واي متزوجه من شهرين للحين ماحملت ؟ واي ماشفتي فلانه متزوجه من 5 شهور وللحين ماحملت !

[دلوعة كويتيات]

شلونكم بنات


انا تعبت نفسيا يابنات قمت اشك بنفسي واشك بزوجي استغفرالله

صارلي 5 شهور متزوجه وللحين ماحملت ؟؟؟؟بنات انا مو مستعيله عالحمال انا خايفه اني ما احمل مع ان قبل عرسي سويت فحصوصات وقالت الدكتوره كل شي تمام وتابعت تبويضي وقالت مشالله كل شي زين ! عيل شسالفه؟ هل هذي عين نفس ؟ علما بأن صابتني عين اول اييام عرسي والحمدالله ع كل حال, انا الحين عمري 21 سنه وريلي اكبر مني ب6 سنوات

ريلي هالفتره قام يحن يبي بيبي؟ يقولها بضحك يالله نبي بيبي حبيبتي بليز نبي بيبي؟
شسوي بنات انا بحاله نفسيه يرثى لها؟ هل عادي اني ماحملت ؟ والا لازم نفحص؟
انا احس بدري عالفحص ؟

 

[فتاة الإبتسامة]

انتي للحييييين ماكلمتي سنه وكذااااااا
صديقتي والله صار لها سنتين راحو المستشفى اهي مافي شي وزوجها مافيها شيييييي
بس الله مو كاتب لهم والحمدلله على كل حال انتي لاتفكرين ولاتحطين ببالج هالسالفه وتشوفين نفسج فجأه حملتي انشالله

 

[خشف العذارى]

الله يرزقج ويرزق كل محرومة ان شاء الله

 

[ماردك لي]

حبيبي لييييييييييييييش مستعجله بعدش ماكملتي سنه عااااااااااااااااااااادي خلي عنش الوسواس الله كريم

يلي كاتبه ربش بيصير ^_^

 

[احلى شبوصة]

روحي افحصي كنوع من التاكيد لج ولريلج انج مافيج شي حتى لو كنتي منتي مستعجلة على الحمل وحتى لو بعيد الشر طلع فيج شي يكون قدامج وقت تتعالجين فية

 

[G!RLooNa]

بسم الله توكم ليش تحاتين وانتي مجيكه و الدكتوره طمنتج

لا تخلين الحمال هاجس عندج ترا كثره التفكير و المحاتات تعفس الهرمونات

قطي السالفه ورا ظهرج و متى ما الله كتب بيرزقكم

كلام الناس طقيه بالطوفه محد له حق يتكلم واللي مو عاجبه يطق راسه باقرب طوفه !

فكري بالمراجعه اذا كملتوا سنه و الله ماكتبلج حمال بس قبل لا تفكرين استانسوا الحين معاريس انتوا بتقضونها هم و نكد شحقه

 

[استغفر الله1]

حبيتي صج الصبر حلو بس الوقت هاذا يمر الوقت بسرعة وكل دقيقة من عمرج شوفي نفسج

 

[المرتاحة]

استغفر الله ريلج اشفيه!! اهو بيدج انج تحملين ولا هالشي بيد رب العالمين

لا تحاتين حبوبه ترى المحاتاه اهي اللي تاخر الحمل

دام فحصتي و كل شي تمام خلاص خليج ريلاكس لين ربي يكتب لج الحمل باذن الله

 

[فلنتينو]

عسا الله يرزقج

 

[Freakya]

عادي ليش خايفة ؟؟

لا توسوسين وايد ترا والله كثرة الوسوسة تييب الفقر

و عادي خل ريلج يحن من اليوم لي باجر

الرزق بيد رب العالمين

 

[غـرامـي أنـت]

الله يرزقك

 

[طير يحب سجانه]

الله يرزقج ويرزق كل محروم

 

[شقرا كويتيه]

تو الناس حبيبتي لاكملتي سنه وماحملتي روحي جيكي ونصيحه شيلي فكرة الحمال من راسج وان شاءالله بتحملين والله يرزقج

 

[! بــدويه وآآيــد !]

،


مع قيرلونا حبيبتي توج عروس ليش مستعجله ؟ والناس اذا سألوا قوليلهم تو الناس انا وزوجي بنستانس لاحقين
بعدين لاحقه على الواغ ويغ والجسم الزيبرا تو الناس

 

[جوري 2007]

الله يعينج عالنفسيه والتفكير ،، اذا حاطة هالشي ببالج ترى راح تنتلف اعصابج

استمتعي بايام الزواج الاولى اللي ماراح ترد وقوليله عفيه اذا تحبني لا تييبلي هالطاري

يعني اذا قلتلي ابي ياهل الحين بقولك شبيك ليبك !! الله ماكتب لا تضايقني كل ساع

شغلي نفسج باي شي ،، نادي ،دورة ، سفره صدقيني اذا لهيتي راح تحملين باذن الله

ترى كثرة التفكير ماتييب نتيجه ،، الله يرزقج عاجلا غير اجلا

 

[وردة بيتنا]

حبيبتي كثري استغفار

الاستغفار اييب الرزق من الله و الخير

استغفري باليوم أكثر من 1000 مرة

والله رفيجتي قعدت تستغفر وايد وتذكر الله ليل نهار

و الحمد لله الله رزقها وحملت والله العظيم

 

[منو انت]

الله يرزقج ويرزق كل محرومه

بس ترى طبيعي مامر عليج سنه حتى لو رحت حق الدكتور راح يقول مريني بعد سنه

 

[عـرووق نجـد]

عاادي انا صارلي تقريبا 4 شهور ونص بصك ال5 الشهور
وللحين الله ماكتب والله يرزقنا انشالله
ترا مو زين تفكرين يصير عندك وسواس

 

[* فطامي *]

لا تفكرين بالحمل ترى نفسيتج بتصير اكس و زفت من التفكير

ما دام الحمدلله كل شي تمام

استانسي باحلى أيامج مع بو الشباب لاحقه على الياهل

وترى صج توج أنا بعد8 اشهر حملت / منو سالج لووول

الله يرزقك والذرية الصالحه

 

[عزتي في عفتي]

انا صاير لي ثلاث سنين وزوجت اخوي بعد زواجي باربع ايام تزوجت وحملت ولودت بولد سم الله عليه وعمره الحين سنتين وانا الي الان انا واختي تونا ربي ماكتب لنا مع انا تزوجنا بنفس السنه الله كريم يابنت الحلال ولا تفكرين لانك تسوين اضطراب بالرحم والنفسيه لها دور خليك علي الدعاء والرقيه
انا وزوجي مافينا شي ولله الحمد وكانا بامريكا ورحنا للمستشفي وقالوا لنا سلمين
الله كريم لا تياسي من رحمه الله الله الرزاق