ان شاء الله
و دائما الحمد لله

دعواتى لك و يا رب يرزقنا من نعمه و ما يحرم مشتاقه

و اعرفى يا اختى مو كل الناس بينحكالها هذه الأمور او غيرها..
الستر احسن شىء و الله ..
​

 

[Omhamood]

مشكوورين خواتي والله انكم سبب صبري بعد الله سبحانه وتعالى

وبعدين بنات انا ماعلمت احد خالتي معاي بالبيت ولاحظت تعبي وترجيعي لان تسات بدت عندي قويه

فعلطول جكتني وقالتلي انتي حامل والله يهداها ويصلحها ماتخش لي سالفه تلفونها برقبتها ودايما القى سوالفي عند الناس

بكل شي يدرون تعطي تقارير اول باول موبس بالحمال حتي الامور الثانيه السفر ونومي وقعدتي ومشاكلي مع ريلي كل شي

الله يهداها ويصلحها ماتسترلي شي كلش مع انها طيبه

 

[queen92]

الله يرزقج ان شاء الله و يفرح قلببج ويهدي خااااالتج

 

[عسل حدي]

الله يعوضج حياتي