واصله طازة من ماليزيا لأي أستفسار انا حاضره

[ArEEj]

لوكريسيا
تتهنين ان شاء الله
سلمي لى على ستاربكس جنتنج كنت كله قاعده فيه والجهال يلعبون
نمنا فيها ليلتين واااااااااااااااو
روعه روعه الغيم والبراد والضباب
عااااااااالم من الخيال

 

[Lemon Juice]

أريج بغيت أسألج جم سؤال بعد

رحتي جزيرة لنكاوي ؟

إذا رحتي لها اشلوونها؟ تنصحين فيها

و شنو المناطق اللي لازم لازم نروح لها وما نطوّفها بماليزيا ؟

أسمع وايد عن جنتج

وشنو الاسواق الزينه والحلوه والرخيصه بكوالالمبور ؟

وعندهم القمصان الطويله اللي نلبسهم ؟

 

[ArEEj]

هلا والله زين
انا رحت جزيرة لنكاوى بس مو هالسنه لان معاى عيالي
لنكاوي هاديه حيل تصلح بس لج ولزوجج رومانسيه حيل هالمنطقه
المناطق اللى لازم نروح لها حسب مدة رحلتج اذا تقدرين مري كل الجزر بييانج ولنكاوي وطبعا جنتنج
جنتنج فوق الجبل منظر غايه بالرووعه غيوم وضباب ومطر شي حلو
الاسواق الحلوة والرخيصه في كولالمبور بيبي بلازا - سونغ ونغ بلازا - تايم سكوير - صن واي برميد
في بييانج مول كومتار والسوق الليلي
الماركات في كولالمبور التوين تاورز سوق سوريا - وبافليون - وستار هيل
القمصان الطوال متوفره بس المقاسات مو متوفره كله صغار نادرا تلقين لارج
كل القمصان اللى تشوفينهم بالنت لقيتهم هناك

 

[Lemon Juice]

عاد احنا ان شاء الله ناوين نروح عايله كامله

انا وامي واخواني

خاطري أشوف لنكاوي واصورها

عساج عالقوه ما قصرتي

 

[mlakiya]

الحمدالله على سلالالالالالالامتكم

 

[tofy]

الحمدالله على سلامتكم


ماليزيا تهبل انا وايد حبيتها


الصيف الي طاف كنت هناك وودي اروح لها شهر واحد بس ريلي ماحبها


والي تسأل عن القصمان الطويلة بكل المجمعات عندهم قمصان حلوه بس للاسف سمول و اكس سمول

 

[دنيا جديده]

الحمدلله على سلامتكم

انا ناويه انشاءلله نروح اخر شهر 1 بجم توقعين التذكره تصير؟؟ وشنو احسن وارخص طيران

 

[ArEEj]

هلا والله
لازم تسالين عن اسعار لانها تتغير من وقت لوقت
انا بالصيف رحت على السيلانية ب 226 دينار

بالشتاء ما ادري جم تصير

 

[hoooas]

اول شي صباحك سوكر ويومك سعيد زميلتك حواس حابه اسئلك بلنسبه للغه تعرفين اهل السعوديه مااااااااااالهم كثير بلغة الانجليزي
وانا وحده منهم حابه تساعديني لاني بروح قريب ولا اعرف لغه كلش واذا مافيه ازعاج ترسلينها على الخاص

 

[ArEEj]

هلا حواس حياج الله
اللغه لازم تعرفين شوى انجليزى يعنى شي بسيط
بس الحين بطرش لج رساله خاصه فيها معلومات شلون تتفاهمين معاهم

 

[kandora]

انا الحين في ماليزيا ... توني اشوف مجمع البافلووون يعوور القلب كله ماركات وجدام فندقنا بالماريييوت ماودي اطلع منه صج خسرت ريلي من قلب لوووووووووول بس ماشالله وايد تغيرت مالييزيا انا رايحتلها مع اهلي 2007 بس ماشفت البافلوون ماشالله وايد وايد اينن

 

[بطه فيها نطه]

من المطار الى العاصمه حوالى 170 رينجت

اختي انتي من وين ماخذه التاكسي ؟؟؟ اختي امس راده وسعر التاكسي ( ليموزين المطار من مكتب المطار ) بسعره الاولي

92 رنجت

اذا انتي اخذتي من الكشكات اللي داخل المطار اللي مقابلين برجر كينج ... تراهم نصابين ويضربونك بالسعر

وهالشي من زمان ...

 

[ArEEj]

من المطار الى العاصمه حوالى 170 رينجت

اختي انتي من وين ماخذه التاكسي ؟؟؟ اختي امس راده وسعر التاكسي ( ليموزين المطار من مكتب المطار ) بسعره الاولي

92 رنجت

اذا انتي اخذتي من الكشكات اللي داخل المطار اللي مقابلين برجر كينج ... تراهم نصابين ويضربونك بالسعر

وهالشي من زمان ...

لالا اهو مو تاكسي اهو فان كبير
لو تاكسي ادرى ما نخذه ب 170
وثانيا بالصيف ترى الاسعار غيييييييييير
تضرب فووووووووق
هالوقت الاسعار حلوة لان ماكو خليجيين

 

[صريحة النسب]

الحمدلله على سلامتج وعليكم بالف عافيه

بس بسألج عن الفنادق ووين سكنتي ؟؟وشنو احلى فندق في كوالامبور ؟؟

شلون كانت خطة الرحله يعني وين رحتوا اول شي وجم يوم قعدتوا وجذي ؟

وشكرا :tek:

 

[ArEEj]

هههه الله يسلمج
بس سفرتي كانت بالصيف
من 20 - 7 الى 10 -8
حوالى 21 يوم
اول شي سكنا في القولدن هورسس 4
وبعدين رحنا بييانيغ في الهوليدي ان لمدة 5 ايام
وبعدين جنتنغ هاي لاند يومين
وبعدين شقة في كي ال اس بلازا لمدة 9 ايام

انا اخترت هالفنادق لان كنا عايله كبيره
في كل فندق نأخذ شقتين بينهم باب

 

[Tabasheer88]

الحمدلله ع سلامتج حبت اسال هناك اشلون تفاهمين معاهم بأي لغه والله متوهقه؟
ودي اسافر لها؟؟

 

[ArEEj]

الله يسلمج
التفاهم والله بالانجليزي بس خفيف يعنى ما يبلهم انجليزي قوي
وسافري ترى عادي بس اهم شي تحفظين اسماءالفنادق والاماكن اللى تبين تروحين لها
كتبيهم بورقه اسهل لج

 

[حروف تشتكي]

هههه الله يسلمج
بس سفرتي كانت بالصيف
من 20 - 7 الى 10 -8
حوالى 21 يوم
اول شي سكنا في القولدن هورسس 4
وبعدين رحنا بييانيغ في الهوليدي ان لمدة 5 ايام
وبعدين جنتنغ هاي لاند يومين
وبعدين شقة في كي ال اس بلازا لمدة 9 ايام

انا اخترت هالفنادق لان كنا عايله كبيره
في كل فندق نأخذ شقتين بينهم باب

الله يعطيك العافيه على ردودك المتجاوبه
بغيت اسأل عن شقق كل ال اس بلازا...كيف مستواها وماهي خدماتها؟؟
وكيف اسعارهم وموقعهم بالضبط ..بالنسبه لشارع العرب وغيرها

 

[ArEEj]

هلا اختى
كي ال بلازا بوسط شارع العرب تحتها مجمع كي ال بلازا مجمع صغير
على يسارها ماريوت ومقابلها أكبر مجمع بافليون

مستواها 3 نجوم خدماتها عاديه مو يعنى راقيه حيل
بس موقعها الرووعه يغطي على اى عيوب فيها
و الشقه وااااااااسعه ومريحه
وخدمه الغرف كل يوم ينظفونها
وسعرها الليله ب 40 دينار

 

[Salamat]

بنات ايهي احلى واحسن
بينانج والا لنكاوي حق اليهال ؟؟