واى دخت مابى مابى ابى اسافر شلون يعنى !!!

[عواشه القرقاشه]

حبيبتي روحي النمسا ..
فيينا ليلتين
بعدين بالقطار لي سالزبورغ ليله
بعدين زيلامسي هم بالقطار 3 ليال
وتردين فيينا ليله او اذا تبين ردج من ميونخ كيفج

واذا تبين اي استفسارات انا حاضره دزيلي عالخاص
انا خبره بالسفرات الاقتصاديه

موووفقه

 

[دلوعة أبوهآ]

روحي زيلآمسي .. والمانيآ

 

[فنيسيااا]

الالف تامين تنرد بعد السفره لج
انا اقول روحي ميونخ ومنها على زلمسي على طول واهناك عندهم رحلات تطلعج على سلزبيرغ بباص سياحي ورحلات لكابرون التلج والسدود والزحلاقيه
قعدي 6 ايام وتالي اخذي القطار لي فيينا كلها مقاهي وقصور ملكيه خياليه وحدايق ومن فينا لى الكويت
السياره حلوه بس ترا الطرق جبليه وعره وهم ميزانيتج حدها
عشان جذي من توصلين زلمسي اهي صغيره تمشوا ما تتحاج سياره لانها صغيره حيييل
وسالي الفندق عن الرحلات السياحيه واايد يعطيج برشور وختارين
لان احنا نا قاعدين بالربشن وياتنا وحده بريطانيه وعطتنا بروشور وعلمتنا بمكان الباص الجماعي ودونا كذا منطقه
طبييعه عجيييييييييييييييييييييييييييييبه
فيينا هم صعيره وكل مشاويرنا مشي ما احتجنا سياره بس لا تسكنين بعيد خلج بالسنتر اليديد لان في سنتر قديم ورا النهر تعبان حده
ولا تسكنين صوب فندق انناس التعبان
سكني بالسنتر اليدي اللي فيه ساحت استيفنز بلاتزوقصر الهوفبورغ
ميونخ ما حبيتها زحمه واشاكال وصخه وعنصريه بس فيها ساحه المارتنز اشوا شوي والا ما تسوا ما حبيتها
سلزبيرغ فيها سفاري وقصور وقلعه وف الجبل

 

[عبير-الشرق]

شوفي حبيبتي بالنسبه للالف لازم تحطين بحسابج هالمبلغ لما تطلعين الفيزا ولما تطلع الفيزا وتستلمينها سحبيها وحجزي فيه التذاكر والسكن
بالنسبه للسياره البنزين غالي لما تفولين السياره يوصل المبلغ 80 دينار يعني مافي توفير وبعض الفنادق المواقف بفلوس وتنحسب باليوميه وشوفي جم يكلف وتاجير سياره متعه بس مافي توفير فيها
لما تحجزين من كويت ميونخ كويت اوفر لانه خط سير واحد بس لما تكون الرجعه من فيينا يعني التذكره اغلا ومن ميونخ لي زلمسي ساعتين ومن زلمسي لي فيينا اربع ساعات يعني بتصير متعبه خلي رجعتج من ميونخ اوفر واريح
لما تسوين فيزا سياحيه مدتها 6 اشهر فالافضل ماتحجزين اللحين عطي نفسج مجال اكثر بعد شهر سته بشهرين تنتهي الفيزا تحسبا للظروف يعني حجزي بشهر 3 او2 مواللحين احسن
بالنسبه للفنادق اقل فندق مستواه متوسط ويناسب العوايل مو اقل من 50 دينار يعني علي الاقل قعدي 10 ايام لانه 8 ايام ماتسوي الفيزا التذاكر حسافه لانه اليوم الي رايح فيه وراده فيه لاتحسبينه بيكون بالطريج والمطارات يعني الرحله كلها 12 يوم مع انه ودي تزيدينها تصير 15 يوم
النسبه للاندروقراند والقطارات اذا انتو من النوع الي تثبتون تمام ماتحتاجون تاكسي تكون معاج الخريطه وتخلين الرسيبشن بالفندق يحددلج موقع الفندق وتعرفين الخط الي يوديج ويبج بس اذا بتقعدين بزلمسي الرحلات تحجزينها من مكاتب سياحيه هناك لانه اغلبها جبال وطبعا زلمسي مافي اندروجراند لانها قريه
وانتي حسب مصرفج في ناس تاكل بمطاعم غاليه اكيد تبيلها ميزانيه وخاصتا المطاعم العربيه والهنديه والايرانيه تصير غاليه شوي انتي قبل ماتطلبين قوليله يعطيج المنيو وشوفي الاسعار وتقدرين تعتمدين علي الفاست فود والشاورما التركيه اسعارها معقوله
ولاتتنقلين وايد من منطقه لي منطقه لانه يكون عن طريق القطار وحسبي حساب التذاكر ولاتاخذين تاكسي من ميونخ لي زلمسي يطلع وايد وحجزي القطار من هني سفريات الغانم عندهم حجز القطارات الاوربيه اذا ماتعرفون عن طريق النت
بس انصحج نصيحه من اخت لاختها روحي بقروب اوفر واحسن عشان ماتضيعون ويضيع وقتكم بالفراره وعندكم القايد يدليكم اذا حبيتو تروحون بروحكم موشرط تلتزمون لانه القروب يسكنونكم بفنادق زينه وتطلع عليج ارخص لانه من ضمن التذكره توصيل من الفندق للمطار ومن منطقه لي منطقه
واذا تبين اي شي انا حاضره راسليني علي الخاص

 

[بساطه]

بعد عمرى بنات منتدى كويتيات جزاكم الله خييييييييييييييييير
ما قصرتوا
خلاص باذن الله راح ننطر عروض القروبات على النمسا والمانيا ونروح معاهم اذا الله يسر لان احنا عليمين وشكلنا بنضيع ودام انها اول مرة خل يسنعوننا
الله يكتبها لنا
يااااااااااااااااااااااااااااااااااااااااااااااااااااااااااااااااااارب
مشكورين بعد عمرى والله ما قصرتوا

 

[أم سيف وسلطان]

النمسا او ماليزيا

 

[al39laa]

فديتج حاسه فيج والله :**

عالعموم انا مجيكه عالقروبات اسعارهم غاليين نوعا ما والفلوس انتوا اولا فيها

مثل ما سويتي بروغرم حق اختج سويلج انتي بعد !!

وحجزي عالسيرلانكيا ارخص بواااااااااااايد

انا جيكت على تايلند امس التذكره 190 !!

 

[نور83]

انشالله تروحين انتي و ريلج و تهنين و تستانسين و تلعبين و تشمين هوا نقي و تسوين كل خاطرج فيه بس انصحج روحي امريكا روحي كذا ولاية اونس

 

[{ ليت ظني كآن صآيب }]

وااااااي انتي نفسي اذا مارحت اوربا والله بيصير فيني شي

ماتتخيلين شكثر قريت تقارير عن النمسا وسويسرا لانهم حلم حياتي

و دايما زوجي يقول بعدين مو وقته عندي اولويات

انا حافظه النمسا وانا مارحت لها

يارب ياااااااارب تسافرين و اسافر وراج لووول

و الله مرات من كثر ماشبعت عيني من الصور احس خلاص حتى لو اروح لها ماراح استانس لاني حفظتها من التقارير

الله يكتبها لنا و يمتعنا بالصحه والعافيه

 

[طموحه بزياده]

الله يرزقج من حيث لا تحتسبين