ودي أعرف شنو السر ؟؟؟؟؟؟؟؟

[ثابتة بديني]

لييييش إذا انذكرت الكويت في أي مكان قلبي يرفرف بدون سبب

وإذا شفت كويتيين برا الكويت ودي آخذهم بالأحضان

وإذا أحد غلط على الكويت دمعتي تسبق كلمتي

واحس ان هذي الأحاسيس خاصة فينا احنا الكويتيين بس

ما أدري ليش

الله يخلي لنا ديرتنا ويديم علينا حبها​

 

[coffee]

اللهم آميـــــــــــــــن

حبيبتي هذا مو غريب عليج لانج ثابته بدينج وثابته على وطنيتج.. والحال من بعضه وياني استتفه اللي عايش بينا وولاءه لبره الديره .. حزتها اتحسف ان عندهم جنسية لان بعض البدون والغير كويتيين يستاهلونها اكثر منهم لان حبهم لديرتنا يبهر

وعاشت لنا الكويت وعاشو أهلها واللي يحب الكويت يضحي لجلها

 

[نور الكويت]

والله يا اختي ثابته حتى انا نفسج اي مكان اسافر له يجيني نفس الشعور

توني جايه من السعوديه والبحرين لي شفت اي كويتي قلبي يفزله

 

[ثابتة بديني]

مشكورات خواتي على المرور

لكن فعلا انا لما سافرت بالسيارة للسعودية

حتى السيارات قمت أطالع اللوحات جني مضيعه أحد مرات من كثر ما أدور كويتيين

جني وحده مضيعة وليدها بسوق خخخخخ والله مرات أضحك على نفسي

بس يمكن أنا من اللي ما يصلح لهم السفر موول

حدي كم يوم وأشتاق أرد لديرتي

فعلا الكويت تستاهل أكثر من هالحب وفعلا صح لسان الشاعراللي قال :


لاشفت ضيم الناس في كل ديره ....... أسجد لربي اللي خلقني كويتي


((( فديت الكويت وأهلها )))​

 

[مطلع الشمس@]

احنا كلناااا جذيييييييه عسى الله يغير علينا ويحفظ ديرتنا يارب

هذا يسمونه الولاء

 

[أحلى عيون]

اللهم امين

بصراحه والله كانج تتكلمين عني انا يرف قلبي لي سافرت وشفت سياره كويتيه زوجي يضرب لهم تحيه بالشارع والله

لانه حبنا لها دايم ودوم وربي يخليها لنا ويحفظ بلادنا ويبعد عنا عيون الحساد ويكفينا شرهم اللهم امين

 

[ورده ودلوعه الكويت]

لانه قلوبنا وحده واحنا اخوان
انا اذا سافرت على طووول اشتاق للكويت وترابها ولريحتها
واذا شفت كويتي استانس وقلبي يفز له

 

[N.springflawer]

والله نفس الشعور هذي الكويت صل على النبي اهيا ديرتنا وفيها اللي نبي

 

[MISS DaL3]

هذا شي مغـــــــــروس فينا اتحسون مثل اشلون حبنا ب الفطره لأمنا وابونا
نحــــب ديرتنا لأنها الي لمتنا بحظنها ومعيشتنا بأمان ومعززين ومكرمين فيها..
فـــــديتها والله..

 

[الله يرحمك بابا جابر]

يا حلونااااا .. احنا تونه طالعين من حدود الكويت و و نشوف سياره لوحتها كويتيه نفرح لووووووووووووووول

انا بس اركب الطياره اقول حق امي ولهت على الكويت ردوني والله العظيم لول


تسلمين حياتي الله يخليج حق الكويت

 

[NoNoFeTa]

اي واللللللللللله صاجه

 

[حمام شاقني فنه]

الوطن غاالي والغربه قششره لااازم تحنيين لقشرتج اهلج وناااسج

الله لاايغير علينا ياارب
وحاافضج الله ياكوييت

 

[*نور الكويت*]

نفسسس شعووووووووووووووري

اذا شفت كويتيين بالسفر قلبي يرفرف

 

[يحق لي الغرور]

كلنا جذي انا سافرت لدبي بالسياااره كل اللي يمرون من عندنا يطالعون لسيااااره احس انه احنااا غريبين مو بديره عربيه وخليجيه واحس مسوووين شي غلط

ولا واذا شفت سياره كويتيه استااانس جذي شعور يخليني استانس اطير من الفرح بجذي ما احس اني بغربه ولا اني ما اعرف احد

ومشكوووره حبيبتي والله خليتيني اقووول اللي بقلبي

 

[miss 3yara]

امين

 

[غربــــة اِحساس]

الله يحفظ لنا ديرتنا ويجمعنا على قلب واحد : )

 

[آلآرجـُوآنْ]

ربي يحفظ ديرتنا من كل شر

 

[جنون العاطفه]

الله يخلي لنا الكويت والله ديرتنا جنة

 

[!!wawie!!]

كلامج عدل ...
انا اذا سمعت احد قال كلام موزين عن ديرتي ..لا تشوفيني صج اعصب واتنرفز جنه الكلام لي..ومره عصبت وتهاوشت مع وحده خليجيه يايه زياره حق الكويت وتذم بالكويت حدي عصبت شوي واطقها خخخخ
وارفيجاتي يقولون لي اشفيج هدي وانا معصبه حدي..وسويتها سالفه خخخخخ

 

[Betty]

الله يحفظ الكويت و اهلها و يدوم هالمحبه و الوفاء بقلوبهم