والله متحسفه حيل تكفون مسآعدتكم

[سنيورته]

سلام عليكم

والله حدي متحسفه قد شعر راسي على كاميرتي الي شريتها d550 :eh_s(2):
حرام شريتها ب 300 دينار :eh_s(11):

والي قهرني اني ليلحين حاسه اني مااعرف اصور فيها وماعرفتلها عدل وحوسه وربي
وحاسه بعد اني ماراح اعرفلها ولا راح احترف بتصويري

تكفون ساعدوني والله مالي غيركم بنات بلييز

 

[كويتية222]

ومنا للاخوات يفيدونج اكثر

ونصيحة سوي سيرج وشوفي منتديات وتجمعات ثانية بتستفيدين اكثر

 

[Mazyoona]

*
..... *​

يؤ يؤ من شنو متحسسفه
آلكآميرآ رهيييييييييبَه !! و فيهآ طآقآت تهبل!!

قوليلنآ شنو آللي مو عآرفته فيهآ ؟​

* .....
*​

 

[get over it]

حبيبتي انتي شاريه احسن نوع كاميرا ( :
شحقى متحسفه ؟
كلنه بالبدايه كنه مانعرف بس شوي شوي تعلمنه ,
انصحج تدخلين تشوفين بالمنتديات واكثر شي ادخلي اليوتيوب لان يفيدج اكثر وسوي سيرج بالانقليزي بتلقين وايد مواضيع
واذا عندج استفسارات حاضرين

 

[Mrs. Honey]

أمبيه لا تخرعيني
أنا من نزلت المنحة ادورها
أنا بشتريها بس مو محصلتها
رحت فريت الكويت وقالوا خالصة
عفية من وين خذيتيها؟

 

[سنيورته]

مشكورين على ردودكم بنات ماقصرتو

كويتية222
وين اسوي سيرج

mazyoona
انا ادري انها رهيبه وتهبل بس مشكلتي اني ماشفت دروس التصوير وللعلم اني احياناً اشوف نفسي اعرف اصور بس الي بعرفه بالكاميرا الازرار الي يم الشاشه فيه ازرار ماعرفه وفي حركه ودي اعرفها لما اسوي زوم على شي يكون الي يمه ليتات او شي يكونون دوائر مو واضحه < يارب تفهميني لوول

get over it
مشكوره حبيبتي
ادري ان الكاميرا زينه بس ابي دروس نستفيد منها حيل
واذا عندج روابط بالويتيوب ياليت تحطينها لنا وشاكره لج حبيبتي

Mrs.Honey
عدل كلامج انا بعد كنت ادورها من يوم نزلت المنحه وقالولي مخلصه وبعدها بيومين حصلتها بيوريكا وخذيتها منهم
وللعلم ان الاماكن الثانيه قالولي لو تفترين بالكويت ماراح تحصلينها !!


ناطره ردودكم فديتكم ويارب تفيدوني وشكرا مقدما

 

[عثوله دبي]

لالالالالالالا شهالحجي !! تينن هالكاميرا واللله
انا اول ماخذيتها ماكنت اعرف شي وقطيتها شهـر ، !!! الحين والللله اتضايق اذا داومت وما اخذتهـآ معاي ..
تعلمي وبتعشقين التصوير ~

وايد اكو مواقع و حتى اهني بالمنتدى في دروس بسيطه .. و ترى انتي اللي تصنعين الصور مو الكاميرا ..

 

[فانيلا]

عادي شعور طبيعي


انا شريتها من 5 شهور تخيلي وتعقدت وقطيتها على صوب
ودشيت دوره ام خمس ايام ما افهم الا احد يوقف على راسي

عرفت شنو سالفه هالازرار والدقم

والحين قاعده اتابع دورس على النت وبديت احبها صج

 

[سنيورته]

شكرا حبايبي على مروركم

بصراحه كلامكم اقنعني لاني ابطلها اسوي ومااستفيد شي واقطها على صوب

فانيلا ياليت تقولين لنا الدوره الي دشيتيها زينه ولالا وبجم لاني مفكره ادش دوره مابي اضل على هالحال لمده

 

[ناديه]

احسن مكان حق دورات التصوير النادي العلمي

 

[سنيورته]

ناديه شكرا حبيبتي على مرورج

نبي معلومات عنهم بليز

 

[Ƒɭσωȩʁ]

رد : والله متحسفه حيل تكفون مسآعدتكم

لآ لأ حرام
كامرتج آحسن نوع
وعجــيبه بعد
واهم شي كـآنوون

انتي قصدج شلون تسوين ليتآت يصير دوائر < هذا اسمه بوكيه
سهل حيل حبيبتي
شوفي جربي وانتي بالسيآره وجدآمج اشاره مرور او ليتآت السياير ضغطي زر التصوير وتحكمي بالعدسه لآ تخلينها واضحه
خليها مشوشه وراح يطلع لج بوكيه
وواذا انتي قاعده بالبيت اخذي خام اي شي فيه ترتر او زري هم نفس الطريقه بيطلع لج البوكيه
وخلي مسآفه بينج وبين الترتر !

ودشي منتديآت
منتدى اصدقآء الضـوء + يوتيوب كتبي دروس التصوير
آآم
اهني في دروس بعد
ومنهآ للآعلى حبيبتي

 

[Ƒɭσωȩʁ]

رد : والله متحسفه حيل تكفون مسآعدتكم

لآ لأ حرام
كامرتج آحسن نوع
وعجــيبه بعد
واهم شي كـآنوون

انتي قصدج شلون تسوين ليتآت يصير دوائر < هذا اسمه بوكيه
سهل حيل حبيبتي
شوفي جربي وانتي بالسيآره وجدآمج اشاره مرور او ليتآت السياير ضغطي زر التصوير وتحكمي بالعدسه لآ تخلينها واضحه
خليها مشوشه وراح يطلع لج بوكيه
وواذا انتي قاعده بالبيت اخذي خام اي شي فيه ترتر او زري هم نفس الطريقه بيطلع لج البوكيه
وخلي مسآفه بينج وبين الترتر !

ودشي منتديآت
منتدى اصدقآء الضـوء + يوتيوب كتبي دروس التصوير
آآم
اهني في دروس بعد
ومنهآ للآعلى حبيبتي

 

[ام محمد الشمري]

خرعتني الله يهديج


لا تحسفين ولالا شي


تعلمي عليها

 

[سنيورته]

فلور مشكوره حبيبتي كلامج فادني بصراحه حيل ولا يهونون البنات
ماقصرتوا حبايبي بصراحه افدتووني حيل شكرا

 

[بحرينيه حلوه]

ان شاء الله راح تعرفين لها

 

[girl lesh]

تبين تعلمين
بطلي كتيب الي مع الكامرا واقري حيل حيل حيل مفيد وبتعرفين بنسبه 90%