وافد قاعد يسبني وانا اسوق سياراتي اشرايكم؟؟؟

[kuwait_queen82]

السلام عليكم
الصراحه مادري شقول او شلون ابدي الموضوع اليوم كنت رايحه عماره البنوان وانا بطريج الي يصير قصر السيف يسارج والبنك المركزي يمينج وانا امشي علشان باخذ يمين علشان بلف والى في باص جدامي في يا امه امريكان او بريطانين قاعدين وره وميتين قهر يخزون سياراتي وانا ولا معبره المهم ما وعيت و الى جليل حيه واحد منهم يسبني F***word
عرفتو الي انصدمت قلت اروح اوقف سايراتي جدام الباص وادق على الشرطه والى شنو اسوي لو بروح المخفر هم عيب شقلهم امانه يا بنات ديرتي شنو اتسون لو مكاني ؟؟؟ والله ثم الله ماسويت لهم شي ابروحهم ابروحهم هل هذا حسد وحقد علينا واحنا ابديرتنا؟؟ (ابطني و يرفش)
عنجد للحين اغلي من السالفه مع انه صايره السالفه البارح الظهر

 

[ماني من الناس]

صج قله احترام الواحد جاي ضيف على الديره يستحي المفروض ويطلع كرم اخلاقه

الحين بالعكس الناس تتملك كل شي حتى الوطن ,,,,,,,,,,

صراحه انا لو مكانك ما بسوي شي,,,,,,لاني ماعرف اتعامل مع هالنوعيه

اهو صج قهر بس المفروض ما تتضايقين من هالنوعيه لان الله يعينهم على نفسهم اللي يطلعون شحناتهم السلبيه بالقذف والسب ,,,,,,

 

[نور مغليها]

رد : وافد قاعد يسبني وانا اسوق سياراتي اشرايكم؟؟؟

اوووف قويهـ
صج فوق شينه قوات عينه ؟؟
المفروض انك تحترم الديره واهلها الي انتآ فيهآآ
بس احسن انج مارديتي اهزا يبيج تعصبين وتنقهرين
وانتي ما بينتي له
بس بسراحهـ حقير

 

[المرتاحة]

اي لما الحين ما شفنا شي نطري عليهم بس يا ان باجر بيذبحونا مثل الخرفان

اصلا اهم بفكرهم ان العربي مهان وخاصة اللي متطرفين مثل شاكلة هذا حسبي الله عليه

المشكله حتى لو اشتكيتي ما راح يصير له شي اصلا بالعكس بيسفل بالشرطه وماراح يقولون له شي خاصة اذا كان من الجيش الامريكي او البريطاني

الله يفكنا بس من هالاشكال و يهلكم يا رب

 

[غيمه ظميانه]

عمى بعينهم والله بديرتنا ويحامرونا

انا هذاك المره بمصافط مجمع مع زوجي ولا هندي بيسفط وزوجي يطق له هرن يعني تبي تسفط ولالا تخيلي يخز زوجي ويفهه

جان يقرب زوجي ويبطل الرديشه قاله بابا جاوب تبي تصفط ولالا بس واقف جذي تحرك

جان يرد الهندي شنو يووووبا يعني يبا ههههههههههههههههه

انتا شنو يبي انا يبي يصفط زين ومعصب حده


قال زوجي شفيه هاذا بنزل امردغه قلت فكنا فكنا مانبي مشاكل خله يويلي فاصل اليوم الظاهر معزبته مهاوشته ههههههههههههههههههههه

 

[kuwait_queen82]

اي لما الحين ما شفنا شي نطري عليهم بس يا ان باجر بيذبحونا مثل الخرفان

اصلا اهم بفكرهم ان العربي مهان وخاصة اللي متطرفين مثل شاكلة هذا حسبي الله عليه

المشكله حتى لو اشتكيتي ما راح يصير له شي اصلا بالعكس بيسفل بالشرطه وماراح يقولون له شي خاصة اذا كان من الجيش الامريكي او البريطاني

الله يفكنا بس من هالاشكال و يهلكم يا رب

مشكوره على الرد و اتصدقين انا هذا اليوم الي انا خايفه منه يعني احنا ابديرتنا ومالنا احقوق صج شي يعور القلب والله

 

[kuwait_queen82]

صج قله احترام الواحد جاي ضيف على الديره يستحي المفروض ويطلع كرم اخلاقه

الحين بالعكس الناس تتملك كل شي حتى الوطن ,,,,,,,,,,

صراحه انا لو مكانك ما بسوي شي,,,,,,لاني ماعرف اتعامل مع هالنوعيه

اهو صج قهر بس المفروض ما تتضايقين من هالنوعيه لان الله يعينهم على نفسهم اللي يطلعون شحناتهم السلبيه بالقذف والسب ,,,,,,

وانت الصاجه مو بس انه ماتعرفين اتعاملين معاهم انه لو بسبه بالانجليزي هم على باله امدحه لانه اتعرفيني لو تسبينه عادي جنج مادحته لانه حتى مفهوم كرامه او غيره مايعرفونه لاسف محسوبين علينا بشر

 

[kuwait_queen82]

عمى بعينهم والله بديرتنا ويحامرونا

انا هذاك المره بمصافط مجمع مع زوجي ولا هندي بيسفط وزوجي يطق له هرن يعني تبي تسفط ولالا تخيلي يخز زوجي ويفهه

جان يقرب زوجي ويبطل الرديشه قاله بابا جاوب تبي تصفط ولالا بس واقف جذي تحرك

جان يرد الهندي شنو يووووبا يعني يبا ههههههههههههههههه

انتا شنو يبي انا يبي يصفط زين ومعصب حده


قال زوجي شفيه هاذا بنزل امردغه قلت فكنا فكنا مانبي مشاكل خله يويلي فاصل اليوم الظاهر معزبته مهاوشته ههههههههههههههههههههه

لووول لا دير بالكم ترى لهنود هم مستقوين هل اليومين علشان يبتزونه ويسون قضايا نفس سالفه صارت لرفيج
اخوي هندي واقف ورا سيارته قاله وخر الهندي رد انت سنو يبي ويرد يكمل الهندي اسوالف مع ربعه لهنود ويطنش ارفيج اخوي(ابطريقه استفزازيه)
قاله هي انت قاعد اقولك وخر (بعد مده والا وخر سيارته)
ثاني يوم داقين المخفر ( والا الهندي مشتكي على ارفيج اخوي يقول هذا طاقني)
ارفيج اخوي تحسف على قد شعر راسه انه صج ماطقه لوووووووووووول)
اخر شي بعد التحقيق والا طلع الهندي جذاب

 

[يمة يادلبي]

واي صج شي يحر بس ترا مو معناته انهم حاقدين علينا او حاسدينا
هذي اسمها قلة ادب وتطلع من كل الفئات سواء كويتييين او وافدين

 

[حجيه هيونه]

رد : وافد قاعد يسبني وانا اسوق سياراتي اشرايكم؟؟؟

امبي والله شي يقهر


بس انتي خل يولون لاتقهرين نفسج عشان هالاشكال الوصخه

 

[هاديهـ&مطيعهـ]

رد : وافد قاعد يسبني وانا اسوق سياراتي اشرايكم؟؟؟

حقري والله ياخذ حقج منه يوم الدين

 

[ضماي هو وهناي]

اذا خاطبهم الجاهلون قالوا سلاما
ياحبيبتي ....
ادري قهر بس تحسبي الله وبس ... وبس.....
اقولج على شي ؟؟؟
بديره من الديار الاجنبيه عربي سب واحد من اهلها ... بالعربي طبعا لان جبان بنظري لان الريال ولا سواله شي بالمره ...
الاجنبي حس انه سبه لانه غمض عينه ووقف وبعدين هز راسه ومشا ...........
الاخ العربي اللي فشله انه عربي قام يطالعه ربعه اللي كانو يضحكون بس ولا علق غير بالابتسامه وبس ومبينه الحره بقلبه ..
طبعا لا انا ولا ريلي لان الكويت ديرتنا ... وتدرون يعني شنو ...
احقري هالاشكال والله حتى لو من ديرتج الكويت حقريه وارتقي عن هالاشكال المومتربيه والحقوده ...

 

[mafio98]

امبييييييه حده الموقف يحر صج استقوا والمشكله مو بس اهم حتى جناسي ثانيه كانوا يخافونبحطون عينهم بعينا الحين لا يحطون عينهم بعينا ويسبون ومحد يقدر يسوي شي​

 

[^noonaa^]

عمه بعيينه

خوو هذيل عادي بديرتهم جذي يسبون قليلين ادب

والمفروض يحترم الديره اللي اهو فيها مالت عليه

 

[اميره بكلمتي]

شي يقهرر

 

[^وجد قلبي^]

نعيش ونشووووف من هالاشكاااال..
استعمروا الديره ...

 

[Tom ♥ Jerry]

,


من آمن العقوبه اساء الآدب !

 

[brettey]

رد : وافد قاعد يسبني وانا اسوق سياراتي اشرايكم؟؟؟

لو انا مكانج مثل الورد اشتكي عليهم ما اسكت
ماناقص الا هالخياس بعد

 

[أمـونة]

رد : وافد قاعد يسبني وانا اسوق سياراتي اشرايكم؟؟؟

حسبي الله عليهم

ذكرتيني العام لما كنت حامل ياني واحد من جنسيه عربيه بأخر الدوام

يبيني اسويله تحليل للسكر وانا وحده موس قلتله ييب ورقه من الدكتور

وساعه اتناجر معاه اخر شي يقولي انتي (...) ولا (...) جنسيتين عربيتين !!

قلتله لأ انا كويتيه ،، راح ورد ياب ورقه وقال مابيج تسوينلي تحليل

قلتله انا امشي عالقوانين ،، جان يقولي انا صارلي 40 سنه بالكويت تيين انتي تعامليني جذي !!

يعني صارلك 40 سنه تبيني امشيك بدون ورقه غير العالم !! والله ان فار دمي ورديت عليه

قلتله انت واحد ماحشمت ال40 سنه اللي قضيتهم اهني ،، انا بنت الديره ويدي اللي اهو كبرك كان موجود لما اكتشفوا النفط بس انتو ما لكم حشيمه

وطلعت ابجي >>>>>>>>>>>>>د هههههههه بعد اشحقه

وقمت اهدد بصوت عالي ،، انتو مال انهاء إقامات وتسفير

والله تحسفت طولت الساني جذي لأنه بعدين اهو قام يبجي ويقول عنده مشاكل وظروف

وتدرون الحامل على طريف والله مو من طبعي اشيل خشمي عالوافدين بالعكس اتعامل بكل احترام

بس الشيطان شاطر وبعدين ياني يعتذر انه تكلم بهالطريقه

ومن يومها وهو من يمر يمي يسلم علي بكل احترام

 

[kuwait_queen82]

رد: رد : وافد قاعد يسبني وانا اسوق سياراتي اشرايكم؟؟؟

حسبي الله عليهم

ذكرتيني العام لما كنت حامل ياني واحد من جنسيه عربيه بأخر الدوام

يبيني اسويله تحليل للسكر وانا وحده موس قلتله ييب ورقه من الدكتور

وساعه اتناجر معاه اخر شي يقولي انتي (...) ولا (...) جنسيتين عربيتين !!

قلتله لأ انا كويتيه ،، راح ورد ياب ورقه وقال مابيج تسوينلي تحليل

قلتله انا امشي عالقوانين ،، جان يقولي انا صارلي 40 سنه بالكويت تيين انتي تعامليني جذي !!

يعني صارلك 40 سنه تبيني امشيك بدون ورقه غير العالم !! والله ان فار دمي ورديت عليه

قلتله انت واحد ماحشمت ال40 سنه اللي قضيتهم اهني ،، انا بنت الديره ويدي اللي اهو كبرك كان موجود لما اكتشفوا النفط بس انتو ما لكم حشيمه

وطلعت ابجي >>>>>>>>>>>>>د هههههههه بعد اشحقه

وقمت اهدد بصوت عالي ،، انتو مال انهاء إقامات وتسفير

والله تحسفت طولت الساني جذي لأنه بعدين اهو قام يبجي ويقول عنده مشاكل وظروف

وتدرون الحامل على طريف والله مو من طبعي اشيل خشمي عالوافدين بالعكس اتعامل بكل احترام

بس الشيطان شاطر وبعدين ياني يعتذر انه تكلم بهالطريقه

ومن يومها وهو من يمر يمي يسلم علي بكل احترام

والله يا اختي امونه انا نفسج هم اعمالهم بكل احترام و ادب بس البارح انصدمت مني وطريج يسب لا تقولين امحارشته ولا اني قاعده اغلط عليه بس استغفرالله احس الحسد و الغيره والعياذ بالله تحمس بجبودهم ماقول الا الله يكفينا شرهم

والله في وافدين تحطينهم على الجرح يبرى بس ماقول الا حسبي الله ونعم الوكيل على كل حاسد ويكفينا شرهم