والله قعدت اطالعهم وقلت ياخوفي يحوشني قهرها

[كبرتني]

السلام شلونكم بنات بدش بالموضوع مابي اطول


اليوم انا وارفيجاتي تفطرنا ببرج جاسم بمطعم ماكي وانا قاعده انطر ارفيجاتي

ولا اشوف سياره صافطه يمي فيها ريال ومرته


ولا اشوف المره قاااعده تبجي من قللللللللللللللللللللللللب ويههاااا احمممممرررررر

والزوج لاف عليها ويكلمهااا ببرود ويفهمهااا


مادري منو الغلطان ومادري شسالفه ولا ابي ادري


بس مادري ليش لما شفت المرره واهيه قاعده تبجي بمكان عاام ويهها احمررر قبل الفطووور



بجييييت معاهااااا




فوق ما اني اسمع سوالف من رفيجاتي اهلي الكلل

ان صعب البنت ترتاااح مع زوجها وشاغل تفكيييري هالشي


شفت اليوم المررره شلون محتررررقه وتبجي وشكلها يكسر الخاططر


مبين عليهم صغار من طقتي توهم متزوجين اعمارهم 24-26 جذي




واااااي سدت نفسي عالكل وارفجياتي شففييييج وشفيييييييج اقولهم مافيني شي




مادري الموضوع عااادي جدا جدا



بس احب اكتب بشي احسسه وكتبته بأحلى منتدى



تقبل الله صيامكم انشالله

 

[حياتي عذاب عذاب]

ياقلبي رحمتها مالت ع الرجال ومشاكلهم

 

[ޢޢޢإيمانޢޢޢะۣۨ>]

صج مافي أحد مرتاح
والحمدلله على كل حال
شكلج حساسة مثلي
لما أشوف جذي أتأثر وما أنسى بسرعة
عسى الله يبعد عنا وعنكم القهر والظلم ​

 

[وردة-الكويت]

الله يكون ف عونها ويفرج عليها همها يارب

 

[كبرتني]

تصدقين دمعتي كانت عزيزه حيييل وايد اخشش


بس الحييين على طريييف يمكن علشان شفت همووووم وتعبت مادري والله


بس الله كريم والحمدلله عالنعمه

 

[فوفو22]

واضح انك حساسه

والله يكون بعونها

فوفو

 

[*الغاليه*]

الله يكوون بعونها

والله يعينج قلبج طيب وحساااسه حييل

 

[الأميرة جوري]

عادي ياقلبي كل زوجين يتخانقون ويردون بعدين .....بالعكس الحياه الزوجيه وايد حلوه اذا متفاهمين والاهم التناااااااااااازل والتغاضي لابد منها....والله يكون بعونها

 

[ملكه بكيفي]

باين انك طيوبه وحسسساسه :eh_s(17):
عاااااادي الدنيا ماااتصفى لاحد وامر طبيعي وصحي جدا ان الازواج يختلفون
ويتهاوشون ...الخ :eh_s(4):فلا تتعقدين ولا شي :eh_s(9):

 

[miss mama]

اي عادي تصير باحسن العائلات لووول. يا ما غرقنا دموووع وصراخ ونقاشات حاده داخل السياره. حياة زوجيه وضغط ومسئوووليه تولد الانفجار الله يعين

 

[عويتقة]

ياااااااربي ارزقني بالزوج الصالح عاجلا غير اجل الي لما ابكي يراضيني

 

[zqertya]

الله يعينها مسكينه

انتي مثلي انا قبل كنت قويه وما اتاثر بسرعه بس الحين على طريف

 

[قمرية الفيس]

ههههههه
هو كل مافي الموضوع انتي حساسة وهي باين على تومج حساسة والدليل انها ماقدرت تقضب بجتها ونهارت بالسيارة
فالنقلبت القصة الي فلم هندي
هههههههه هههههههه

 

[عاشقه رويشد]

الله يكون بعونهم

 

[اصيله بنت البدو]

ولو اني مااعرفها الله ييفرج همها ويسعده

 

[شذى2007]

مو لازم تبجي منه يمكن سامعه خبر يبجي وهو يهديها يمكن اهي حساسه قال كلمه وبجت هم انتي حساسه بجيتي معاها وتاثرتي بالموقف الله يعينها

تقبل الله صيامج

 

[وآيليـةة جنـآأإآن]

وواي الله يعيينهاا

عاد الله يهداه ريلها مازعلها إلا قبل الفططور ؛( < همها بططنها :$

انششاءلله يكونون مترااضين ومفطررها بأحلى مطططعم

 

[!.كيـ’ـان.!]

طيب يمكن سمعت خبر وفاة او خبر محزن وهو ماله دخل واتهمتيه هههههههههه

ترــآ مو في كل العوائل الزوج ظالم وطاغيه بعضهم العكس يكون هو الطيب وهي الشريره >>لاحد يزعل هذا الصدق

بما انه يكلمها ببرود اعصاب فااظن والله العالم انك ظالمته

وبالنسبه لسالفه دمعتي عزيزه خخخخخ انا بعد نفس الطريقه الظاهر كل ماكبرنا بالعمر نصير حساسين اكثر قبل اخواتي مايشوفوني ابكي الحين اجلس وسطهم واطلق العنان ههههههههههه

 

[عاشقة هواك]

مالت على الرياييل ما عندهم قلب

 

[كبرتني]

لا امبين انها كانت معصبه وقاعده تتحلطم عليييه مو وفاة بعيد الشر عنكم


اهو عادي صح المشاكل تصيير


بس عورت قلبي والله


احس مافيني حيل ولا طاقه احد يبجيني

الله يهدي الكل ويوفقكم