واللة لو تنشرى الراحة لشتريها بكنوز الدنيا

[آآهات الزمن]

السلام عليكم ورحمة اللة وبركاتة​

مادرى من وين ابدى بشرحلكم الضيم الى فيني بس امانة ابي كل وحدة تنصحني نصيحة اخت لان واللة صاكة فيني الدنيا :krkrkr:بنات زوجي تعبت معاة كل ما اسوى شي زين يطلع عكس ما درى حظى ولا قرادة زوجي عندة الايفون من اشترى الزفت وانا حياتي ما ترقع معاة لقيت عندة مواقع اباحية وما وجهته ولقيت عندة الشات الهوز هيروهم سكت ولقيت ولقيت راح تتعبون لو بعددلكم تعاملة خايس جني جارية بوقت الحاجة يبيني غيرة ما يعرفني زف شتيمة روحي لهلج مو مربي عيالي مومساعدني بشى يا ناس تعبت صار فيني الم براسي ماخليت مكان ما رحتلة موعارفين شفيني زهقت قلت خلاص كيفة الي يبي يسوى لان تعبت بشترى راحتي سفهتة قام يعايرني انا بس نايمة ما درى عن عيالي قتلة منو الي ما يدرى عن عيالة انا ولا انت قال الخدامة بنات واللة العظيم عيالي كل وقتهم عندى يمكن مرات مودايم ينزلون عند حمولتي ساعة بلكثير ونومي معاهم وقعدتي معاهم ما اطلع ولا اروح بس يوم الخميس والجمعة والسبت عند اهلي مواعدني بشقة الشهر الجاي الان خلاص ما اقدر اعيش مع اهلة وعدني يسفرني بصيف وراح حطلة كورس صيفي هو يدرس بالجامعة سكت وتحملت بنات واللة العظيم صارلي ثلاث ايام ما اشوفة كلة دوام وطالع ولا ان بغى ينام لعب مع رفيجاتة لين ينام امانة احد يتحمل هالانسان وهو شايف نفسة اسكت يدرى عنى وقايم بواجباتة عبالة ان بس الواجب ينام مع مرتة وان قتلة انت مقصر بواجباتي قال مالج واجبات انا كلمت اختي صاحبة هالنك انصحتني اطمح عند اهلى انتو شرايكم انا باجر بروح لاهلي زوارةوعلي فكرة يمكن شي واحد مقصرة فية اتجاهة الطبخ مو دايم اطبخ حسب المزاج لان وضعي عند اهلة معن كنت عندهم الشيخة الامرة والناهية حمويني ان بغو شي من خالتي قالو عشان فلانة وافقي سبحان الى يغير الحال كلة من مرت حماي من جت عفست حياتي حوبتي ماتعداها :krkrkr:
ادرى قرقت حيل وطوفو البدليات​

انطر ردودكم لاطولون علي
استودعكم اللة​

 

[غـرامـي أنـت]

حبيبتي انتي غلطاانه سكتي له من البدايه وسمحتي له بالخـرااب

طبيعي الزووج ببداية أي خطووه يقووم فيهاا ينتظر ردة فعل الزووجه اذا شافهاا ارتخت كمل واذا وقفته عند

حده يصيير مايغلط بحقهااا

نصيحتيي لك ادبييييه ازعلي لك زعله عند اهللك خليه يتأدب عقبهاا ..

والله يـوووفقـك ان شـاءالله ويهـدي لـك زووجـك ّّّّ

 

[دلوعة حمني]

ربي يعينج ... كلمي ابوج او احد اخوانج يكلمونه...
انت بنت الناس ما تزوجج علشان يهينج او يظلمج...
الله يحنن قلبه عليكم و يبعد بنات ابليس عنه

 

[أم توتو]

الله يسخره لج ويعينج عليه

 

[FeShinGoOo]

ليش مادخلتي اهلج يحطون حل حق هالمهزله الي قاعده تصير ؟؟

 

[تعبت اداري...~]

الله يهديه واسئل الله ان يريه الحق حقاً ويرزقه اتباعه وان يريه الباطل باطلاً ويرزقه اجتنابه امين​

 

[حلوه ولمآحه]

الله يهديه لج ويسخره يااارب ،،

 

[عسل سل]

حياااااااتي انا اقووول دخلي احد ثقه من اهلج ويتعامل بحكمه مع الموقف
رجال ورجال يتفاهمووون لان ماكو حل غير جذي وانتي طلعيله العين الحمرا من ناحية الزعل مو الصراااخ
ولا تجادلينه خلي رجال فاهم من عايلتكم ثقه يكلمممممممه
بس لما قال مالج واجباااات هذا احس انه اضطهااد مثل مايقولون ليش انتي مو انسانه عنده ماراعى مشاعرج
وترى زوجج مو اول واحد يتعامل جذي مع زوجته
في شكثر سااامعه
خلج ايجابيه ومالج الا الدعاااء ربج الي خلق الكوون كله قاادر انه يهديه
ادعي وصلي وابجي بالدعاء وبالصلاه منها تحسين برااحه نفسيه
ومنها الاجابه باذن الله من ربي سبحاااااانه
وياااااارب يسخره لج امين ياكريييييم
واكثري من الاستغفاااار والصلات على الرسول صلى الله عليه وسلم والفرج من الله

 

[هيفاء ksa]

نفسسس زووجي تعبببببببببببت وياه
بسسسس دخلت هلي بالموضووع الحممدلله ماشي حالنا
كلمي احد من اهلك يكوون كببير ومتفهم
الله يسخره لك يارب

 

[iLLuMinaTion]

الله يهديه

 

[وردة-الكويت]

لادخلين اهلج ولاتعلمين احد من اهلج ان عنده خرابيط وهسوالف تبقين انتي ستره وغطاه

بس ازعلي عند اهلج واذا سألوج شفيج قولي مقصر معاي ومع عياله

والله يكون في عونج يااختي

 

[قآنون كيفكـ!!]

الله يهديكم لبعض ....

 

[ورده اوراد]

ما. عسرت الا فرجت قال. الله وان مع عسر يسرميخالفيا اختي اصب ري لا تتتغربين بيتك. الا. تفرج ان شاا الله.

 

[ارفض المسافة]

لا تزعلين يمكن هو يبيها من الله واهله وامه مو معاج وهو دكتور يتزوج من ثاني يوم عادي حاولي تكسبين اهله وامه ناقشيه بققده بكل هدوء ورواق وبأسلوب حلو صدقيني بيحس بغلطته والفساد الي بتلفونه لا تقولونها مباشره قطي نغزات دينيه او قصص عن حسن الخاتمه وعليج بالدعاء نصيحتي لا تزعلين عند اهلج ولالاتخلين احد يدري عن الي بينكم لان اذا تصلحت امورج انتي بتنسين سلبياتته بس اهلج مستحيل ينسونها والله يكونو بعونج

 

[لبى كلني]

لا تزعلين يمكن هو يبيها من الله واهله وامه مو معاج وهو دكتور يتزوج من ثاني يوم عادي حاولي تكسبين اهله وامه ناقشيه بققده بكل هدوء ورواق وبأسلوب حلو صدقيني بيحس بغلطته والفساد الي بتلفونه لا تقولونها مباشره قطي نغزات دينيه او قصص عن حسن الخاتمه وعليج بالدعاء نصيحتي لا تزعلين عند اهلج ولالاتخلين احد يدري عن الي بينكم لان اذا تصلحت امورج انتي بتنسين سلبياتته بس اهلج مستحيل ينسونها والله يكونو بعونج

انااا معهااا بكل كلمه لاتروحين لاهلك

 

[غنج اهلها]

الايفون حاله حال اي آآداه لاتتحسسين وايد منها لان فيها الزين والشين

وترا مالومج لومكانج انطقيت من الايفون بس شنو تسوين

مالج الاانج لاحطينه براسج

وشوفي المشاكل المهمه اولا

بالنسبه لتعامله وغيرة

وربي يهديه لج

 

[[ мαĻαķ 69 ]]

اللهم اصلح حالهم واهدي زوجها وحنن على قلبه وابعد عنهم عيال الحرام واحفظهم ويسر امورهم
ياارب ارزقهآ راحة آلبال ووفقهآ وين ما تكون :eh_s(17):

 

[ساعه لقااا]

انا رايي من راي اختي
(( ارفض المسافه))
مهما كانت الامور بينج وبين زوجج اول شي استعيني بالذي لا ينام وكثري الاستغفار (( فوايده عظيمه))
ثانياا كلميه وناقشيه بس ديري بالج لا تجيبين اي طاري من الماضي يجرحه وكلميه بإسلوب حلو ومتحضر
وقولي له خلنا نبدي صفحه جديده ونصيحه بهذيك الليله سوي لج نيو لوك وقولي له شنو اللي ودك
اني اغيره بنفسي؟؟
وقوليله انا ودي انك تتغير عشاني
وبالتوفيق ان شاء الله وانا ان شاءالله كل ما ذكرتج بدعيلج 