والده طبيعي وعندي جم سؤال

[حدي كيوت]

السلام عليكم
انا والده صارلي 12 يوم وطبيعي الحمدلله طبعا العوار مال الخياط يذبح بس الحمدلله اقدر استحمله بس هاليومين حاسه بحراره لما تكرمون ابول واحس بعوار بسيط بمثانتي هل هالشي عادي ؟
السؤال الثاني ابي غسول حق هالمنطقه يكون زين وما يسبب التهاب او شي ياريت اللي تعرف غسول زين تقولي اسمه

 

[Aloe Vera]

بالنسبة حق عوار المثانة و البول نصيحتي لج روحي الحين حق دكتورتج او اي دكتورة نساء و اذا ماتقدرين روحي الطوارئ لاتاجلين الموضوع لي باجر
التهاب البول شي مو بسيط و تلاحقي قبل لا يزيد حتى لو اعراضه بسيطة

و الغسول مالي فاجيسيل بالبابونج واصفتلي اياه دكتورتي حلو و خفيف و طبي بس للاستخدام مرة وحدة باليوم

 

[الأميرة جوري]

الحراره يمكن التهاب ....الغسول بيتادين روعه

 

[M!SS.LOBY]

حمدالله عالسلامتج وما تشوفين شر وتقومين بالسلامة

 

[حدي كيوت]

مشكوووووورين حبايبي ما قصرتو

 

[سميره مملوحه]

اول شي الحمدالله السلامه

كلها 10 ايام وتركظين هههه

انا انصحج لااااازم الخياط يكون جاف لمن تخصلين من الحمام تكرمين
لازم تنشفين بالكلنكس وبعدين حطي كريم ميبو طووول الاربعين بس هالكريم

والغسول غسول اي بي سي فقط رووووعه معقم

 

[جذابه بنت ذيابه]

روحي سوي تحليل التهاب

و نشفي المنططقه دايم واشتري غسول بيتادين و حطي يوميا ميبوو

 

[ffanr]

الله يعين مافي الا العافيه