ودها تعوض زوجها ..؟ نصايحكم .؟

[Patcholli]

مساء الورد ..



هالموضوع يخص ارفيجتي اهي طلبت مني اطرحه لكم لانها ماتعرف للنت والمنتديات ..

المهم ياطويلات العمر ..

ارفيجتي حيل كانت جافه وكثيره المشاكل والعناد والزعل والعصبيه مع زوجها باول الزواج يمكن كتبت موضوع عن هالنماين وكانت اهي مصدر الوحي للموضوع بالدرجه الاولى ..

زوجها انسان طيب ويحبها ومايقصر

عقب سنين نت زواجهم الله هداها وحابه تتغير وتصير احسن من قبل ..

ودها تكسب زوجها وتعوضه عن اللي فات ..

خاصه انه يحب الرومانسيه ويحب الكلام الحلو ويحب الدلع ..

اهي الحين مبلشه كلام حلو ومبلشه دلع وقاعده تتجنب المشاكل ..

بس ودها باشياء ثانيه اقوى ..اشلون تقدر تكسب زوجها بشكل اسرع واكبر ؟؟ ..

واعليا تقول كلام حلو وتشقق .. ودها تشققه اكثر ..


شنو تنصحونها تسوي ..؟؟



يالليت المووضع ينزل مو موضوعي اللي طاف اللي مادري شصار عليه :d


تحياتي patcholli




​

 

[Patcholli]

اخيرن نزل الموضوع

 

[انثى عاشقة]

ياقلبي قولي لها تعاملي معاه معاملة الانثى الصجية
الي ماتعاند ولا ترادد دمعتها قريبة صوتها هادي
تحبه وتبين له هالحب توكله اللقمة
تمسح ع راسه
تحضنه لاجات تنام
ترسل له مسجات حب
التعبير عن الحب بالفعل اهم من الكلام
تتودد له بالهدايا
لي عصب تحاول تسكت حزتها وبتاخذ حقها بعدين
عشان لاتحس بالقهر لوووووووول

بس مو تتصنع الدلع اساسا راح تمل ويمل هو بعد
قولي لها باختصار صحي الانثى الي بداخلج


​

 

[tunaQ8]

أخيرا وليس اخيرن

لتصحيح

 

[شادن33]

شوفي باتشولي الريال من عادته ماينسى اسلوب زوجته السئ بسرعه
قوليلها لازم تصبر لين اتشوف النتيجه وماتياس بسرعه
وتجاهد عمرها بالمعامله والكلام الحلو اول شي بتتعب لكن بتصير سهله عليها
وعسى الله يوفقها

 

[صحكة الايام]

كثير حريم بالقروب عندهم افكار

 

[Gifts&Occaions]

انا مع كلام الاخت شادن

 

[دلال و غلا]

انثى عاشقه / شادن
ما قصروا الله يعطيهم العافيه
و اااااااب

 

[مناير ...!]

انثى عاشقه ماقصرت
بس اهم شي اتطول بالها
لااتوقع بينسا كل شي بيوم وليله
لازم اتطول بالها وتخليه يغير فكرته عنها

 

[+دلوعه عطيه+]

خليها ترسل له لاطلع انها مشتاقه له

وان نوور البيت طفى خخخخ

وكمان تلبس وتتكشخ

وتدلعه

وتسوي اللي يباه وتمتنع عن الاشياء اللي مايحبها

وكمان ندعي الله انه يسخرره لها

وتسوي له مفاجئه بفندق وهم يتصلون عليه

وتهديه ولاراحت بيت اهلها

وهي راده من عندهم تااخذذ حتى لو قطعه حلى وتقوول

ان مانسيتك ومالي خلق اكلها من دوونك


ترى الرجل زي الطفل كلمه توديه وكلمه تجيبه

 

[دلع بآبي]

up


up



up

 

[فوفو22]

اول تغيير يحبه اي زوج بالعالم بزوجته


هو تغيير الشخصية للافضل مع تصحيح الاخطاء السابقه

اذا قدرت فهي ريحت الطرف الاخر

فوفو

 

[صاعقة بيوتي]

الحمدلله ان الله هداها وعساه دوم انشالله. اكيد مايغيب عن فكرنا الحديث الشريف او بمامعناه تهادوا تحابوا
فنصيحتي له تغرقه هدايا من غير مناسبةومو قصدي شي غالي لا يعني مثلا تيب سله صغيرة خزف وتعبيها كاكاوات من اللي يحبها مع كرت في كلمات رقيقة وتحطه له بالسيارة الصبح قبل لايصحى.او تدزله بالدوام فطاير مثلا، خخخخ والله شكلي يوعانه

 

[روح مووود]

مشاء الله زين فكرت تتغير للأفضل
الله يجملنا بعيووون ازوجنا ويجملهم بعيوناااا

 

[unique sweets]

انثى عاشقة انا معاج 100%​

 

[Patcholli]

ياقلبي قولي لها تعاملي معاه معاملة الانثى الصجية

الي ماتعاند ولا ترادد دمعتها قريبة صوتها هادي
تحبه وتبين له هالحب توكله اللقمة
تمسح ع راسه
تحضنه لاجات تنام
ترسل له مسجات حب
التعبير عن الحب بالفعل اهم من الكلام
تتودد له بالهدايا
لي عصب تحاول تسكت حزتها وبتاخذ حقها بعدين
عشان لاتحس بالقهر لوووووووول​

بس مو تتصنع الدلع اساسا راح تمل ويمل هو بعد
قولي لها باختصار صحي الانثى الي بداخلج​

جنج تتكلمين بلساني والله العظيم قتلها نفس الكلام بالظبط ..!!

يالليت الله يهديها وتصير جذي والله يصير خاتم بصبعها الريال

يعطيج العافيه حياتي :eh_s(17):

 

[Patcholli]

شوفي باتشولي الريال من عادته ماينسى اسلوب زوجته السئ بسرعه
قوليلها لازم تصبر لين اتشوف النتيجه وماتياس بسرعه
وتجاهد عمرها بالمعامله والكلام الحلو اول شي بتتعب لكن بتصير سهله عليها
وعسى الله يوفقها

اي صح ..!!
اهي بسرعه ايست و انصدمت انه الريال مو مقتنع باسلوبها اليديد ..

حتى بغت تعر وترد نفس قبل بس قتلها قضبي روحج وتحملي الريال مو سهل يتغير مخه بيوم وليله

حبيبتي شادن مشكوره على طلتج الحلوه والله ياحلوج وياحلو سوالفج :eh_s(17):

 

[Patcholli]

خليها ترسل له لاطلع انها مشتاقه له

وان نوور البيت طفى خخخخ

وكمان تلبس وتتكشخ

وتدلعه

وتسوي اللي يباه وتمتنع عن الاشياء اللي مايحبها

وكمان ندعي الله انه يسخرره لها

وتسوي له مفاجئه بفندق وهم يتصلون عليه

وتهديه ولاراحت بيت اهلها

وهي راده من عندهم تااخذذ حتى لو قطعه حلى وتقوول

ان مانسيتك ومالي خلق اكلها من دوونك


ترى الرجل زي الطفل كلمه توديه وكلمه تجيبه

خوش حركات خاصه سالفة الحلو وناسه

اتصدقين انا قريت مشاركتج قمت طرشت مسج حب وغزل حق زوجي

يارب تنفع معاها هالافكار

يعطيج الف عافيه قلبي

 

[Patcholli]

اول تغيير يحبه اي زوج بالعالم بزوجته


هو تغيير الشخصية للافضل مع تصحيح الاخطاء السابقه

اذا قدرت فهي ريحت الطرف الاخر

فوفو

معاج حق اختي فوفو

بس على قولتهم لي فات الفوت ماينفع الصوت

ان شاء الله هالتغيير يكون جدي وان شاء الله ريلها مايكون وصل لمرحلة اليأس معاها

ويارب يسخرهم لبعض ويارب يتقبل تغييرها ويقدره ويحس فيه ..

 

[Patcholli]

الحمدلله ان الله هداها وعساه دوم انشالله. اكيد مايغيب عن فكرنا الحديث الشريف او بمامعناه تهادوا تحابوا
فنصيحتي له تغرقه هدايا من غير مناسبةومو قصدي شي غالي لا يعني مثلا تيب سله صغيرة خزف وتعبيها كاكاوات من اللي يحبها مع كرت في كلمات رقيقة وتحطه له بالسيارة الصبح قبل لايصحى.او تدزله بالدوام فطاير مثلا، خخخخ والله شكلي يوعانه

انا يعت يوم قريت فطاير وسلة كاكاو خخخخخخ

حياتي تسلمين وخوش افكار ان شاء الله بنصحها فيهم واخليها تطبق

:eh_s(17):