السلام عليكم
كيفكم ! ان شاء الله طيبات !
حبيباتي انا سجلت كذا مره مو راضي يتفعل واليوم الحمدلله سجلت وجاء معي
قلت هالكلام علشان محد يقول اني ولد خخ مثل المواضيع ..
.
.
المهم اول شي انا سعوديه علشان الأستشاره وكذا تعرفون انا باي ديره
..
سلمكم الله تزوجت من 9 شهور ونص
زوجي طيب حنون كريم يحبني حيل الحمدلله وانا اعزه بس لين الحين ماحبيته
لدرجه حبه لي ..
مشكلتي اللي منغصه علي حياتي واتمنى تفهموني بنات مو تجي وحده مدرعمه وتقول حمدي ربك ماتعرفين النعمه .. انا اتكلم بوضوح ورح اشرح لكم
واتمنى اللي تفهم مشكلتي ترد علي وتساعدني
.
.
انا ابي زوجي وابي استمر معاه وفكره اني اتطلق بس تجي في بالي اتنرفز ولا ودي تجي في بالي
مشكلتي هي اني عمري ماشفت زوجي بنظره انه رجال قدامي .. والله يابنات ودي احترمه ودي اهابه ودي اذا دخل البيت افز له ماني قادره
ملكتي كانت شهر ونص ماطولت ماعرفته زين كنت لما اتكلم معاه بالتلفون جد كني اكلم رجال له هيبه بس من اول يوم زواج تغير كل شي كل شي
ماجاني الا سادس يوم تقريبا وشي خفيف وماكمل وليومك هذا ماعاشرني مثل باقي المتزوجين
يحبني يموت فيني سمي امري لبيه بس مايحب ينام معي كم مره سالته يقول بالعكس ابيك والله ابيك بس مايجيني
رحنا دكتور مافيه شي طبي ابدا
رحنا مشايخ بس ماكلمنا بنروح بعد العيد ان شاء الله
انا عندي احساس كبير ان اللي فيه نفسي يمكن لأن ردة فعلي اول ماجاني بكيت وكذا وهالشي كل البنات يسوونه لما يتعورون مو بس انا : (
يعني ماشوفه سبب كبير انه ماعاد يجيني خصوصا اني صرت انا اتودد له وابين له انو شي طبيعي البنت تتالم وكذا صرت ارمي نفسي عليه وش بعد هالشي
وهو لين الحين مثل ماهو ..
هذا سبب كبير متعب نفسيتي معاه بس انا عاذرته واقول نفسيا ومع الوقت
وقلت بعد مانروح مشايخ واذا مافينا شي بعدها يحلها الف حلال
المشكله نهائي ماتتعلق باللي فوق يعني لحد يقول انه مايجيني ماصرت اشوفه رجال لا وربي انا عاذرته وبصبر
بس تصرفاته ! بنات مايعرف شي فالحياه الأنترنت علمته عليه التكنلوولجيا مايعرفها
اشياء تافهه تطلع بالتلفزيون الأغلب اذا مو الكل يعرفها هو مايعرفها
مايعرف يتصرف معي دايم يفشلني عند الناس وبالمجمعات لازم اقوله حبيبتي مايصلح تسوي كذا كني اتكلم مع بزر عيب ياقلبي للدرجه هذي وصلت
ودي يكون قد نفسه رغم انه مو ناقص شخصيه الكل يحبه وعنده صداقات كثييييييره
بس كـ انا زوجه وابي زوج اتكل عليه يفهم بأمور كثيره
يعني امور جديه لازم ياخذها باستهتار اجلس اكلمه بامر جدي يقلبها نكته اعصب واقوم من عندده
نطلع سوى مجمع يدخل يستهبل على اللي يشتغلون اغمز له مايرد علي
ناس تتقبل وناس تنقد عليه وتروح وناس تتمسخر عليه وادري يبان بطريقه كلامهم ..
زوجي عمره 30 بس كنه بزر تصرفات طفل والله طفل مراهق تعبت معه
والله مابي الكمال انا ابي بس احسه رجال ودي يوم يجي يقول ليه ماطبختي ودي تطبخين لي !
اطبخ ماطبخ مايهمه بس يقول اهم شي راحتك حبيبتي .. انظف مانظف مايهمه يقول اهم شي راحتك ياقلبي
لدرجه كرهت الطبخ والتنظيف وكل شي لني احس اسوي شي مايهمه تهمه راحتي بس
عادي لو اجلس اقابله ماسوي ولا شي حتى لو ابي اشيل شعر وجهي يقول لا مو لازم مابيك تتوجعين!!!!!!!!!
بنات لاتقولون احمدي ربك حامدته وشاكرته بس ابي احس انه رجال يناظر لي كـ زوجه
يحب البس له اطبخ له اسوي له افعل له .. مايهمه عادي بس يبيني متمدده ومرتاحه !!!
زوجي ماعنده خرابيط ولايعرف بنات متاكده مليون بالميييه اصلا لو اشوف بعيني ماصدق مايعرف شي على النيه ع الفطره شفتوا لاقالوا لهم ع النييييييييييه هذا هو زوجي
اغلب المواقف احس اني انا الرجال اسوي افعل حتى بشهر العسل انا اتصرف واعمل واسوي مايعرف يتكلم مع الناس بشكل لبق لاازم يخورها ويفشلني
هو حببببوب طيب حنون مايرفض لي طلب ببس كله هذاااااااا مايكفي مايملي عيني اذا ماحسيته رجال
حتى بالمشكله اللي فوق وهي الجماع احسه مو عارف انه هالشي لازم قلت له لازم نجيب عيال شلون نعيش كذا يقول اللي تبينه يصير ويسفهني ..
اوك هو من بيئه تفكيرهم قديم ولا يعرفون للتطور ولا شي بس هالشي مايشفع له ياما ناس جو من الصحراء ورجال قد حالهم
اول الشهور كنت احاول اغيره بهدوء وسلاسه بس الحين صرت اتنرفز حتى ماودي يحكي ماودي ينطق عادي اجلس اقابله وهو ساكت ارحم لي ..
رغم كذا ارحمه احن له احسه طيوب ع النيه .. ودي اغيره لأن مستحيل اكمل معه وهو كذا
انا وحده عارفه الدنيا فاهمه التطور كله اسنع روحي تكنولوجيا خبره فيها .. مكياج ازياء خبره
طبخ اعرف الحمدلله امور دينيه فاهمه ولو يفتح سالفه اجلس اسولف يناظر فيني يقول ماشاء الله تعرفين
والله بنات اشياء بسيطه فالدين مايعرف لها
اشياء بسيطه فالحياه ماقد سمع فيها هو متخرج دبلوم بعد الثانوي يعني مو امي مادرس شي
.
.
بنات تكفون ساعدوووني ماودي اخسره بس ماقدر اعيش معه طول عمري وانا كذا
انا من كنت صغيره اذا ماحسيت اللي معي قد حاله ماقدر اكمل معه
انا زوجة ابي احد يشيلني مو اتزوج واشيله حتى بالكلام بالتصرفات !
.
.
عندكم رقم دكتور نفسي استشاري اسري اي شي بس اقدر اتصل عليه وانا بالسعوديه لاتحرموني
اي كلمه اي شي يساعدني قولوا لي
مابي يجي ليوم اللي ابط القربه واطلع كل اللي بقلبي واجرحه يكفي تعبت 9 شهور وانا اكتم وابكي لحالي
ولا سالني وش فيك اقول افكر بدراستي لأني بكمل دراسه ماجستير وكذا
تكفون بنات ماعندي بعد الله الا انتم متابعه لكم من زماان بس ما شارك
اللي عندها كلام يريحني تقوله والا مو فاهمه مشكلتي لاترد لأني تعبانه مو ناقصه ردود تعبني اكثر
ولاتحرموني من دعواتك ربي يجمله بعيني وماشوف عيوبه
قولوا آمين ..
كيفكم ! ان شاء الله طيبات !
حبيباتي انا سجلت كذا مره مو راضي يتفعل واليوم الحمدلله سجلت وجاء معي
قلت هالكلام علشان محد يقول اني ولد خخ مثل المواضيع ..
.
.
المهم اول شي انا سعوديه علشان الأستشاره وكذا تعرفون انا باي ديره
..
سلمكم الله تزوجت من 9 شهور ونص
زوجي طيب حنون كريم يحبني حيل الحمدلله وانا اعزه بس لين الحين ماحبيته
لدرجه حبه لي ..
مشكلتي اللي منغصه علي حياتي واتمنى تفهموني بنات مو تجي وحده مدرعمه وتقول حمدي ربك ماتعرفين النعمه .. انا اتكلم بوضوح ورح اشرح لكم
واتمنى اللي تفهم مشكلتي ترد علي وتساعدني
.
.
انا ابي زوجي وابي استمر معاه وفكره اني اتطلق بس تجي في بالي اتنرفز ولا ودي تجي في بالي
مشكلتي هي اني عمري ماشفت زوجي بنظره انه رجال قدامي .. والله يابنات ودي احترمه ودي اهابه ودي اذا دخل البيت افز له ماني قادره
ملكتي كانت شهر ونص ماطولت ماعرفته زين كنت لما اتكلم معاه بالتلفون جد كني اكلم رجال له هيبه بس من اول يوم زواج تغير كل شي كل شي
ماجاني الا سادس يوم تقريبا وشي خفيف وماكمل وليومك هذا ماعاشرني مثل باقي المتزوجين
يحبني يموت فيني سمي امري لبيه بس مايحب ينام معي كم مره سالته يقول بالعكس ابيك والله ابيك بس مايجيني
رحنا دكتور مافيه شي طبي ابدا
رحنا مشايخ بس ماكلمنا بنروح بعد العيد ان شاء الله
انا عندي احساس كبير ان اللي فيه نفسي يمكن لأن ردة فعلي اول ماجاني بكيت وكذا وهالشي كل البنات يسوونه لما يتعورون مو بس انا : (
يعني ماشوفه سبب كبير انه ماعاد يجيني خصوصا اني صرت انا اتودد له وابين له انو شي طبيعي البنت تتالم وكذا صرت ارمي نفسي عليه وش بعد هالشي
وهو لين الحين مثل ماهو ..
هذا سبب كبير متعب نفسيتي معاه بس انا عاذرته واقول نفسيا ومع الوقت
وقلت بعد مانروح مشايخ واذا مافينا شي بعدها يحلها الف حلال
المشكله نهائي ماتتعلق باللي فوق يعني لحد يقول انه مايجيني ماصرت اشوفه رجال لا وربي انا عاذرته وبصبر
بس تصرفاته ! بنات مايعرف شي فالحياه الأنترنت علمته عليه التكنلوولجيا مايعرفها
اشياء تافهه تطلع بالتلفزيون الأغلب اذا مو الكل يعرفها هو مايعرفها
مايعرف يتصرف معي دايم يفشلني عند الناس وبالمجمعات لازم اقوله حبيبتي مايصلح تسوي كذا كني اتكلم مع بزر عيب ياقلبي للدرجه هذي وصلت
ودي يكون قد نفسه رغم انه مو ناقص شخصيه الكل يحبه وعنده صداقات كثييييييره
بس كـ انا زوجه وابي زوج اتكل عليه يفهم بأمور كثيره
يعني امور جديه لازم ياخذها باستهتار اجلس اكلمه بامر جدي يقلبها نكته اعصب واقوم من عندده
نطلع سوى مجمع يدخل يستهبل على اللي يشتغلون اغمز له مايرد علي
ناس تتقبل وناس تنقد عليه وتروح وناس تتمسخر عليه وادري يبان بطريقه كلامهم ..
زوجي عمره 30 بس كنه بزر تصرفات طفل والله طفل مراهق تعبت معه
والله مابي الكمال انا ابي بس احسه رجال ودي يوم يجي يقول ليه ماطبختي ودي تطبخين لي !
اطبخ ماطبخ مايهمه بس يقول اهم شي راحتك حبيبتي .. انظف مانظف مايهمه يقول اهم شي راحتك ياقلبي
لدرجه كرهت الطبخ والتنظيف وكل شي لني احس اسوي شي مايهمه تهمه راحتي بس
عادي لو اجلس اقابله ماسوي ولا شي حتى لو ابي اشيل شعر وجهي يقول لا مو لازم مابيك تتوجعين!!!!!!!!!
بنات لاتقولون احمدي ربك حامدته وشاكرته بس ابي احس انه رجال يناظر لي كـ زوجه
يحب البس له اطبخ له اسوي له افعل له .. مايهمه عادي بس يبيني متمدده ومرتاحه !!!
زوجي ماعنده خرابيط ولايعرف بنات متاكده مليون بالميييه اصلا لو اشوف بعيني ماصدق مايعرف شي على النيه ع الفطره شفتوا لاقالوا لهم ع النييييييييييه هذا هو زوجي
اغلب المواقف احس اني انا الرجال اسوي افعل حتى بشهر العسل انا اتصرف واعمل واسوي مايعرف يتكلم مع الناس بشكل لبق لاازم يخورها ويفشلني
هو حببببوب طيب حنون مايرفض لي طلب ببس كله هذاااااااا مايكفي مايملي عيني اذا ماحسيته رجال
حتى بالمشكله اللي فوق وهي الجماع احسه مو عارف انه هالشي لازم قلت له لازم نجيب عيال شلون نعيش كذا يقول اللي تبينه يصير ويسفهني ..
اوك هو من بيئه تفكيرهم قديم ولا يعرفون للتطور ولا شي بس هالشي مايشفع له ياما ناس جو من الصحراء ورجال قد حالهم
اول الشهور كنت احاول اغيره بهدوء وسلاسه بس الحين صرت اتنرفز حتى ماودي يحكي ماودي ينطق عادي اجلس اقابله وهو ساكت ارحم لي ..
رغم كذا ارحمه احن له احسه طيوب ع النيه .. ودي اغيره لأن مستحيل اكمل معه وهو كذا
انا وحده عارفه الدنيا فاهمه التطور كله اسنع روحي تكنولوجيا خبره فيها .. مكياج ازياء خبره
طبخ اعرف الحمدلله امور دينيه فاهمه ولو يفتح سالفه اجلس اسولف يناظر فيني يقول ماشاء الله تعرفين
والله بنات اشياء بسيطه فالدين مايعرف لها
اشياء بسيطه فالحياه ماقد سمع فيها هو متخرج دبلوم بعد الثانوي يعني مو امي مادرس شي
.
.
بنات تكفون ساعدوووني ماودي اخسره بس ماقدر اعيش معه طول عمري وانا كذا
انا من كنت صغيره اذا ماحسيت اللي معي قد حاله ماقدر اكمل معه
انا زوجة ابي احد يشيلني مو اتزوج واشيله حتى بالكلام بالتصرفات !
.
.
عندكم رقم دكتور نفسي استشاري اسري اي شي بس اقدر اتصل عليه وانا بالسعوديه لاتحرموني
اي كلمه اي شي يساعدني قولوا لي
مابي يجي ليوم اللي ابط القربه واطلع كل اللي بقلبي واجرحه يكفي تعبت 9 شهور وانا اكتم وابكي لحالي
ولا سالني وش فيك اقول افكر بدراستي لأني بكمل دراسه ماجستير وكذا
تكفون بنات ماعندي بعد الله الا انتم متابعه لكم من زماان بس ما شارك
اللي عندها كلام يريحني تقوله والا مو فاهمه مشكلتي لاترد لأني تعبانه مو ناقصه ردود تعبني اكثر
ولاتحرموني من دعواتك ربي يجمله بعيني وماشوف عيوبه
قولوا آمين ..
