ودي أرجع عروس . بس ليش ؟؟ تعالوا شاركوني ....

[قطرية أصل وفصل]

السلام عليكم بنات ..



بصراحة يمكن فيه حد ممكن يشوف موضوعي ماله داعي أو بايخ أو ..أو ..

بس أنا من فترة تجيني مشاعر مختلطة من الشوق والحنين لفترة الخطوبة وشهر العسل وأيام الزواج الأولى وكوني عروووووس ..وأفكر وأقول ليتني سويت وفعلت ..وأنسى إني قاعدة أقيم مرحلة راحت من 8 سنوات ونص بعقلية اللحين..



أقول مرات ليتني سويت حفلة عرسي أكبر وأرقى وفستاني أفخم وأحلى وليتني سويت حفلة للحنى وحفلة للهدية وعشت واستمتعت بكل لحظة وأنا عروس .. ليتني سافرت أوروبا بشهر العسل وخليناه شهر بدل 10 أيام ..ليتني صورت كل لحظة وعشت فرحتها بدون محاتاة وقلق ....

ليتني وليتني ..الخ



ومرات أنضغط وايد بمسؤوليات البيت واليهال .. وأتمنى ألف العالم بروحي مع زوجي لمدة أسابيع وأرد فرررررررررررش ... بس الأوضاع حاليا ما تساعد .. مدارس ودوامات وما في حد يباري اليهال ...الخ



بس أرجع وأقول الحمدالله على الدين والحمدلله على النعمة والصحة والعافية ..

الحمدلله عندي عيال غيري يدور ظفرهم ..

الحمدلله عندي بيت مستقل ..

الحمدلله عندي وظيفة ..

الحمدالله ..الحمدلله .. على نعم ما نقدر نحصيها ..ياربي اجعلنا من الشاكرين ...

يارب لك الحمد كما ينبغي لجلال وجهك وعظيم سلطانك ..

أقول في نفسي مرات .. انج تكونين عروس شي واااايد حلو ومميز .. بس انج تكونين زوجة وأم بعد شي له طعم مميز ثاني ... العلاقة تكون أكثر تفاهما مع ريلج ..وكل وحدة توها متزوجة أكيد تعرف اللي أقصده ..تكثر الخلافات على أمور تافهه ... وتتعب الوحدة في بداية حياتها لأنها تتحمل مسؤولية بيت وزوج من بعد ما كانت مدللة ببيت أهلها ...



المقصد من هذا كله حبيت أفضفض لكم بشوية المشاعر المختلطة اللي تزورني كل شوي وتخوفني من كبر المسؤوليات ومرور العمر بسرعة وتشوقني أعيش حياة العروس من جديد ..



بس نصيحة ووصية لكل عروس .. اشعري بتميزج .. هذي ليلة العمر .. وانتي محط الأنظار .. وكل شي يصلح لج .. ماتشوفين لين الوحدة دلعت روحها ولا اكشخت ولا تأمرت قالولها .. اشدعوة عاد .. عرووووس؟؟؟



خواتي ابي اشرككم وياي ليش العروس مميزة والكل يتمنى يكون مثل العروس ؟؟؟ انا بقول لكم ..واللي عنده زيادة حياه اللهj

العروس في العادة بكر والبكر يغلب عليها الحيا اللي يزيد جمالها ..

عز شبابها وشباب زوجها ..لأنهم يعيشون فترة عمرهم الذهبية

الجسم مشدود ومو مجهد من الحمل والولادة

العروس ينضرب فيها المثل بالجمال .. يقولون نضارة العروس بياض العروس كشخة العروس شعر عروس ..الخ

يعيشون كل شي لأول مرة .. كل شي جديد عندهم ..بداية من ليلة الدخلة .. مرورا بالسفر والحياة المشتركة ...

يحق للعرسان يلبسون ويسون اي شي مثل ما قلت قبل.. تلبس تتأمر ..الخ لأنها عروووس

العروس تكون في الغالب شخص جديد على عيلة زوجها وهذا في حد ذاته له رونقه ..

شهر العسل والاستمتاع بالسفر بدون مسؤوليات ..

في ليلة العمر كل الأنظار صوبها .. لبسها أحلى لبس ومكياجها أحلى مكياج .. والكل ينتظر طلعتها والكل يهني ويبارك ..اهي محور الأنظار والحديث ..

جو الاحتفال بالخطوبة والعرس ومابعد جيتهم من السفر ..واستقبالهم بالعطور والبخور والهدايا ..

مادري هذا اللي تذكرته ومتشوقة إني أعيشه مرة ثانية .. وأوصي كل عروس تركز في كل لحظة وتخليها حللللللوة بدون كدر ..وأوصيها تهتم بعمرها وتعيش لحظتها ..وتكتب مذكراتها وتصور قد ما تقدر اللحظات من خطوبتها لين زواجها ..تراها لحظات نادرة ما تتكرر ..والله يهني كل عروس ويوفقها ويبارك لها ..

آسفة على كثرة كلامي وخربطتي في سرد مشاعر حسيتها .. وشوق اعتراني لأكون عروس مرة ثانية j

وسلامتكم ..

 

[haya20]

اي والله صاجه انا توني متزوجه واقول ودي ترجع الايام بس تبين الصج انا ماانعطى ويه انا ودي ارجع بنت واكمل دراستي واشتغل بعدين افكر بالزواج
بس صاجه الحمدلله على كل حال

 

[سيدة الذوق]

تمني .. كلنا نتمني نرد عرايس

 

[الرماسيه]

رد : ودي أرجع عروس . بس ليش ؟؟ تعالوا شاركوني ....

نصيحه لج ياحلوه

دايما تمنى الاستقرار الاسرى والحب وفكرى شلون تجعلين حياتك مع زوجك افضل وادوم والتوفيق من الله

وياما ناس سوو عروس كبيره وحفلات و.......الخ

وكانت نهايتهم فى الطلاق

اللى بوصله لج


مو مهم شنو سويتى بالعرس او ماسويتى


المهم نظرت مستقبلج وابو اعيالج والله يوفقج

 

[أهداب]

رد : ودي أرجع عروس . بس ليش ؟؟ تعالوا شاركوني ....

تصدقين انا متزوجه ب 2002
وهالشعور اللي قاعده تقولين له فتره يزورني ويراودني بين فتره والثانيه
ولما قريته الحين منج تطمنت اني طبيعيه وفي ناس مثلي

 

[bride collection]

موضوع حلو و شعور طبيعي

 

[غلا ستايل]

حلو موضوعج والله مشكورة

 

[H.A.K.W]

بصراحه أنا صارلي سنه ونص متزوجه
بس فعلا من تزوجت وأنا ودي بهاللحظات ترجع لأني ما استأنست حالي حال البنات
مهري أنباق وماجهزات ماشريت بدل و لا فساتين واكسسوارات ولا حتى شباصات ولا جواتي ولا عطور ولا حتى جناط ولا شيء نفس الناس
غير جذي خواتي كانوا حاكريني وأهم اللي جهزوا كل شيء وشروا كل شيء واختاروا كل شي حتى بدلة العرس والصالون من الى
حتى كان نفسي قبل العرس أسويلي برنامج عروس حالي حال العرايس ماسويت ولا شي يعني ما استأنست أبدا أبدا بهاللحظات انحرمت من ليلة عمري
ما أقول إلا الله يسامح اللي كان السبب والله للحين ميته قهر كل اللي سوا قعدوني الصبح يوم العرش عشان أروح الصالون قبل العرش بأسبوع ودوني أقيس الفستان والله ما جفت شيء ولا اخترت شي
وكان تجهيزي يفشل يفشل ماعندي ولا شي وكل اللي مو جود مش حالك أي كلام جنظتين وكعبين و وحده من الجناط انقطعت حتى الجوتي بعد اسبوع انقطع وما حجزولي مصوره مت قهر لما ذريت ليلة العرس اخنقتني العبره تمنيت أمي موجوده

وبعد زواجي هم ما كتب الله لي الوناشه ما كان عندي هدوم اكشخ فيها عند ريلي وأهو ما قد حاله يعني حتى ماشريت شيء لهاللحظه هذي ، ؤماكنت أعرف شنو الب ومتى البس وما أعرف اتصرف
وبعدها بدت تدخلات الأهل و بعد ين حملت وهم ماكنت أعرف ثي وما عندي اللي أروحله أمي متوفيه وأنا الجعده ، و ولدت ولاده مبكره وتوفى الولد وكان لي وقتها 8 أشهر زواج ؤبنفاسي تبهذلت كان وقتها عرس اخوي فعدت اسبوعين أبيت خالتي و3 أيام أبيت إختي وأسبوع بيت أهلي و عقبها رديت البيتي وأنا ماعرف سؤالف النفاس من أكل وأدويه وما في أحد عندي لاإم ولا خوات محد اهتم فرديت في بلاوي الدنيا
والحمدالله الله عوصني وأنا الحين حامل وانشالله بنفاسي هذا اطلع عروس ،"واذا كان في وحده تتمنئ انها ترجع عروث فهي أنا " ، بليز بنات أبي مساعدتكم عفيه اللي اتعرف وحده تسوي أكل نفاس وتوصل ياليت ماتبخل علي ادزلي عالخاص
واللي عندها نصايح عن الحمل والنفاس وتفهم بهالسوالف لا تقصري وياي .

أدري قتلكم قصة حياتي بس من الواهي اللي فيني ما صدقت خبر قمت أفضفض

 

[dectora 7elwa]

حلو الموضوع
وافكارج لانها من القلب تحسنها مو مرتبه بس قدرتي توصلين لي شعورج

 

[AquaBlue]

basawi mithil lajaneb kil thikrat zawaj asawi 3irs yedeed
(5AL ATZAWAJ BLAWAL)

 

[موجةاحزان]

رد : ودي أرجع عروس . بس ليش ؟؟ تعالوا شاركوني ....

عادي ياعمري انتي قلبك خضر
حتى الريايل لمايشفون احدتوه معرس يتمنون انهم بمكانه
لان يردهم شباب
بس انتي احملي ومن الشهرالسابع لاتهتمين بنفسك كثيروبعدالنفاس يعني بعدالاربعين لاتروحين لريلك اجلسي شهرثاني حق
التزهب لنفسك سوي الي سويتيه بعرسج وشوفي الفرق راح تحسين انك عروس لووراك ميات من الكتاكيت
انا ماجربت بس خواتي جربوا وعاشوا قصت زواج جديده ادعولي احمللللللللللللللللللللللللل ابي اكون عروووووووووووووس

 

[أم الحلووووين]

بصراحه أنا صارلي سنه ونص متزوجه
بس فعلا من تزوجت وأنا ودي بهاللحظات ترجع لأني ما استأنست حالي حال البنات
مهري أنباق وماجهزات ماشريت بدل و لا فساتين واكسسوارات ولا حتى شباصات ولا جواتي ولا عطور ولا حتى جناط ولا شيء نفس الناس
غير جذي خواتي كانوا حاكريني وأهم اللي جهزوا كل شيء وشروا كل شيء واختاروا كل شي حتى بدلة العرس والصالون من الى
حتى كان نفسي قبل العرس أسويلي برنامج عروس حالي حال العرايس ماسويت ولا شي يعني ما استأنست أبدا أبدا بهاللحظات انحرمت من ليلة عمري
ما أقول إلا الله يسامح اللي كان السبب والله للحين ميته قهر كل اللي سوا قعدوني الصبح يوم العرش عشان أروح الصالون قبل العرش بأسبوع ودوني أقيس الفستان والله ما جفت شيء ولا اخترت شي
وكان تجهيزي يفشل يفشل ماعندي ولا شي وكل اللي مو جود مش حالك أي كلام جنظتين وكعبين و وحده من الجناط انقطعت حتى الجوتي بعد اسبوع انقطع وما حجزولي مصوره مت قهر لما ذريت ليلة العرس اخنقتني العبره تمنيت أمي موجوده

وبعد زواجي هم ما كتب الله لي الوناشه ما كان عندي هدوم اكشخ فيها عند ريلي وأهو ما قد حاله يعني حتى ماشريت شيء لهاللحظه هذي ، ؤماكنت أعرف شنو الب ومتى البس وما أعرف اتصرف
وبعدها بدت تدخلات الأهل و بعد ين حملت وهم ماكنت أعرف ثي وما عندي اللي أروحله أمي متوفيه وأنا الجعده ، و ولدت ولاده مبكره وتوفى الولد وكان لي وقتها 8 أشهر زواج ؤبنفاسي تبهذلت كان وقتها عرس اخوي فعدت اسبوعين أبيت خالتي و3 أيام أبيت إختي وأسبوع بيت أهلي و عقبها رديت البيتي وأنا ماعرف سؤالف النفاس من أكل وأدويه وما في أحد عندي لاإم ولا خوات محد اهتم فرديت في بلاوي الدنيا
والحمدالله الله عوصني وأنا الحين حامل وانشالله بنفاسي هذا اطلع عروس ،"واذا كان في وحده تتمنئ انها ترجع عروث فهي أنا " ، بليز بنات أبي مساعدتكم عفيه اللي اتعرف وحده تسوي أكل نفاس وتوصل ياليت ماتبخل علي ادزلي عالخاص
واللي عندها نصايح عن الحمل والنفاس وتفهم بهالسوالف لا تقصري وياي .

أدري قتلكم قصة حياتي بس من الواهي اللي فيني ما صدقت خبر قمت أفضفض

عوورتي قلبي حيييييييييييييل ..
وين عايشين .. معقوله في هالوقت جذي ..
الله يعوضج بزوجج ..
وان شاء الله تولدين بسلااامه ..

 

[قطرية أصل وفصل]

رد : ودي أرجع عروس . بس ليش ؟؟ تعالوا شاركوني ....

مشكورين حبيباتي على الردود .. وصح احس إن هالمشاعر طبيعية لما تزورنا من وقت للثاني .. بس لما نحس بنعم ربنا علينا والاستقرار نحمده والله لا يغير علينا إلا للأحسن ..
الرماسية .. شكلج ما فهمتي موضوعي عدل .. أو انج بنت ما تزوجتي .. ردي اقريه وقولي لي رايج ..
بس احترم رايج ومعاج فيه ..
hakw الله يعوضج .. عورتي قلبي ..
ماعليج من احد سوي عرس صغير على ذوقج بعد طلعتج من النفاس إن شاء الله ..وان ماحد حضرها احنا بنحضرها ومعانا احلى الهدايا .. بس رددي الله يعوضني خير وابشري من الكريم بالخير سبحانه ما يخلي المظلوم ..

اكوا بلو ..حتى لو سوينا عرس جديد في ذكرى زواجنا مستحيل تكون نفس المشاعر .. ومن حيث الناس يمكن يصكونج عين ههههه

 

[انتظر حبه]

رد : ودي أرجع عروس . بس ليش ؟؟ تعالوا شاركوني ....

الحمد الله مو بس انا اللي يراودني هالشعور

 

[فوفو22]

رد : ودي أرجع عروس . بس ليش ؟؟ تعالوا شاركوني ....

اولا عجبني النك نيم الخاص فيج

ثانيا

وتشوقني أعيش حياة العروس من جديد

حبيبتي صيري عروس لزوجج

اختاري مناسبة حلوه وعيدي الذكريات

عن طريق حجز غرفة بفندق او شاليه او سفره او حتى بالبيت

تقدرين تسوين جو

وتعيدين الايام القديمه

فوفو

 

[macintosh]

رد : ودي أرجع عروس . بس ليش ؟؟ تعالوا شاركوني ....

مشاعرج طبيعية لانه هاذي المفروض تكون
احلى ليلة بحياة البنت
انا ملجت وماكنت راح اسوي عرس وسكنت
مع ريلي بعدين امي الله يخليها لي سوت لي
استقبال ودخلت دخلة عروس وزفة وكل شي
نفنوف ابيض .. ورحنا فندق صج حسيت بفرق

نصيحة لكل بنت لاتقول ما ابي عرس وابي شي
بسيط بعدين راح تحسف لانه شعور ما ينوصف انه
الوحده تكون عروس .. ليله كأنها حلم ما ادري شلوون

انا من فترة لي فترة اشتاق حق اول ايام الملجة
وكله اذكر زوجي فيها والمواقف اللي صارت لنا
والسوالف والضحك لانها تجربة يديدة وحلوووة

​

 

[قطرية أصل وفصل]

رد : ودي أرجع عروس . بس ليش ؟؟ تعالوا شاركوني ....

ردودكم حلوة .. كنت محتاجة مثل هالمشاركات المميزة لمشاعري .. وصح يا فوفو حلو الواحد يجدد وهذا اللي ما يغيب عن كل وحدة أكيد .. بس أنا أقصد تميز العروس بكل اللي ذكرته قبل و لايمكن يرجع ..عرفتي قصدي .. ؟؟ ومشكورة على اعجابج بنك نيمي..

macintosh .. زين سويتي ..أنا أختي كانت ناوية تسوي يمعة بسيطة .. بس تميت احن عليها أنا ورفيجاتها ليمن سوت عرس صغير ولبست الفستان الأبيض ...

 

[جـــواهر]

تدرين اني تزوجت بدون عرس ماسويت عرس سافرنا انا وزوجي
والله اني عمري ماتحسفت ع هالشي .. لان العروس صارت ماعليها حلا كلش
والمعاريس اثنين والمجانين الفين
وخصوصا لا صارلج عدوان تخافين ... بس فعلا قراري اني ماسوي عرس كان سليم
والحمدلله ماتحسفت لان كافي اني بعيون زوجي عروس

 

[Ms.Roon]

أأأه


والله في قلبي كلام ودي اقوله />>>>>>>>> موضوعج يه عالجرح

 

[قطرية أصل وفصل]

رد : ودي أرجع عروس . بس ليش ؟؟ تعالوا شاركوني ....

جواهر .. احترم رايج ويمكن ظروفج كانت تناسبها انج ما تسوين عرس .. بس أكيد عشتي فرحة كونج عروس .. ومع اني ضد ان أي عروس تفوت عليها الاحتفال بهالليلة إلا ان المشاعر الحلوة اللي تعيشها العروس (بكج ....هههههه) يعني من كل النواحي والعرس يبرزها أكثر بواااايد..
أنا الحمدالله كان لي وزن كبير عند أهل ريلي لأني غريبة عليهم وزوجة آخر العنقود .. والكل كان شايلني شيل ..حتى اليهال ما يسموني إلا العروس .. والكل كان منبهر فيني ورازني ..الحمدلله والشكر عشت أيامي كعروس كأحلى ما يكون ..بس ودي أعيدها وأعدل فيها شوي هههههه ابن آدم طماع ...