وحامي وقف فجاه !!!!!!!!!!!!!!!!!!!!!!!

[reem1987]

السلام عليكم بنات بليز أبيكم تطمنوني
أنا حامل لي 10 ايام من دشيت الثالث كل يوم احس بلوعه بس امس خفت شوووووي واليوم ماحسيت فيها كلش فجاه اختفت فخايفه
لان أمي قالت طول ما انتي تحسين بلوعه ووحام معناته حملج زين والجنين أوكي بس اذا وقفت فجاه موزيييين وانا وقفت فجاه اليوم وماحس بعوار ولا تعب
بنات ساعدوني في احد مثلي وقف وحامها فجاه وشسوت؟

 

[سعوديه خوالها كويتيين]

الله يطمن قلبك حبيبتي بالعاده اللوعه و الدوخه تحسين فيها بس اول الشهور بعدين تختفي لا تحاتين

حاولي تراجعين دكتورتك و الله يكتب لك الخير

 

[تحبني ولا ...]

لا حبيبتي لا تحاتين

انا قبل بحمال كنت اتوحم للشهر االخامس واتعب حيييل

بس حملي هذا غير الشهر الثاني كله وحام بس دشيت الثالث وقف وحامي وخفت

لان متعوده كل حمل وحام للخامس بس لما وقف خفت رحت سويت سونار مافي شي الجنين وسمعت نبضه ارتحت

سوي سونار واسمعي النبض ان شااءالله مافيه الا العافيه

 

[كتالونيه]

حبيبتي
راجعي الدكتور افضل
والله يطمن قلبج

 

[ام الحلوااات]

راااجـــــعـــــي الـــدكـــتــــــوره عـــــــشـــان تــتــطــمــنـــيـــن عـــلـــى نــفـــســـج واللـــي بــبـــطـــنـــــج
عــــســـى اللــــه يـــثـــبــت حـــمـــلـــــج ويــتـــمـــم عـــلـــيــــج

 

[sosowaty]

موووو شرط حبيبتي في نااس تحمل. و لا جنها حامل من كثر ما اهي ماتييها اعراض الحمل

 

[şα3β αηšαķ]

راجعي فديتج

 

[reem1987]

مشكورييييين علي الاجابه وماقصرتوووووووووو حبايبي والله الله يوفقكم

أنا قبل امس كنت عند الدكتور وقالي كل شي تمام يعني اروح له مره ثانيه *

 

[أم عزيـز]

انا من رايي لا تروحين نطري لي باجر ليش مستعيله يمكن يرجع الوحام
وبعدين تره مو شرط كل يوم تحوشج لوعه وترجيع
انا اذكر وانا بالثالث ايام لوعه وايام بس ابي اكل وما احس بوحام
يعني مو لازم كل يوم تكونين تعبانه على حسب الاكل اللي تاكلينه
مرات يأثر على الوحم ويخففه عندج مثل الموز والبسكوت المالح
وايد حوامل ياكلونه وحامهم يخف ويرتاحون

 

[بنت الاحلام]

شلون حبيبتي حامل من 10 ايام ووقفت وحامج

اذا وصلتي الشهر الثالث قصدج
اهو بالثالث يخف الوحم والوحم مو كل يوم يوم زينه ويوم لوعه وجذي

ويمكن وحامج خفيف نعمه هذي

ومو شرط تعبانه وترجعين يعني الطفل زين

شكثر حريم تحمل وتولد ولا تحس بشي وييجي البيبي سليم عادي

والله

 

[english muffin]

اعتقد عادي
انا وحامي كان كلش خفيف
ماتعبت الا جمن يوم بس

 

[MzOoOn 22]

سهالات يا بنت انا وحامي كان خفيف وكنت اشك اني خامل .. واروح للدكتور ويضحك علي .

بس هآ كنت كله نايمه وعوار ظهر .!

 

[ام فوااز]

ماله شغل حبيبتي عادي
الله يطمن قلبج يارب ومافيج الا العافيه

 

[reem1987]

الحمدلله طمنتوني الله يطمنكم يارب ويفرح قبلكم ماراح اراجع بصبر لي اسبوع لان الموعد تعب علي ماتاخذين وتعالي نطري دور
الله كريم وعسي الله يسهل علي وعليكم قولو امييييييين