والله ماقد مر يوم الا وأنا أعاني

[فرح3]

السلام عليكم:eh_s(17):
هذي أول مشاركه لي في منتداكم كتبت لكم من حبي له المنتدي وحبي للكويتيات والكويت اللي
أمنيتي أزورها

والله مدري من وين أبدأ معاناتي صعبه ومحرجه وبيحس فيني اللي عاني من نفس مشكلتي

أنا لي 20 سنه وهالمشكله ملازمتني
المشكله هي (رائحة الفم)
مع أني والله نظيفه لابعد درجه وأهتم بنفسي من جميع النواحي
ماخليت مستشفى ولا علاج طبيعي أو طبي الا وأستخدمته
مره رحت عند دكتوره وقلت لها سويلي تنظيف وحكيتلها على الريحه قالتلي أنا ماقد شفت مثل نظافة أسنانك
حتى ماتحتاجي تنظيف والريحه خذيلها فلاجيل ..لما أخذ الفلاجيل تخف الريحه بس بعد ما أتركها ترجع على طول ..
مره رحت عند دكتور باطنيه قالي مافيك شي أنتي تتوهمي بكيت وتمنيت اني مت ولا رحتله
حتى أولادي وزوجي وأهلي يتضايقون ويخبروني وأنا أنحرج
مع أني والله أهتم وأحاول.بس وش أسوي موبيدي..


أنا جدا جميله ما أروح زواج الا وأنخطب مع أني متزوجه وعندي أولاد بس هالمشكله أفقدتني الثقه بنفسي وأعتزلت صديقاتي
أرجوكم اللي كانت تعاني مثلي وتشافت تساعدني أو أرفعو الموضوع بدعوه
وسامحوني طولت عليكم بس ودي أفضفض لكم ...

 

[بتبوتااا]

الله يشفيج حبيبتي اذكر بنات حطو موضوع جذي وحطو وايد حلول دوري بقوقل للمشكله وان شاء الله تلاقين حل

اقول لج نصيحه بعد روحي كل ست شهور سوي تنظيف اسنان وحاولي تبتعدي عن الاكل الي فيه بهارات وايده او بصل وثوم وكثري من النعناع والدارسين والمسمار غليهم وشربيهم

 

[سويرة بنت خالد]

الله يعينج وبتبوتا ما قصرت بالفعل النعناع فظيع

 

[منى قلبها ابيض]

اشربي نعناع فرش وخلي عندج كرتون علوج وحلاو وهم انا استخدم معمول الفم كله مواد طبيعه من ام جراح وجيكي ع معدتج يمكن فيها انزيمات او شي موفقه خير

 

[دلوعة أبوهآ]

فرشي آسنانك باليوم 3 مرآت واستخدم الصبح معجون غير وبالليل غير ..
استخدمي غسول للفم ..

خلي عندك علك بالنعنآع او مستكه او لو إكسترآ ..

آستخدمي الخيط للأسنآن ونظفي اسنآنك عدل
تمضمضي بمآي وملح ..!


والله يشافيكِ

 

[لحن التياعي]

الله يشفيك ويوفقك

 

[Heaven Light]

http://www.q8yat.com/t942851.html

ان شاء الله هالموضوع يساعدج ..
الله يشافيج يارب ..

​

 

[iLLuMinaTion]

الله يشافيج

 

[تفاؤل وأمـــل]

هلا اختي

اهتمي بالسواك عند كل وضوء<<<سنه ومطهر ومعقم ويعطي نفس منعش
وابلعي فص ثوم قبل النوم مايطلع ريحه على ماسمعت لانه يقتل البكتيريا اللي في الجسم

جربيها

واذا مانفع انا قد شفت ببرنامج التفاح الاخضر اللي بالام بي سي دكتور مكتشف ماده يحطها بجهاز تزيل رايحه الفم



وما تشوفين شر

 

[شندوخه]

حبيبتي الفلاجيل مضاد فطلريات
اذا المشكله مشكله فطريات
عندج حل من هالاثنين
تشترين غسول مضاد للفطريات وشكثرهم بالجمعيات والصيدليات
او تتمضمضين بماااء وخل ابيض

وان شاءالله راح تدعيلي

 

[انثى عاشقة]

ياعمري الي تنظف اسنانها وحيل تهتم والريحة باقية يكون السبب من المعدة
قلبون ماعليه راجعي بدال الدكتور عشرة تخصص باطنية واسنان
لا تقولين لهم شنو قال الدكتور الي قبله
بس روحي استشارة وسولفي لهم عن الوضع
وشوفي شنو يقولون يمكن واحد منهم يحط ايده ع العلة وتتعالجين ...
ما ابي انصحج بغسولات وهالشغلات لانج اساسا مهتمة
الباقي دوري السبب الطبي ..
واذا بعد هذا كله مافاد والوضع مثل ماهو
مافي مانع ترقين روحج او تروحين راقي
ماتعرفين شنو ممكن يكون السبب ..
يعني لا تيأسي اطرقي كل الابواب جود ترتاحين ..​

 

[لمى الهاجري]

تدرين شتسوين ابلعي ثوم لا تستغريبين البلعيه يسوي ريحة حلوة والله ما اتغشمر وعندج نعانع حطي بماي وشرب جاي بالنعنانع

 

[الجوهرا]

انا اخوي كان نفس حالتج وطلع السبب من المعده روحي شوفي

 

[Gifts&Occaions]

الله يشافيج

 

[3oosh <3 MJ]

يمكن فيج ربو او بلغم او جيوب انفيه او خشمج ناشف من داخل
روحي حق دكتور انف واذن وحنجرة وخل يكشف عليج
والله يشفيج حبيبتي

 

[فرح3]

الف شكر لكم:eh_s(17):

 

[!! دلوعته !!]

اب اب

 

[popa]

الزنجبيل اهو الحل يعقم ويطهر ويعطيج ويحه منعشه
الي اقصده مو الزنجبيل العادي لا
الي يكون في المطاعم اليابانيه
يعطي انتعاش ويطهر المعده

 

[Sparkle]

لما تفرشين أسنانج فرشي لسااانج ,,اللسان يتجمع فيه البكتريا الي يسبب الريحه

 

[منيرة خالد]

حبيبتي اذا كنت مسويه حشوه لواحد من اسنانج او مركبه سن من زمان احتمال كبير يكون مسويه مو على نظافه وتعفن اللي تحت الحشوه ويطلع ريحه


اذكر وحده نفس مشكلتج ولا اعرفولها بالكويت ابدا ما خلت دكتور اسنان ولا باطنيه ولا اعرفوا


راحت ايران على طول قال هالريحه من الحشوه وشالها ونظف اسنانها وحط لها حشوه ثانيه



موفقه