وحده تبي رقم زوجي!!!!

[احـلاهـم]

السلام عليكم ورحمة وبركاته

بنات ابي نصيحتكم

انا متزوجه صارلي سنه ونص وتوني طالعه من النفاس


قبل فتره زوجي كان ولاول مره صريح معاي
وقال ان واحد من عيال عمه يكلم وحده والوحده هاذي من نفس قبيلتنا
لما قال اسم البنت عرفتها طلعت معاي بالثانويه واشوفها عزايم /عزا/ اعروس

المهم قاعد يمدح بجسمها وخصرها يقول خاتم هي واختها بنات هم جياكر بس اجساااام
وبياض (هم خوات ثنتين صااايعات) اللهم لاشماته الحمدلله اللذي عافانا مما ابتلاهم

يقول ان ولد عمه تعرف عليهم بالشاليهات لانه اهل زوجي واهل البنات كل سنه يحجزون شاليهات
ويسولف لي انه كل مايواعدهم ولد عمه كان يروح معاه اماكن عامه وانه يقعد بالسياره او مكان بعيد عنهم
ويقول ان وحده من هالبنتين ميته تبي رقمه وانها تترجاه عشان تاخذ الرقم
وانه مومعطيها وجه ولا يبي يكلم هالاشكال

ويقول
ان ولد عمه خلاهم من زمان بس للحين يبون رقم زوجي


الحين يابنات احنا حجزنا شاليهات وهم حجزوا بعد

بنات شالحل اذا شفتهم
واذا جو شاليه اهل زوجي
واذا تلزوقو فيني
انا اعرف نفسي عصبيه لابعد حدواذا كرهت وحده يبين علي مااحب اجامل


طبعا انا الحمدلله حلووووووه بشهادة الجميع
بس من بعد النفاس الجسم اكسسس
مومشدود


انا طبعا جذب على زوجي قلت لاتشوف اجسامهم بالواقع كورسيهات ومشدات
خل يقطونهم وتطلع البلاوي وصدقني
الصراحه احلى شي فيهم اجسامهم مرسومه رسسسم

بس مضايقين زوجي وزوجي يحلف حلللف انه مو معطيهم وجه كللش

 

[رنيم الروح]

حبيبتي ماعليك منهم عطيهم طاف حتى لو اتكلم عنهم او شافهم بالشاليهات صدقيني بيكونن تافهات وحقيرات بنظره وتبقين انتي زوجته الشريفه والي بقلبه بس الي عليك اذا رحتي واهم موجودين بدلع حق زوجك والحركات الحلوه والبس والتكشخ ولا تهتمين الوجودهم

 

[فلنتينو]

اي والله مشكله < الله يعينج

 

[ليان200]

الله يكون بعونج ياربي ويساعدج

 

[رشيدية وافتخر]

الله يعينك مشكله والله

 

[((الزيــــــــــن))]

صراحه بدون زعل زوجج مايستحي،،
قاعد عندي وتذكر هالبنات وتفاصيل اجسامهم جدامي..
وانتي بعد الله يهداج ترقعين السالفه تقوليله كورسيه ومادري شنووو؟؟؟
اصلاا من الاساس هالموضوع المفروض مايبطله معاي ولاماعنده غاريه...
واسفه على كلامي.. لان صج صج انغثيت

 

[أم الفناتك]

خلج على طول معاه بالشاليه تمشوو وخليه يمسك ايدج كيدي العذال والله يعينج يمكن لو انا مكانج ابط عيونها وارتاح

 

[ام احلى خلودى]

روحى الشاليه واستانسى ولاتعبرينهم ولا جنهم موجودين وتمشى مع ريلج وتلصقى فيه خليهم يموتون من الحره .... وماراح يتجرأون يسوون شى وانتى موجودة والله يخليكم لبعض ويبعد عن ريلج بنات الحرام

 

[Om Weldy]

وااااي حريتينييييييي



شوفي ريلج على ريل ريلج <<<< الرياييل ترا يضعفون جدام الحريم خوفج تسويله حركة و لا شي ديري بالج على عيون ريلج وين ترووح ,, لا يروح مكان الا و انتي معاه الا اذا دوانية هذا شي ثاني و حريييييهااا حيل حيل حيل
لا تخلين زوجج يجتمع فيها نهائيا او ممكن ان يشوفها
ديري بالج على ريلج و و ديري بالج منه
خلج حريصه حيل حيل لا تغفلين عنه

 

[بنوته كيكه]

اختي اذا ريلج مو معبرهم ولا مهتم فيهم معطيهم طاف
انتي بعد عطيهم طاف ولا تحتكين معهم ولا تخلينهم قربون عند ريلج
والله يبعد منكم عيال الحرام وبنات الحرام ويارب يهديهم يصلح حالهم

 

[سهام بنت محمد]

نقهررررت حيل منهم صح يقهرون عايدي يقولون يبون رقمه صج قهر

حبيبتي روحي ولا تشلين همهم طنشي لا تفكرين وتعبين راسك اهم شي زوجك

معاك وخلك طبيعيه وتمشي وضحكي ولا تبينين انك متضايقه او غيرانه منهم فهمتي

الله يخليك زوجك يارب ويبعد عنه بنات الحرام​

 

[قطوووة]

الهادي الله

 

[سلطانه العتيبي]

الله يهدي زوجك ويبعده عنهم ... انتبهي له وخليكي لازقه فيه والله يعينك ع هالاشكال

 

[حجيه هيونه]

قططع شنو هالبنات استغفر الله

الله يهديهم

والله اهي صعبه حيل وادري بتكونين على اعصابج بس حاولي تتجاهلين وجودهم

وان حسيتي انهم يتلزقون او شي زفيهم بس بدون ماتكبرينها خل اهما يدرون انه زوجج قالج كل شي وانه لو تحرشو فيه بتعلمين اهلهم

 

[حلوةودلوعة زوجي]

ريلج غريب الصراحة عيب عليه يبطل الموضوع من الاساس حتى مو حاط لج اي اعتبار حركته غريبة ولا تقنعين نفسج انه صج ما راح يعطيهم ويه والله راح يناظر لهم انتي تابعي حركاته ونظراته ريلج ينخاف منه اهو وولد عمه الصراحة

 

[لمى الهاجري]

ما عليج منهم ما اعتقد ريلج بيحط عينه على بنات صايعات

 

[Heart.LesS !!]

الله يكون بعونج
حسبي الله على كل بنت حرام

 

[زوجة عزيز]

دام انه اهو اللي قال لج السالفه يمكن موصج ويبيج تغارين عليه بس لا اتكلمين معا البنات ولاحظي تصرفاتهم واهو لو فيه نيته شي ماقالج

 

[simone]

يعني ريلج كيف ييلس يتمدح باجسامهن ويقول خاتم ولا سويرة؟؟
ريلج يخووووف

 

[الحــــــلا كله]

شوفي حبيبتي
اذا لم تستحي فافعل ماشئت البنات هذيل ماستحو وواعدو ريايل منهم وفيهم شمعناته الويهه عريض يعني لو عرفت انج تدرين واحتقرتيها صدقيني بتخلي السالفه عناد وممكن تهدم بيتج بس لعانه فيج
دام ريلج صدهم خلااااااص يت منه
بس لا اتي منج لان المرى تحب تحر المرى وهالاشكال لي حطت براسها شي سوته

نصيحه استودعي ريلج الله وذكريه بالله وان هذول يعتبرون من اهله شلون يخون اهله بحريمهم ومن ها الحجي العاقل مو بصراخ

ولي واجهتي البنات سلام وعليكم السلام نصيحه لاتبينين شي لان انتي ماتدرين منو كان يبي الثاني عفوا لاتزعلين بس ريلج كان يروح لهم بريوله