وبعدين مع موضوع النوم اليً قاص ويهي?

[ياليتهم يشعرون]

شلونكم بنات انشاءالله الكل بخير
والله يابنات مشكلتي هذي لو مو حاسه انها مشكله ماطرحتها وأبي منكم مايطيب خاطري وعسى ألي ترد علي ربي يفرج همها ويوسع عليها
انا بحال كئيب جداً وخايفه حمولتي تاخذ عني فكره اني مؤ سنعه تعرفون الجنه دايما تحت المجهر انا حياتي مافيها هدف وكل وقتي نوم والله يابنات صرت استحي من كثر ماانام ولمن اقوم الصبح ماالقى غير غرفتي ألجأ لها واتمدد وأنام وحتى ولدي مايقعد الا الساعه 4العصر وزوجي نفس الشي بالله انا شسوي خالتي ام زوجي ماتحب احد بدش معاها المطبخ وانا ع طول منحرجه من موضوع النوم موبيدي انام هالكثر وين اروح ومع هذا اخاف من حجيهم بينهم وبين بعض احيانا اقول يمكن فيني غده عشان انام هالكثر وبعدين ارجع واقول لا من الفراغ اليً انا فيه واحس البيت مؤ لي انا مكاني الغرفة وبس مالي حق افرفر فيه من غير معنى شسوي ابي حل مابي احد ينتقدني بليييز ربي يخليكم ردوا

 

[لمى الهاجري]

هاذي حياتج وانتي حره فيها اهلج ريلج مالهم علاقة فيج المهم تريحين ريلج وولدج وتقومين بواجباتهم واذا عندج بيبي صغير بيتعبج ويقعد الليل والنوم متخلبط طبيعي

 

[ام كوثر2007]

حبيبتي شوفيلج حل بموضووع النوم .. مو عشان احد عشان نفسج .. شكلج تنامين وايد والمفروض انج تسوين اشويه فحوصاات ترا ماله شغل الفراااغ بالنوووم شوفيلج حل عشان نفسج مثل ما قلتج ..


والشي الثاني حل مؤقت لين تعدلين نومج دامج تقعدين العصاري ما فيها شي لا نزلتي تحت وسويتلج شي حلووو مثلا كيك او حلا معين مع دله قهوه ورحتي جابلتي خالتج اشوي بو نص ساعه ساعه بالكثير وتردين تصعدين دارج مره ثانيه

ترا ملزومه تبرين فيها لا تنسين هالشي ظروري ..

وعسى الله يعدل امورج وريج بالج يارب . ما تشوفين شر .

 

[Gifts&Occaions]

حاولي تغير من روتينج سوي شي تحبينه روحي نادي

 

[حقوقيه زوغه]

والله حبيبتي اقولج شي ريحي رااااسج لان الحموله ما يعجبهم شي يعني لو شنو تسووين بيظلون يتحجون بينهم هذا شي طبيعي (؛ لي نمنا العصر قالو هذي ليش تنام العصر ويهه متفخ من النوم ،، دوامي الساعه ٩ اطلع ٨ ونص طاع هذي الساعه جم طالعه حده حده ،، شرينا ماركات تطنزوا ،، شرينا اشياء عاديه هم تحجوا دشينا بيدنا حلو وككاو قالو هذي يعني كاشخه علينا ،، اوووف ماراح ترضين الحموله لو شنوو اهم شي ريلج وولدج والباجي بطقاق

 

[!الجادل الصعب!]

آنتي لآ موظفه ولآطالبه ؟!

طيب وين اشغالج اليوميه غسيل تنظيف وغيره .. ؟!
اذا هم مايحبون احد يشآركهم شعليج منهم .. حبيبتي ماعليج الا من رآحتج هذآ اولآ
ثآنيا مايمنع تسوين تحليل غده بالمستوصف تشوفين وتطمنين على روحج
اذا هالنوم كله مو من طبعج ..


مآ تنلآمين حيآة الفرآغ ممله صرآحه الله يعينج ..!

 

[بهبهانيه]

حاولي تشغليين وقتج روحي نادي

 

[واصله]

حبيبتي اول شي سوي تحليل الغده اهتمي بصحتج
وثانيا اذا انتي قايمه بكل واجباتج مع ولدج وزوجج مالج شغل بكلام احد
اذا كان زوجج مرتاج جذي معاج

 

[انوثتي غير وياك]

كل شي قالووو

كلالالالالالالالامهم :rerrerek:

 

[عادي من قلبي أشيلك]

حلوه فكرة النادي

اذا انتي بطاليه غيري روحي لاهلج طلعي مع زوجج وولدج غيري جوو

 

[al-musk]

ممكن العصاري تدشين المطبخ بعد حزة الغدا وتضبطين الحلو والجاي والقهوة ..

 

[هيبة ملك]

اهتمي فبيتج وولدج
نظفي دارج غسلي ملابس زلدج نظمي وقته سوي له أكل يناسبه
والعصر نزلي عند خالتج قعدي معاها
ترى النوم الزايد يجيب الأمراض والكسل والخمول
والرسول عليه الصلاة والسلام متعوذ من الكسل

تلاحقي عمرج حبيبتي

 

[لوفيه]

حلات النوووم

بس صاجه ترى مايرحمون الحموله

الله يعين

 

[" ام حمود "]

انتي اللي بنفسج تقدرين تتغيرين ، يعني شغلي روحج بأي شي !!
اذا حسيتي فيج نوم روحي طلعي اي مكان او روحي عند خالتج سولفي معاها
او ريلج خليه يطلعج انتي اخذي مهنه حلوة جابليهاا شي تحبينه مثلا خياطه نادي تسوق جذي ، غيري من نفسج
هذا إذا ودج تتغيرين اذا انتي بينج وبين نفسج ماتبين او مالج خلق
عيل انسي هالموضوع نهائيا لازم بنفسج انتي واللي تقدرين عليه
وهذا أخر شيء حياتج والله يسعدج ويوفقج

 

[زوجة عزيز]

انا مع الغاليه ام كوثر

 

[عضوا]

اول شي سوي تحليل مثل ما قالو العضوات
و ان شاء الله ما يكون شي
و من ناحيه الملل سوي شي يكسر الملل
مثلا عدلي الغرفه
اقري كتاب
اقري مجلات !!
او روحي المطبخ مثل ما قالو و سوي حلويات بسيطة
شوفي خالتج
قعدي معاها شوي

اذا كلش كلش مالج خلق
جابلي النت و اسفيدي

و ان شاء الله امورج طيبه

 

[عسولة 2]

مالنا شغل بحمولتج. بس حرااااام عليج ولدج يقعد 4العصر لازم تتغير طريقه حياتكم انتي وريلج وولدج مو علشان الناس علشان انفسكم وبعدين ريلج مايداوم؟

 

[om MaRyooM]

حياتي عندي لج اقتراحين

سوي تحليل غدة .. لأن وااايد وايد مهممممم

واشتركي بنادي

وشغلة ثانية .. ولدج جم عمره ؟؟؟؟
لازم ينمي شخصيته وتتغير حياته .. حطيه في حضانة سنعة احسنلج

 

[دلوعة صلوح]

ام كوثر كلامها عين العقل والبنات ماقصرو ..

 

[إحساس شرقاوية]

يالله نفس مشكلتي من ابي اصلح نومي يتعدل ويرجع يخترب مره ثانيه

الحين افكر ارووح نادي احس جسمي تسمم من النوم حتى ولدي مايقوم الا معاي العصر

اماا اهل زوجي يدرون ان احب نووم ومره قالو شي بس تركتهم ماهموني مردهم بتكلمون بتكلموون وينسون

بس انا عن نفسي الي ابي اصلح نوومي مو عشانهم اذا لقيتي حل قولي لي ابي حل