وحده تقول البس شورت واقعد مع ربع اخوي والثانيه تتكلم عن البوي فرند وين قاعدين

[ghalaty]

السلااااااااااااااااااااااااااام ....خواتي اشلونكم انا بعرف شنو هذا الي تقول انا البس شورت واقعد مع ربع اخوي بالدوانيه وارفع الشورت انا وربع اخوي ونناقز وما أحب ارافج الا الشباب بس طلعت من برنامج معين لأني مالبست حفر وما كونت علاقات مع شباب والمسؤولين كانوا يقترحون علي بتكوين علاقات مع الشباب................. والثانيه تناقش موضوع البوي فرند وتييب ناس يأيدون موضوع البوي الفرند............ شنوهذا شنوهذا مجابلين عيالنا ويغرسون هالقيم بعقولهم عيب والله عيب مو سامحلهم صدقوني قاعد اكتب الموضوع متعجبه ومذهوله من الجرئه الي وصلها الاعلام باسم الحريه والتطور والا اشرايكم؟؟؟؟؟؟؟؟؟؟؟؟؟؟؟؟؟؟؟؟​

 

[ياعشيري جعلك السلال]

شسالفه وين هذا ؟

 

[ghalaty]

اختي ما اقدر اييب اسامي القنوات اخاف يتسكر الموضوع بس سالفةالبرنامج الي ناقش عن البوي فرند موعروف والسالفه الكل تكلم فيها

 

[KARAMILLA]

الدنيا بطيخ من زمان....
بس وين شفتي هالشيء؟

 

[ɱêɱȅ^7êĹώά]

أي شــــــــــــــــــي

وين قاعدين ؟؟؟

هوب هوب بيه احنا بالكويت ... شنو هذا عيييييييييييييييب والله عيييييييييييييييب

..شنو تقعد مع ربع أخوها ...أخوها هذا مو ريال ...>>> نسيت الديرة صاير ما فيها رياييل

أما سالفه البوي فريند وييييييييييييه ... خلوني أسكت أحسن

 

[Ba$ko0oTa]

شسااالفه متى صاار هالشي ؟؟

 

[دلوعة حبيبي]

انا فهمت قصدج لاني شفت البرامج الي تكلمتي عنها

بس ما اقول الحمدلله والشكر

 

[سلطـ زمانها ــانة]

شساااالفه ؟؟؟؟

 

[reem.q8]

ايي صار عندهم الحين كل شي عاادي وعلى سالفة البووي فريند الحين صارت حدها عادييه :/ عندهمـ !! الله يهديهم بس مايخافوون على نفسهم ,, يعطيج العافيه

 

[أخصائية تغذيه]

شنووو هذا احنا ويت قاعدين...
والله صج لا قالوا كل شي الحين صاير بالمقلوب والله..
شنو تقعد مع ربع اخوها شنو اخوها ما عنده غيره والله ...... خليني سساكته احس
اما البوي فرد والله الحين صاير اذا **** ماعندج بوي فرند انتي معقده*** معقده ها...!!!؟؟؟
والله زمن زفت شنو هذا الله يستر من الي ياي اذا الحين جذي....

 

[MaHoNa]

شنو هذا برنامج على التلفزيون ولا شنو @@
مو فاهمه !!!!!!!!!!!!!!!

 

[ام برووك]

بهالزمن وبهالوقت كل شي لازم نتوقعه الدنيا موخربت الناس اهي خربتها والله يستر علينا

 

[CUTE ENGINEER]

بعد لا تستغربين الحين لو تعترضين يقولون عنج متخلفة
ورجعية

 

[ghalaty]

خواتي مثل ما قلت لكم ما اقدر اتطرق لاسامي القنوات علشان يضل الموضوع ونناقشه ويوصل صداه اللي قاعد يتمادون والسالفتين بقناتين لهم شعبيه وسالفة البوي فرنج لكمن عرف الموضوع لان ببرنامج يعرفونه البنات وبس هههههههههه ........والسالفه الثانيه من وحده توها طالعه من برنامج بعد معروف بو حمام سباحه

 

[ghalaty]

السالفه اني قاعد انتقد برنامج اليوم شفته اهوا برنامج للشباب باحدى قنواتنا مستضيفين وحده توها كانت مشاركه ببرنامج استار اكاديمي تفتخر وتتكلم بكل جرأه تقول انا اليوم نت لابسه شورت وقاعده مع ربع اخوي بالدوانيه وقلت لهم يلا كل واحد يرفه شورته وبنطلونه وانا رافعة شورتي وقعدنا نناقز وانا ما احب اصادق البنات فتعجبت عصبت شنو هذاااااااااااااااا يبا مو ناقصين بلاوي,,,,,,,,,,,,,, وتطرقت لبرنامج الي من جم اسبوع حطوه تتناقش المذيعه عن البوي فرند برنامج بنات وبس عرفتوا شنو السالفه الصراحه مصخره عيب يبا احنا لنا دين وعادات وتقاليد

 

[ghalaty]

خواتي الله الشاهد علي انا الهدف من كتابتي للموضوع اني ابوصل رساله للي قاعد يتطرقون لمثل هذي المواضع الشاذه ان ستوب يبا احنا وين قاعدين ولا تغرسون مثل هالسوالف بعقول عيالنا

 

[فجر الغلا]

حسبي ياالله ونعم الوكيل
هذي إلي تقعد مع ربع اخوها لو في اخوانها ذره رجوله جان ماصار إلي صار
ومدري ليش الحين الكل يتفيخر بالبوي فريند يبا كيفج تعرفي على تبين بس اذا ابتليتم فستتروا
اللهم لا تآخذنا بما فعل السفهاء منا

 

[ghalaty]

صاجه اختي فجر الغلا خل تتعرف على الي تبي بس لا تبثين سمومج على عيالنا...........وسالفة برنامج المذيعه الي تكلمت عن البوي فرند البوي اقسم بالله العظيم اليوم وحده موكويتيه تتتقد المذيعه تقولي تصوري ان المذيعه هذي ياها ولد عمره 7سنوات يبي يصور معاها تقول لا سوري ما اصور مع رياييل زوجي مايرضي 7 سنوات ريلج مايرضه وانتي تتكلمين فيه برنامج عن صداقة البنت للولد وأدر واقول اني الله الشاهد عل قصدي اقول لهم ستوب وعيب واحنا موراضين عن الي تقولونه

 

[ياعشيري جعلك السلال]

الحمدلله والشكر
صج مافيه غاريه

 

[شوشو الشقيه]

تسلمين اختي والله
على الموضوع الروعه والقيم بصراحه

تسلمين اختي بصراحه هذه البنت واايد تعدت حدودها بصراحه
المفروض البنت ما تخالط الشباب يعني بصراحه
شلون جائتها جراءه تجلس مع اصدقاء اخوهااااااااااا ولا تماطر وياهم وتقفز فوق معاهم ترفع الشورت ويا فشيلتاه بصراحه
بصراحه فشيله
احنا لو سبحان الله وقفنا قدام صبي تصيبنا العرق لا بعد نجلس معاه عز الله يغمي علي
بصراحه هذه البنت جريئه
انا من كم سنه في جامعه وجامعتي خلط شباب وبنات
عمري ما جلست مع شاب في طاوله في مطعم ولا وقفت مع شاب في طريق بصراحه نستحي لا احد يشوفنا او يتكلم علينا
او ياخذون الناس نظره عنا اننا غلط
ما تاتينا الجراءه نوقف مع شاب بصراحه ما نقدر

على رغم ما اكذب عليج في بنات في جامعات عادي عندهم يجلسون في طاوله مع شباب
اشكره تمشي تشوفين شله شباب وبنات على طاوله واحده جالسين ياكلون او يتمشون

يعني بصراحه هؤلاء ما يخافون احد يتكلم عليهم وانا استغرب ما يخافون احد يقول حق اهليهم انهم جالسين مع شباب

والله احنا نمشي في جامعه نحاسب الف مره حق خطواتنا نظرات لو سبحان الله احد يعتقد او يتكلم علينا لهذه الدرجه كنا نحاسب
اما هؤلاء عادي
انا اقولج كان عندي امتحان كان امتحان صعب لانه رياضيات
تخيلي كان في فرصه انج تغشين ولكن من حظي النحس ما غشيت
الي قاهرني ان الكل غش في الصف
في اخر الصف ولد بعده بكرسي البنت جالسه بقربه وجالس يغششها في الامتحان تخيلي
غششها الامتحان كله
انا طلعت من الامتحان فيني قهر لاني ما غشيت
كل من في الصف غش
انا استغرب قسم بالله ورب الكعبه شلون تقدر تجلس بقرب شاب تمشي معاه في الجامعه
ولاه قدام العالم
ما تخاف احد يقول لاهلها او يقول حق اخوهاااااااااااا
انا والله احاسب الف مره لاني في جامعه في شباب يعرفون اخوي
احاسب لو سبحان الله

بصراحه انا استغرب منهم شنو هذه الجراءه

بس على فكره هذلين البنات سمعتهم طايحه ويكونوا عددهم قليل جداااااااااااااااا
تدرين والله اغلب بنات جامعتي قمه الادب والاخلاق
90% كلهم مؤدبات يمشون في حالهم ولا يتخالطون مع شباب تماما
ولا حتي سلام ولا كلام
تماما ما لهم علاقه في الشباب ولا كن الشباب موجودين
محترمات العبايه والحجاب وفي حالهم
اما 10%
الحمد الله والشكر كاننا عايشين في الغرب
تشوفينهم امهاتهم ايرانيات او
بعضهم امهاتهم سوريات ولكن ابوهم خليجي
او بعضهم امهاتهم مغربيات وابوهم خليجي

انا استغرب شلون تمشي معاه بدون خوف من عالم
هذا بصراحه الي مو داخل مخي

انا استغرب بصراحه الاحظت معظم البنات كل البنت عندها حبيب شنو السالفه بصراحه
لازم عندها شخص تحبه
الي ما عندها تكون يا معقده او فيها شذوذ او بويه
يعني عشان تكوني طبيعيه لازم يكون عندج حبيب
ايش هذا التخلف بصراحه
والله انا راضيه يقولن عني معقده
ولا اني اكون لي حبيب بالحرام
والله ما ادري شنو صاير في الدنيا
المشكله حتى لو نصحتي البنت ما ترضي وتظل مقتنعه بافكارها وبحيبها هذا الي يكذب عليها
والله بالله عليكم يا بنات شاب يحب بصدق يكلم الي يحبها في تليفون بدون رضاء اهلها
يا بنات ليش ما تفكرون الشاب الي يحبك بصدق ياتي الابواب من بيوتها
والله الشاب الي يحبك ما يحتاج يختبرك او يكتشف شخصيتك سواء بالتليفون او ماسنجر او غيرها
تشوفينه مباشره ياتي من الابواب يخطبك
يكتشف اسرار جمالك وعيوبك بعد الزواج
اما الشاب الي يريد يكون معاج علاقه عشان يعرف اسرار جمالك تراه كذاب تدريدين ليش
لانه يعتبرك مثل السلعه اذا رائها جميله اخذها
اذا ما رائها جميله تركها
يا اختي انتي اكبر من السلعه او شيء ينظر اليه ويترك ليش ما تفهمون هذا الشيء
الشاب الي يحب بصدق تشوفينه ما يرضي عليج باي كلمه ولا يرضي ولا يخلي اي احد يتكلم عليج بسوء
اما هذا الي تكلمينه يا اختي يتكلم عليج قدام اصدقائه ويفاشر فيج مثل السلعه الي يشتريها
يتفاخر فيها قدام ربعه او اصقائه
لو هو صادق يا بنات كان طلب يدك على سنه الله ورسوله تفاخر فيج بالحلال
وليس الحرام
المشكله يا بنات ما ادري الي متى تفكرون زين
اذاذ صدق تريدين تعرفين اي شاب يحبك بصدق
تشوفينه مستحيل يتخلي عنج لاي ظرف من الظروف ويتحدي العالم عشانك
ويثق فيج اكثر من نفسه ويحترمك قبل ما يحبك ولا يرضي اي شيء بسبب لكي سوء
مباشره يخطبك عشان تكوني له فخر
اذا صدق تكشفين شاب الصادق
قولي له تعال اخطبني اذا جاء بصدق قولي صدق يحبني
اما اذا تركك قولي طلع شاب كذاب
من كذا يا بنات اخذوا هذه القاعده الاساسيه قبل ما تكلمين اي شاب
ولا تعطين مجا لاي احد ياخذ قلبج بالحرام

والبنت غلطانه لو فكرت في شباب الحين في زماننا يحبون بصدق
لان شبابنا الحين حق لعب وغزل
اما زواج وغيرها مستحيل
من كذا يا بنات لا تضعون او هام على الشباب
عبالكم البنت لو حبت شاب حبته من قلب وتمنت انه يكون لها زوج المستقبل
صلوا على النبي الشباب العكس