وحيد الماما

[الحــور]

السلام عليكم

بدش بالموضوع عالطول حبايبي رفيجتي الروح بالروح
خطبها واحد بس خايفه لانه وحيد امه وامه ارمله خايفه تكون امه حيل متعلقه فيه

هي تحب انه بار بامه بس لان امه ما عندها احد غيره يعني هو المسؤل عنها بكل شي
هل هذا سبب صج لفتح باب للمشاكل
انا قلت لها اذا حبتج بتحبج مثل بنتها ماراح تغار يعني عالحسب الشخصيه



اللي مرت بنفس هالحاله تقولنا

 

[popa]

اي عادي شفيها يعني حتى لو عندها ١٠ بتحبهم وبتتعلق فيهم وكلهم مسولين عنها بعد

 

[كرآميل]

خلها تستخير
مآخاب مـن آستخـار =)

 

[غمااازات]

الله اعلم عن شخصيتها

 

[gorgeous lady]

خليها تحسن نيتها في البدايه ،وبعدين مدام ارمله اكيد حتكون متعلقه في ولدها وهي لازم تتفهم هذا الشي وتعاملها زي امها لانها مكسورة الخاطر مالها الا ولدها،واذا عرفت كيف تتعامل معاها اك يد ر اح تكسبها وماتطلع مشاكل بينهم، الله يخترلها اللي فيه الخير

 

[بخـــارى]

ذاك اول الي تكون الوحده متعلقه في وحيدها

الحين الدنيا وايد فيها اشياء تونسها وتتسلى فيهاا
حريم اول ماكو شي عندهم بيت جمعيه وجيرانها
الحين غير
سفرات روحات وردات ووناسه

وبالعكس احسنلها وحيد امه راح تكون متشفقه عالاحفاد وراح تتحملهم وتخفف عنهاالمسووليه

 

[لوكي وكلي دلع]

امه وماعندها غيره اكيد اتطالع الله وا تطالعه ماتنلام
وحيدهاا لازم تحط بالها رفيجتج
ماتقدر تطلع بيت بروحها. مستحيل يخلي امه ما عندهاا غيره
راح تمل ما تقدر لا تطلع واا تروح ولا ترد دايم تبي يجابلونهاا واذا طلعوو تزعجهم
اذا سافروو اكيد تبي تردهم بسرعه دام لا ريل ولا اعيال
ماعندها شغل غير ولدها راح تغار عليه حيل راح يكووون كانه ياهل تخاف عليه من كل شي
وشي طبيعي كل هذا لان تحس بتأخذ ولدها اذا منها رفيجتج اذا قادره تتحمل كل هذا
خل تتزوج بس احلي شي لا حموات ولا شي يحرشوووون أمهم عليهاااا يمكن اذا كانت مع امه حبوبه تعتبرها نفس بنتهااااا اذا يتهم ودخلت بالبيت جوو حلوووو راح اتحبهاا واذا يابت يهال
بعدين تملي البيت عليها يهال وتخف عليها تنشغل باليهال يعني لازم تعرف شلون تتعامل مع امه لان اكيد متعلقه بولدهاا بشكل كبير الله يكتب لهاا الي فيه الخير

 

[هيبة ملك]

خل. تتزوجه وتعامل. امه. بطيبه. ام. تتحمل. الوحده. والشقا علشان. تربي. ولدها. عظيمة. هذي. الام. وتنحط. فوق. الراس

 

[شمـ305ــوخ]

تبي رجال لَهَـِْـِْا بروحها امه وحيدها بعد
اذا من اولها تحاتي المشاكل

 

[فوفو22]

اذا هذا حدود تفكيرها

فعقلها ناقص

المفروض الوحيد واللي مو وحيد

امه ثم امه ثم امه .....اول اهتماماته

فوفو

 

[الحــور]

مشكورين حبايبي

اللي عرفته منها انها خايفه من المشاكل لان اختها ماره بتجربه مماثله جداً
والام كانت سبب للمشاكل بينهم يعني لا سفرات ولا طلعات وليش قلتي لامي وليش ما سويتي لامي

صح ان الام شي مهم جدا بس الرجال السنع ما يحط امه وزوجته بهذي المشاكل الام ام والزوجه زوجه
لكن كلنا نعرف لي صار الولد وحيد امه بتصير الام حيل متعلقه فيه لكن هني شخصيه الام هي اللي تتحكم بالموضوع *

 

[Perfume]

حبيبتي على حسب شخصية الأم والولد
خل تستخير ويسألون اهلها عنهم
ممكن تكون طيبة وخووش مرة وتصير بحسبة بنتها
وممكن يكون تعلقها فيه سبب للمشاكل يعني بيت بروحهم ممنوع سفر بروحهم ممنوع طلعات بروحهم ممنوع
مادري يعني لازم يكون بار بأمه بس هم لازم تكون لها حياة مستقلة
الله يوفقها ويكتب لها الخير

 

[انثى عاشقة]

هذا يعتمد ع شخصية الام
خليها تستخير
وان شا الله يكون بار بأمه عادل بحقوق زوجته ​

 

[ديانا سبنسر]

تستخير واكيد في فترة خطبة راح تعرف فيها طريقته بالتعامل مع امه يكون بار بامه شي حلو بس شوره بيد امه لاموحلو

 

[كويتيه مذهله 87]

قوليلها مو شرط
خل تتوكل علي الله وبالعكس وناسه لا حماه ولا مرت حماه والله هما المشاكل هههههههههههههه

 

[PuPa^^SWeeT]

ترا ممكن الام اتييب عشر


وهالعشر يطالعون الله و يطالعونه


والبار بامه هذا شي زين


اهي بس خل تحسن النية


واذا تخاف

الافضل ان لا توافق


لانه سواء فعلا فيه مشاكل ولا لأ


بتكون بتقعد عالكلمة الوحدة و اتفسرها

 

[الحــور]

للرفع للرفع