وا اسفاه لهيبتك يامعلمي

[شويمه]

:eh_s(11):السلام عليكم
حبيت أطرح هالموضوع بعد اللي واجهني اليوم في كلية التربية جامعة الكويت
انا عندي ورشة اخر الشهر ولازمني كذا كتاب للمناهج القديمة وحصلتها في مكتبة الكلية بس مارضوا يعيروني الكتب وانا معاي كتاب رسمي من التوجية
تدرون شنو اللي قهرني اليوم انهم مايشوفون المعلم شي يذكر طريقة تعاملهم معاي كانت جدا تحز بالخاطر
والمصيبة اني كاشخة اقولهم اني معلمة وطالبة مساعدتكم بانجاح ورشتي من اقول معلمة يبتسمون ابتسامة سخرية وكأنهم يقولون خير ياطير ومعلمة
والله والله ان اسلوبهم مع الطالبات احسن من الاسلوب اللي واجهته اليوم
تخيلوا اللي في المكتبة لما جبت له الكتب وبعد مارفض اعارتهم لي يقولي ردي الكتب مكانهم
اااااااه صج قهر اول للمعلمة هيبة واحترام------

 

[ليالي نجد]

من حقج تحترين وتزعلين..... يتكلمون عن تطوير التعليم والتنميه وهم اول من يحاربها باسلوبهم الاستفزازي والسلبي

للاسف حتى اولياء الامور يتكلمون عن المعلمه والمعلم امام اولادهم باسلوب مو محترم ويقللون من قدرهم عشان جذي حتى الطلبه مايحترمون المعلم !! انا لاحظت هالشي في المحيط حولي
دايما اتنرفز لما تتكلم وحده عن معلمة بنتها بقلة ادب او باستهزاء !! واقول عيب عليكم هالكلام ترى المعلمه اتدرس وبس والباقي عليج.... تبون المعلمه اتدرس وتربي وتكتب واجبات وبيبي سيتر وووووووووو ............... الخ !!

لازم وقفة حازمه ووقفه فعاله لارجاع للمعلم هيبته ومكانته

 

[شويمه]

ليالي نجد اشكرج ع مشاركتج لي الاسف ع هيبة المعلم
شدعوة 23 مشاهدة ولارد

 

[برنسيسة2007]

صحيح من حقكج تحترين ولازم وقفه حازمه على هلموضوع
وعلى فكره انا جربت استعير مالج حل الا اتدبرين لج وحده من طالبات الجامعه وتاخذين بطاقتها وتستعيرين

 

[ترف بابا]

هههههه

المصري واللا ولد القبيله الثاني كلهم تحف !!!!

تطلع روحج على ما يسوون لج الاستعاره !!!

كان لنا معاهم قصص تموت من الضحك ذكرتيني

 

[ترف بابا]

احس ياكلون قات !

 

[المـــــها]

الحمدلله و الشكر
ماعليج منهم
اصلا شكو تردين الكتب مكانهم هذول حتى شغلهم خربوطه

 

[شويمه]

شفتي يالمها والله قهرني والمصيبة يدري اني معلمة مو طالبة ااااااااااااااااااااه

 

[قمر الكويتية]

الله يعينك ويسهل لك المراجع الي تحتاجينها لورشتك

 

[بنات حواء2]

اي و الله ضاعت هيبتنه
معنه احنه من قال فينه الرسول كاد المعلم ان يكون رسولا
و مافي احترام للمعلم
و تعالي شوفي بره الدول الاوروبية الي لا دين و لا همك الله
المعلم له معامله خاصه حتى بمطاراتهم المعلم مايتفتش شرايج
هذوله الي لا دين و لا مذهب
و احنه امرنه غريب
صدق الإمام محمد عبده لمن قال
وجدت المسلمين ولم أجد الاسلام ،، ووجدت الاسلام ولم أجد المسلمين
للاسف الدين صار عندنه منظر اكثر من الجوهر

معنه الرسول عليه افضل الصلاة و السلام يقول انما بعثت لاتمم مكارم الاخلاق
يعني الاخلاق قبل كل شي وفوق كلشي
لاكن هني عندنه الحجاب و العبايه اهم و الاخلاق اخر شي
انا اقول لهجيل و للمربين
انما الامم الاخلاق ما بقيت فان هموا ذهبت اخلاقهم ذهبوا
و يسلمو على الطرح

 

[Turquoiseya]

مافي هيبة
اصلا من قال لج انه له هيبة 00 كذا مرة نقول ان المعلم يعاملونه كحمار مكدة ولا له حق يفتح حلجه
كم مرة نتكلم ان الوزارة وزارة قلة ادب لانها ماتقيم احترام لمعلمينها