والله مليييت ونفسيا" تعبت

[عيميه شيتوونه]

مرحبا بنات ..طلبتكم ساعدوني ابي اضعفففف مليت من المتن ودي اصير ضعيفه ماكو صارلي شهر وشوي مسكره حلجي وريجيم بس كيلوين ؟؟:eh_s(11):

ابي مساعدتكم .
.فكرت اكل حبوب تضعف او تسكر الشهيه خرعوني اللي حولي موزين وخطر وغير هذا بديت:botetoo:لايوقف شسوي بشنو تنصحوني ؟

بالحبوب؟ولا لأ واي نوع زين امانه اللي تعرف لا تبخل علي والله راح ادعي لها من قلبي :080402ask_prv:ناطرة ردودكم

 

[صآعده تحت}..]

::

::

مجرد احساسك انك بتبدين جد وجتك اراده هذا اول خطوه للرشاقه باذن الله :eh_s(6):

بكل امانه الشهر كنتي تخربطين فيه الى نزلتي فيه كيلوين صح ولا لا؟! :denya:

انا شوي واجيبلك رجيم دكتور عبدالله المطوع ينزلك بالاسبوعين 6 كيلو من غير حرمان :ggdw:

غيره 6 بالاسبوع وحرمان وتكرهين شى اسمه رجيم :eh_s(4):

يعني كل اسبوع تقطين 3 بدون رياضه _03BA:

شقلتي موافقه ولا لا

وشدي حيلك واتركي الاكل شهر بس الا انتي نازله عشره كيلو::

::

 

[حرم_طيار]

خلي اراتج قويه وسوي رياضه و ان شألله ان شألله راح تضعفين

شربي اعشاب يمكن اساعدج

 

[ورود خذلتها العاصفه]

انا نفسج ماكانت عندي اراده ومليت من المتن حتى لبس ماقدر البس مع اني طويله وجسمي بالضعف احلا
وكانت عندنا مناسبات عروس وانا للحين ماضعفت واخوي كان جاي من مصر وكان مشتري حبوب سيبوتيرم المصريه
على اساس انه ياكلهم بس الناس خوفته منهم وتركهم

فقلت انا ليش ماجربهم واذا حسيت بضرر على طووول اتركهم
وبديت اكلهم وماحسيت اول اسبوع باي شي بس ثااني اسبوع حسسيت اني زعوول وبسرعه اعصب بس اتعوذ الشيطاان واستغفر

بس صج ضعفوووني الكل انجن علي بالعرس وانا كنت مستخدمه بس علبه وحده وخلصت وقفت 10 اياام
وقبل 20 يووم شريت علبتين كليت بس 10 حبااات ولله الحمد انصدمت حللت وطلعت حاااامل الحمد الله يارب انتي جربيهم

الرجيم يبيله مقابل جمعيه عشان تنوعين بالاكل وماتمليييين

 

[عيميه شيتوونه]

اي والله اختي حلاها في حياها ياريت انا ابي ريجيم جذي اذا ممكن تعطيني اياه ..

ومحتاجه شي مع الريجيم حبوبه بنت بوخالد 85 من وين شريتي الحبوب ونفعوج ؟وممكن اعرف شكثر نزلو وزنج يعني جم كيلو والمده شكثر باسبوع اوشهر؟؟

 

[رووز q8]

عيميه ماكو شي صعب

سوي رياضه مثلا مشي وخففي اكلج في بدايه الرجيم عقب ابدي بالرجيمات

موفقه ..~

 

[laura mercier]

يالله يعينك ويعيني

 

[ابداع x ابداع]

حطي جدامج ورقة وقلم وتعاهدي مع نفسج انج تضعفين وماتاكلين

ولا تخلين احد ثاني يطبق معاج الرجيم لان لما اهيا تخربط راح تجبرج معاها تخربطين

دوري رجيم صحي واكله منوع وينزل بسرعه وتوكلي على الله

اعرف وحده رفيجتي حيل استخدمت سيبوتيرم وضعفت عليهم ( للامانه ) بس انا ماستمريت عليهم وقطعتهم
وقررت اني ابدى رجيمي صحي بدون حبوب وخرابيط

لان والله بنت خالي صارلها اسبوعين بالمستشفى من سبت حبوب رجيم تاخذهم وانا قررت اني ماكل حبوب نظرا لخطورتهم

وموفقه

 

[صآعده تحت}..]

::

::
بآأك

ان شاء اله ثواني واحطلك
استانسى وتونسي ولاتعتبرينه رجيم اعتبريه تخفيف للشحوم :sfg:

انسي كلمه رجيم وكل الاكل موجود بالنظام مكسرات وككاو
::

::

 

[صآعده تحت}..]

هذى مشاركتها الله يجزاها كل خير

السلام عليكم
:balo:

كل عام وانتوا بخير :nbvppw: <<رجيمي مع د.عبدالله المطوع (1)[/url

الريـــــــوق
- 1 توست أسمر + جبن قليل الدسم أو لبنه قليل الدسم + 2 مرتديلا أو 2 تركي أو بيضه أو زعتر + خضار + كوب حليب خالي الدسم
- 5 تمرات + كوب حليب خالي الدسم
ممكن استخدام خيارات الريوق بالأنظمة السابقة


سنــاك الظهــر
استكانة مكسرات (حب - يوز - بيذان - فستق) + شاي أو قهوه/حليب


الغـــــــداء
أول وثالث وخامس وسابع يوم : سلطه + 4-5 ملعقات عيش + نصف صدر دجاجه مشويه + دايت أو ماء
ثاني يوم : كيوي كميه مفتوحه
رابع يوم : برتقال كميه مفتوحه
سادس يوم : أفندي كميه مفتوحه


سنــاك العصــر
ككاو وسط أو 2 حبة فاكهه (أي نوع ماعدا الموز والمانجا) + شاي أو قهوه


العشـــــــاء ، يكون قبل ساعه-ساعتين من النوم
- توست أمريكانا أسمر + دايت أو ماء
- سلطه + 3/4 كف اليد لحوم (يعادل 2 همبرجر الضعيف) + دايت أو ماء
- كوب نخي أو باجلا + عصير برتقال أو تفاح
*** 2-3 روب أكتيفيا بالفراوله
*** 3 كيوي + عصير برتقال أو أناناس (ممكن نحطه بالخلاط ونشربه كعصير بيغـــث ويشبّع أكثرررر)
*** كوب لبن أو روب + 3-5 فراوله
ملاحظه :
~> العشا الي قبله نجوم ، هذا يكون عشاكم بالأيام الي الغدا يكون فيها نشويات يعني نتغدا عيش وهي الأيام (1+3+5+7) ، أما باقي الخيارات (وممكن نستخدم خيارات العشا بالأنظمة السابقة) فللأيام الي يكون فيها الغدا فاكهه

~> إذا طلعنا نتعشا بره وكان المطعم :
لبناني = 2 سيخ مشوي
أمريكي = ستيك well done وقالي عن نوعيه حلوه وهي fillet mignon
فرايديز وربعه = نص صحن فاهيتا لحم أو دياي
ياباني = قطع لحم مقطعه صغار اسمها teppanyaki

~> قالي أفضّل يومين من الاسبوع تسوين نظام [url="http://www.q8yat.net/showthread.php?t=514151"]"بدون نشويات"​

لأنه يساعد بتنشيف الجسم من السوائل ، وشخصياً أشيل يومين النشويات وأخلي مكانهم يومين بدون نشويات
​

++ للتذكير .. كنت مأجله تنزيل الموضوع لأني بتأكد من الدكتور عن أيام العيش ، هل ناكل دياي مشوي فقط ولا ممكن يدام بشكل عام (؟)
و فيه سؤالين سئلوني ثنتين من البنات وللأسف نسيت أسئله لأنه الهذره خذتنا حزتها ، فناطره رد الدكتور على هالاستفسارات وانشاءالله أضيفها للموضوع لما يوصلني الجواب



مراجعتي اليايه باذن الله يوم السبت 16/1/2010 ، هالمره عاد صج صج دعواتكم :eh_s(6):
​

 

[عيميه شيتوونه]

مشكورة حبيبتي حلاها والله يعطيج العافيه وانشالله بجربه هالاسبوع

 

[صآعده تحت}..]

يلا جربيه اسبوع بس شخسرانه وشوفى اذا ماعجبك النزول وقفيه