والله راح ادعيلج بس ساعديني

[نونا حبيبتي]

يعطيكم العافيه بنات بليييييز ساعدوني حدي ميته على السفر ومحتاجه اغير جو مع ريلي ومااقدر اخلي ولدي ب3سنين يعني لازم اخذه بس المشكله موهني المشكله اني انا وريلي عصرنى عمرنى وماطلع معانه الا 2500 دك حق تذاكر وسكن ومصرف ومادري وين انروح فيهم بحيث نستانس ومانقصر على عمرنا وانا بخاطري الصين بس اخاف الفلوس ماتكفي فياليت اتفيدوني وادعيلكم انشاله سواء عن الصين او اي ديره ثانيه بلييييييييييييييز موتحقروني

 

[@ دهن العود @]

حبيبتى انا رحت ماليزيا لمدة 15 يوم ورحنا اكثر من جزيره وفنادق 5 نجوم وتمشى وطلعات وتسوق وما خلينا بنفسنا شى

كلفتنا 2000 دينار

 

[انادي]

روحي تركيا وايدحلو من تركيا اخذي باخره روحي يلوه من يلوه روحي بورصه وايدراح تستانسين اهم شئ كل اكلهم حلا مع ولدج راح ترتاحون بتركيا او ميزانيتز راح تزيدواي اذا بتروحين تركيا

 

[بنت جنيف]

ماليزيا تايلند عيشتهم رخيصة انا مارحتلهم بس رفيجاتي يقولون انها رخيصه والبنات راح يفيدونح بعد تركيا هم يمدحونها حماتي بتروحلها

 

[سمبوسة]

انا أنصحج ماليزيا أو تايلاند معاج ياهل أحسن لج هالأماكن كل شي فيها مجمعات ملاهي منتجعات ورخيييصة هالميزانية تكفييج اسبوعين
تركيا ما أدري اذا بروحكم ومو يمعة مو وناسة بس طبيعة ما كو شي ثاني واذا صار حر ماكو تكييف والياهل يتضايق بالحر بس ما يمنع اذا بغيتيها
يا قلبي شوفي السفريات وعروضهم واذا عزمتي قولي لنا نعطيج الأماكن الزينة

الله يسهل أمورج

 

[ترانيم العود]

ماليزيا تكفي ميزانيج وهما تزيد وهي رخيصه وحلوه وطبيعه وهما ولدج بيسنانس لان فيه اماكن حلوه وفيه حدايق راح يسنانس فيها...

 

[شقرديه]

ماليـــــــــــــــــزيا آسيا الحقيقه طبيعه وحلوه ورخيصه

 

[ArEEj]

بهالميزانيه بماليزيا بتصيرين أميره

 

[@Miss Dio@]

تايلند تركيا صارت غاليه انا رحت العام ماراح تكفي فلوسج

 

[أمانيQ8]

ماليزيااا

 

[نونا حبيبتي]

مشكورين حبايبي على المشاركه ويعطيكم العافيه بس المشكله اني رايحه ماليزيا وتايلند وتركيا موبالعتها مادري ليش

 

[rawona]

هلا حبوبه ..

انا مع البنات ميزانيتج تكفي تايلند او ماليزيا اسبوعين .. واذا ما تبين هالاثنين شوفي العروض اللي يسونها حق فرنسا او لندن اللي الشخص ب 600 جنه بس اذا رحتي بياكلج المصرف اهناااااك فافضل شي دول شرق اسيا ..

جربي مصر؟ ​

 

[بدويه عيميه]

انا اقولج دولة راح تستانسين وايد منها و لا راح تردين الكويت راح يكون عندج فلووس روحاو مصر.......واااااو تينن كلها سياحة و سوقتها رخييصة و بعد ليش ما تجربيين لبنان ؟؟؟؟؟

 

[الفدعة1]

شوفي حبيبتي ماليزيا احلا مافيها كوالالمبور سوقتها والمساجات حلوه ويبيلها يمعه وبنات بس جوها خايس حر ورطوبه ومطر يمعيهم مع بعض شيصير؟؟؟ وجنتنج جوها حلو لانها فوق الجبل بس مافيها الا ستاربكس وكازينو وفندق واحد تظييييييييييق الخلق وعموما الناس اذواق ويمكن تعجبج وبالتوفييييييييق

 

[الفجر البعيد222]

جربي روحي مصر احنا حجزنا تذاكر والاقامة ما تعدى الالف مع التذاكر والاقامة لاربع اشخاص
ومصاريفهم هناك رخيصة