وحده وخطيبها<<نبي ارائكم ياحلوات

[لهفة روح]

السلااااااااااام عليكم

كيفكووووووووووون ؟

انا قاعده يمي خالتي ومحتااااااااااااااره اهي صار لها 6 شهور مخطوبه وخطيبها يكلمها بالساعااااااات ماشاء الله بس ماتطلع وياه روحات وجيات لا بس تيلفون وماشفت منه الا كل خير واهو من جماعتنا من بعيد ونعرف انه موراعي خرابيط وبنات وجذي بس اهي خايفه من ربعه حييل راعيين خرابي واهو دايم معهم بس انا اقولها لو ربعه بيأثرون فيه كان اثروا فيه من زمان لان اهم من الابتدائي معه تقولي:كثر الدق يفك اللحام:nocommint: بس صار لها موضوعين ضيقوها نبي وجهة نظركم :friends:

الاول :اهي تتضايق اذا فتح معها بعض المواضيع زي مثلا ابشوفك ولا دزي صورتج اشتقتلك ماتحب هالخرابيط لانها توها مخطوبه وخايفه يصير شي بينهم بعدين واهي اذا زعلت ماتقوله يسألها شفيج؟ تقول مافيني شي ماتعلمه انها زعلت
بس الغريب انه يقولها بنفس الوقت عارف انه ضايقك وانتي ماتحبين هالشي<<<غريب يدري انه يضايقها ويقول كانه متعمد يضيق خلقها(هذ1 الشي الاول)

الثاني: انه امس بعد فتح موضوع الصور واهي اتضايقت وارسلت له مسج كل اللي بقلبها وعقب اعتذر وقال خلااااااص توبه اقولك هالشي مره ثانيه والاخت حبت تدلع عليه قالت له عقاب لك مارح اكلمك 3 ايام<<مسويه فيها:23_asmilies-com: قالها:تبيني امووت حرام عليك وطنشنه ,وقبل ساعه اتصلت عليه عشانها فقدته من العصر ماشفت له اتصال
وحصلت جواله مغلق ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

غريبه ماقد قفله من عرفته خافت عليه واتصلت على جواله الثاني وحصلته مفتوح وارسلت له مسج انها تبيه ضروري
واتصلت على جواله الاول حصلته انفتح وعلى طول اتصل عليها وسلمت عليه وسألته:ليه جوالك مغلق؟
قالها:انا كاشت بالبر مع الربع ومافيه ابراج قالت له:طيب جوالك الثاني معك ولا بالبيت؟قالها:معي ليه ؟قالت له:لاني اتصلت عليه مفتوح شلون ؟قال له:مدري مدري غريبه ماشفته بدرج السياره اهو قالت له:اهااا اوكي حبيت اسلم عليك بس<<على بون انها زعلانه ,وسولف معهاشوي وقفلوا
اهي انجننننننت مادش براسها واحد مفتوح والثاني مغلق بنفس المكان يمكن يكذب عليها ؟بس ماقد كذب عليها بشي
عاد انا قلت لها مالك الا كويتيات طير شلوى بيفدونك اكيد


بنتظاااااااااااركم ياعسسسسسسسسسسسسسسل :27d66a9c24b146327bf

 

[نور كوليكشن]

اللي يحير ليش عنده جوالين
وخل تدعيله بالثبات وسالفة الصور يمكن حب يختبرها
يشوف عندها عادي ولا لأ

 

[دانه_83]

والله انه اشزف انه عاد مدام خطبيها ليش تزعل ان يبى صورتها واشوفها
الشى الثانى الصراح يخلى الواحد يشك اشلون بالسياره ما يدرى عنه ولمن دزت المسج على التلفون الثانى عى طول التلفون الاول انفتح بعدين اهو قعد يسولف وياها اشلون يقول مو مافى تغطيه عيل اشلون كلمها وقعد يسولف معا السالفه ما ادش العقل .... الموضوع فى ان

 

[Tom ♥ Jerry]

و الله مآدري
بس الخوف من هالربع الي يعرفهم

 

[*ريما*]

عادي اذا طلب يشوف صورتها
خطيبها يعني شي عادي ومالة داعي تزعل
وع الجوال خل تتاكد من الموضوع

 

[GhLaTee]

:

هذاا يصير حق رجلي:friends:

كل ماازعل راح وحول تلفونه يعني مغلق
ولما ادق احصله مغلق
لما يوصله المسج حق missu
على طووووول يفتحه ويقولي مافيه تغطيه

هههههههه

:dddds:

خالتج تتدلع
وماشوف فيها شي اذا طلب صورتهااا دام انهم مخطوبين والكل يعرف

بس بصرااحه مالوممها اذا خافت لان كل ربعه راعيين خرابيط

والله الهادي

ويتمم عليها على خير

​

 

[لهفة روح]

اللي يحير ليش عنده جوالين
وخل تدعيله بالثبات وسالفة الصور يمكن حب يختبرها
يشوف عندها عادي ولا لأ

رقمه الثاني توه شاريه عشان جواله فاتوره عليه وقطع واضطر يشتري رقم ثاني مؤقت يكلمها منه

 

[لهفة روح]

والله انه اشزف انه عاد مدام خطبيها ليش تزعل ان يبى صورتها واشوفها
الشى الثانى الصراح يخلى الواحد يشك اشلون بالسياره ما يدرى عنه ولمن دزت المسج على التلفون الثانى عى طول التلفون الاول انفتح بعدين اهو قعد يسولف وياها اشلون يقول مو مافى تغطيه عيل اشلون كلمها وقعد يسولف معا السالفه ما ادش العقل .... الموضوع فى ان

انا اقولك حبيبتي حتى لو خطيبها يمكن ماتدوم العلاقه بيينهم ويتفركش كل شي عاد ماتسوى عليها صورها عنده عشان كذ1 ماحبت تعطيه صور واهو يدري بس غريبه

والشي الثاني اهو كلمها يقول راح مكان فيه ابراج وقدر يكلمها بعيد عن مكانه الي قبل وصح غريبه فتح لجوال على طول كانه خاف ترسل رسالة تقرير:080402ask_prv:

 

[لهفة روح]

عادي اذا طلب يشوف صورتها
خطيبها يعني شي عادي ومالة داعي تزعل
وع الجوال خل تتاكد من الموضوع

لامو عادي :lololoe:هههه وبعدين شلون تتكد اذا عندك شي يأك لها عطينا:080402ask_prv:

 

[لهفة روح]

:

هذاا يصير حق رجلي:friends:

كل ماازعل راح وحول تلفونه يعني مغلق
ولما ادق احصله مغلق
لما يوصله المسج حق missu
على طووووول يفتحه ويقولي مافيه تغطيه

هههههههه

:dddds:

خالتج تتدلع
وماشوف فيها شي اذا طلب صورتهااا دام انهم مخطوبين والكل يعرف

بس بصرااحه مالوممها اذا خافت لان كل ربعه راعيين خرابيط

والله الهادي

ويتمم عليها على خير

​

شكل هالحركه اهو مسوييها بس ليه يحوله مغلق ؟:080402ask_prv:

 

[لهفة روح]

و الله مآدري
بس الخوف من هالربع الي يعرفهم

صدقتي بس شتسوي ماتقدر تفرق بينه وبينهم مهما يكون :yaaaaaarb: ان شاء الله مايصير مثلهم

 

[مطيرية والعزليه]

لا تظلمون الرجال ... وافرضي حسن النيه يعني اذا مطنش ومسكر نقاله الاول ليش رد عليج من نقاله الثاني وانتي معج الرقمين

ثانيا اذا الرقمين مو من شركة وحدة يختلف السرفس يعني انا زوجي اذا قعد بدوانيتنا بالسرداب ادق على رقمة الفيفا مغلق ادق على الوطنيه يستقبل مكالمات ..

فعادي حبيبتي وبعدين هذا زوجج من حقة انه يطلب صورتج مافيها شي بس لا يتمادا يعني كل شي بحدود
وخل تقوله عل الشي اللي يضايقها ولاتسكت عشان مايصير زعل بينهم

 

[@البتووول@]

أنا أبي تفسير الحين الخطبه مايكون زوجها يعني بس كلام وموافقه وجذي بس إهو مالج عليها إذا مالج عليها يعتبر زوجها شرعا عادي خل ياخذ الصوره بس بعلم أهلها لايسون لها قصه لها أول مالها تالي وتقوله لي طلب الصوره بستأذن من أبوي وبعدين دام عنده خطين واحد فواتير والثاني كروت عادي ويختلف السيرفس من شركه لي الثانيه وفيفا الله بالخير على طول مغلق بس اللي محيرني الحين إحنا بشهر 7 بقمه الصيف والحر من يروح البر بهالوقت؟؟؟؟@_@

 

[(أم دانه)]

سالفه التلفوون والله مادري يمكن على حسب الشركه مابي اظلمه
اما الصور عاادي اذا طاحت الميانه بينهم وبالعكس صور تقربهم من بعض وحلوه
بس تكون واثقه فيه ويكون زوجهاا مالجين يعني مووو خطيبهاا
واما الربع ياقلبي انا زوجي عنده اثنين من ربعه ماخلوو بنت ماغازلووهاا والا يحرشووه وفيهاا ويسافروون وزوجي عمره ماسافر وياهم اهمه صج ربع بس كل واحد غير

 

[مرايم2009]

نصيتي قوليله انه يصك واحد من الخطوط عسى ماشرليش انشاء الله خطين اشصاير ماله داعي وبعدين لاتدزين صورتج موليه

 

[شغفني حبآ.~]

اذا كان مملج عليها يعني زوجها على سنه الله و رسوله عاااااادي ترسل له صور

لأن مستحيل يفهم غلط او يفكر يأذيها لأنها زوجته !! هي ليش تفكر جذي ؟؟

ماتدرين يمكن شافها رافضه لسالفه الصور وقام يقول بنفسه شكلها منقرصه من قبل ومجربه مع غيري

وارسلت صورها لشخص وقام يهددها ،، عاد هذا تفكير الشباب ما ينعرف لهم ، فأحسن شي اذا كان زوجها

ترسل له وتكسبه لان هالفتره مهمه جدااااااا بين الزوجين ، اما اذا كان خطيبها بس ليش تكلمه من الاساس !!

اذا صج خايفه على نفسها ما تكلمه ليين تملج وعقبها يحلها الف حلال ،

وسالفه الخطين هو مو غبي بيفتح واحد ويسكر الثاني وهي تعرفهم كلهم ! ترى في أجهزه السيرفس فيها قوي

وفي أجهزه السيرفس تعبان يعني لا تظلمه وتبدأ تشك فيه والله جذي ما ترتاح

والله يوفقها ويوفق الجميع ..

 

[noo7a]

عادي السيرفس مرات يخورها
انا خطي مرات من كيفه بثواني يطيح السيرفس و يرد ( فيفا مو مضبوطين )

 

[لهفة روح]

لا تظلمون الرجال ... وافرضي حسن النيه يعني اذا مطنش ومسكر نقاله الاول ليش رد عليج من نقاله الثاني وانتي معج الرقمين

ثانيا اذا الرقمين مو من شركة وحدة يختلف السرفس يعني انا زوجي اذا قعد بدوانيتنا بالسرداب ادق على رقمة الفيفا مغلق ادق على الوطنيه يستقبل مكالمات ..

فعادي حبيبتي وبعدين هذا زوجج من حقة انه يطلب صورتج مافيها شي بس لا يتمادا يعني كل شي بحدود
وخل تقوله عل الشي اللي يضايقها ولاتسكت عشان مايصير زعل بينهم

صح كلاممممك ممكن يكون من الشركه وتوه ماصار زوجها خطيبها فقط مشكووووره عالرد افدتيني

 

[لهفة روح]

أنا أبي تفسير الحين الخطبه مايكون زوجها يعني بس كلام وموافقه وجذي بس إهو مالج عليها إذا مالج عليها يعتبر زوجها شرعا عادي خل ياخذ الصوره بس بعلم أهلها لايسون لها قصه لها أول مالها تالي وتقوله لي طلب الصوره بستأذن من أبوي وبعدين دام عنده خطين واحد فواتير والثاني كروت عادي ويختلف السيرفس من شركه لي الثانيه وفيفا الله بالخير على طول مغلق بس اللي محيرني الحين إحنا بشهر 7 بقمه الصيف والحر من يروح البر بهالوقت؟؟؟؟@_@

لااه لاه اهما مخطوبين بس صح كلامك ممكن من الشبكه تسلمين عالمرور

 

[لهفة روح]

سالفه التلفوون والله مادري يمكن على حسب الشركه مابي اظلمه
اما الصور عاادي اذا طاحت الميانه بينهم وبالعكس صور تقربهم من بعض وحلوه
بس تكون واثقه فيه ويكون زوجهاا مالجين يعني مووو خطيبهاا
واما الربع ياقلبي انا زوجي عنده اثنين من ربعه ماخلوو بنت ماغازلووهاا والا يحرشووه وفيهاا ويسافروون وزوجي عمره ماسافر وياهم اهمه صج ربع بس كل واحد غير

لا خاطبين بس,,الله يطمن قلبك يعني ان شاء الله مايصير زيهم تسلمين ياقلبي