وبعدين؟!

[smily]

خواتي في قلبي كلام ودي اقوله و اتمنى انكم تتحملونه و تتقبلونه بصدر رحب...

خلوني اقول لكم السبب الي خلاني اشارك بالمنتدى لاني حبيته و حبيت المواضيع الي كانت تنطرح و تنكتب .. بس ضارت اشياء خلتني اقلل مشاركاتي بالمنتدى و السبب ....

انتوا ايه انتوا ... يا خواتي ليش ما نتبع الرقى في الحوار و في التعامل ؟
خل اوضح لكم الفكرة بصورة اوضح .... مثلا فلانة عندها رأي ودها تطرحه علينا و نتناقش فيه تقوم علانة ترد عليها بإستهزاء و اسلوب تطنز اهني عاد فلانة تشتط و تعصب و ترد عليها بأسلوب اوقح على علانة لانها اهي الي بدأت ... و بعدين مثل ما يقولون اخوانا في مصر الي يحب النبي يضرب .. يتفاعل الموضوع و تصير ناس مع فلانة ضد علانة و العكس صحيح .. و بعدين شنو استفدنا من القصة هذي كلها .. و بالاخير كلهم غلطانين .. ما تقدرين توصلين فكرتج بأسلوب راقي و المتلقي الي مو عاجبه يا بنات لا ترد ترى مو غصب انج تردين ..
يعني ماشاء الله المنتدى فيه بنات من الخليج شنو بيقولون عن بنات الكويت ؟!

و هذا مثال بسيط قيسوا الباجي عليه
بعدين في شغلة ثانية ترى كلمة صراحة بحرف الصاد (ص) و ليس بحرف السين (س) و كلمة عادي بعرف الدال و ليس يحرف التاء ..

تدرون ليش اقول كل هذا و فيه بعد اشياء ثانية ودي اقولها .. لانه للاسف البنات مفكرين لما تسكرين جهازج خلاص محد بيدري انا شكتبت ولا شقلت ولا انتي تطنزت على فلانة و علانة .. من قالج يا عزيزتي فيه الي اكبر مني و منج و عينه ما تنام يدري عن كل شي فكرتي فيه و كل شي كتبيته .. و بالتالي انتي محاسبة عليه .. صح ولا غلط

يعني باختصار الي ابي اقوله الي انتي تكتبينه او تناقشين فيه او تصورينه كله محاسبة عليه و كله يدل عليج كإنسانة ..

خلونا نترقى بالحوار من فضلكم...

 

[The purple]

*=== (( ما يلفظ من قول إلا لديه رقيب عتيد )) ===*


هالجمله مو مكتوبه عبث !!

بس اللي عبالها السالفه بس جذي وكلام وينكتب وتمشي السالفه , شتسوين فيها ؟!

ولاحظي الفتره الأخيره وايد خوات قامو يكتبون عن هالنوعيه من المواضيع اللي مامنها لا فايده ولا عايده ماغير كل وحده تستعرض مفرداتها الراقيه بالرد /=

بس كلمة سراحه وعاتي ترا في ناس نظامهم تتكلم جذي على عبط يعني عادي

تسلمين عالموضوع ~

الله يهديهم

 

[Aboosah]

عددددددددددددددددل كلاااااااااااااااااااااامج والله

مفروض اذا احد عنده راي يطرحه باسلوب عدل بعيد عن الاستهزاء واذاماتقدر لا ترد على الموضوع وطلع ودور على مو ضوع يعجبهااا

والله الرسول وصانا على هالشي وقال (قابل السيئه بالحسنه) اذا وحده استهزئت قوليهاا مشكوره ماقصرتي مو ضروري تردين عليهااا بعد

لازم انطور بكلامناا وردودنااا

وجزاج الله الف خير على الموضووووع الحلوووو

 

[smily]

Fe6aMos

Aboosah

مشكورين على تفاعلكم معاي و اشوه يعني مو بس انا الي ملاحظة
وفعلا اتمنى انه نرتقى و نرد احسن من قبل

 

[nero]

مشكوره سمايلي على طرح الموضوع

بصراحه هالشي الكل ملاحظه مو بس انتي

والكل مستاء منه .. احس ان الكل صار متصنع ويلبس ثوب مو ثوبه

 

[smily]

nero
صاجه والله الكل صار يتصنع و الاولين يقولون حلات الثوب رقعته منه و فيه

 

[a3andho0om]

thx smily 3la el mwthu3

 

[Red carpet]

كللللللللج صح
و اشوة ان ولا مرة صار معاي موقف جذي
يا بنات
حطو بالكم على الفاظكم
والله عييييب

 

[supermarket]

صاجة وخوش موضوع

الموضوع زاد عن حدة والكل يبي الشارة

وياريت اللي على راسه بطحه ومعني بالموضوع

يقرا ويفهم :tomato2:

 

[عاشقه رويشد]

صح كلامج صاجه

 

[Pepsi Cola]

بارك الله فيج حبيبتي كلامج صحيح وخطير ويبيله حل سريع وجذري بعد >>> السالفه مو غشمره
الي فيها شده ولها مقاقه تكون مجموعه من العضوات العاقلات وتستأذنون اداره المنتدى على انكم مثلا على سبيل المثال تردون تعلقون على خواتنا الي يحتاجون توجيه بالعام والخاص لان ممكن البنات مو مستوعبين الوضع الي اهم فيه ويمكن عندهم عادي, على اي حال اذا قررتوا تحلون المشكله فانا اول متطوعه معاكم وشكرا اختي سمايل على الاهتمام بامور الاخوات.​

 

[اسطورة زماني]

اي والله صاجة ياوخيتي

وايد لاحظت انا من ردود بعض البنات

الله يهديهم بس

مشكورة على طرح الموضوع حبيبتي

والله يكثــــــــــر من امثالج

 

[منانا]

صاجه والله حبيبتي وانا اول ما تولعت وتعلقت بالمنتدى كنت احب اشاارك وانااقش وافيد واستفييد بس للاسف حسيت في بناات يتصيدوون ويتربصوون وينطروون الزلة

وعلى قوولتج البقية مطبقين جملة الي يحب النبي يضرب بحذافيرها من جذي واايد قمت الااحظ فيه عضواات تتوقف عضويتهم مع ان بكمل سنة بالمنتدى وما كنت اشووف هالشي اول ما اشتركت

واذا على قوولتج وحده غلطت ولا قاالت كلاام معاارض لأفكاري ما كفرت ولا احنا بعد كلاامنا صح وقرآن ما يتغير كلنا نغلط وكلنا فينا الشين والزين

المفرووض نكون على قلب وااحد ونفيد بعض و نقوم بعض اذا غلطنا بالاسلوب الحضاري الرااقي


والحمدلله كلنا متعلمين وبنات ناس وحماايل ونشووف بعض باليمعات والمنااسباات ونعرف بعض ويمكن نصير حق بعض وكلنا عيال قرية وكلن يعرف اخيه والكوييت صغيره ومردنا بوقت الشداايد الله لا يقووله بنصير ايد وحده وقلب وااحد


سااعاات ادش النت ابي استاانس ولا اريح نفسيتي من شي مضاايقني يرتفع ضغطي زياادة ويفوور دمي على كلمة مالها دااعي ولا موضووع ينرفز وطبعا انا في الموااضيع الي من هالنووع متفرجه فقط وما اكتب اي حرف الا باضيق الحدوود واذا كنت مضطره


وبالنهايه تذكروا

عامل النااس بأخلاقك لا بأخلااقهم

والكلمة الطيبة صدقة


اسفه عالاطااله بس والله جد شي يحر

 

[أإلع ـشق دلع ـهـأإ]

تسلم اناملج

 

[زهرااا]

صدقتي

 

[المـــــها]

ما يلفظ من قول إلا لديه رقيب عتيد


عشان جذي كاتبينها بشروط التسجيل

يسلمو
حبيبتي

 

[فديتوني..q8]

كلآمج سح .. لكن مآفيه آنسآن مآيغلط .. وسآعآت من آلآستفزآز حتى مآ تفكرين ..~

آلله يهدينآ ..~