ودي اتعلم السباحة عدل =(

[LuLiTa]

سلام عليكم ,,,,




انا صارلي سنين اتعلم السباحة و للحين في البدايات ,,, و مشكلتي للحين ما اعرف اتنفس وقت السباحة :eh_s(22): هـ الشي حيل يتعبني خصوصا اني للحين مو قادرة اسبح مسافات طويلة ,,, يدووب حدي متر او مترين :eh_s(11):


ثاني شي للحين عندي خووف من العمق ! يعني طولي 162 و صارلي سنين اتعلم في صووب الـ 135 :eh_s(16): فـ شلوون اتغلب على هـ الخوف ؟


بـ تقولون وين المدربة ,, اقولكم النادي اللي انا فيه مدربتهم ما اتيي الا ساعتين بـ الصبح :eh_s(10): و عندها الاولوية لليهال :eh_s(16):و الكبار لازم كل واحد يدبر حاله ,,,






بليز هلب :eh_s(17):


​

 

[nadoooy]

ههههههههههههههههههههههههههه والله نفس حالتي بالضبط بس انا ماتدربت وايد

 

[oyoon al maha]

اتصدقين نفس حالتي .. عندي خوف رهيب لدرجة انه تكون معاي طفاحات وما اقدر اقرب صوب العميق في الحوض @@

شسوي ؟!

 

[LuLiTa]

و عليا عليكم انتو بعد نفس حالتي =( يا ليت وحده متمرسة اتساعدنا =(

 

[Miss Cherry]

نادي الهلال الاحمر حلو



اذا تسبحين حره ارفعي راسج كل شوي عشان تاخذين نفس ..


او اذا ماتعرفين ترفعين راسج تقدرين تقلبين على ظهرج تاخذين نفس اذا تعرفين تسبحين على ظهرج


احسن نوع سباحة الصدر لانه راسج يكون فوق مستوى الماي فتقدرين تتنفسين

 

[amoOoNA Al_mazyoNa]

انا ما أعرف أتسبح بس تعلمت أطفح خخخ ولا أول والله حتى طفح ما أعرف ..

و مره اشتركت بنادي فت اللي بالدسمة اففففف المدربه نفسسسسسسسسسسسسسسسسسسيه شي مووطبيعي

ولا تعلمت ولا شي

 

[LuLiTa]

نادي الهلال الاحمر حلو
اذا تسبحين حره ارفعي راسج كل شوي عشان تاخذين نفس ..
او اذا ماتعرفين ترفعين راسج تقدرين تقلبين على ظهرج تاخذين نفس اذا تعرفين تسبحين على ظهرج
احسن نوع سباحة الصدر لانه راسج يكون فوق مستوى الماي فتقدرين تتنفسين

انا اسبح حرة و يعني اعرف احرك ريولي بس ايديني اخليهم سيده فـ من جذي للحين مو عارفه ارفع راسي من الماي ,, وسباحه الظهر +الصدر ما اعرف لهم عدل ,,, يعني متدربتهم كـ اساسيات بس ما طبقتهم لانه جسمي ما يرتفع فوق الماي كله يصير تحت :eh_s(10):


نادي الهلال الاحمر وين صاير ؟ و بـ جم اشتراكه ؟

 

[قفشـه]

وي نفسي اسبح عالخفيف انا كنت مشتركة بفلكس بنيدالقار بس مو ذاك تعليمهم

يبيلنا نادي يعطي دورات مو كلاسات

 

[E- buy.]

اببببببببببب

 

[nadoooy]

انا بالسباحة احرك ريولي عدل واتحرك بس من احرك ايديني اتخربط واغرق خخخخخخخخخخخخخخخخ

 

[LuLiTa]

 

[احساس ملكه]

والله انا مثلج ااموت على السبااحه والله اشوفها احلى رياضه بس المشكله ماافى مكان تضمينه من ناحيه التدريب والنظافه

اذكر وحده كانت معاى بالنادى متيييييييييييينه وتلعب سباحه رووعه تقول انا من زمان وانا ياهل اشترك بالنوادى واتعلم

 

[الله كرريم]

شوقتوني

 

[LuLiTa]

احساس ملكة

اي السباحة معروفة ترسم الجسم رسم ,,,

 

[فانيلا]

انا اسبح حرة و يعني اعرف احرك ريولي بس ايديني اخليهم سيده فـ من جذي للحين مو عارفه ارفع راسي من الماي ,, وسباحه الظهر +الصدر ما اعرف لهم عدل ,,, يعني متدربتهم كـ اساسيات بس ما طبقتهم لانه جسمي ما يرتفع فوق الماي كله يصير تحت :eh_s(10):


نادي الهلال الاحمر وين صاير ؟ و بـ جم اشتراكه ؟

شرحج كانك أنا

 

[مــلاك]

اموت عالسباحه وصج ترسم الجسم بس كل ماشترك بنادي ماسبح لاني اوسوس من الماي واحس مو الكل ياخذ شور قبل لا يدش الماي فاخاف من لاتهابات

 

[كيكه محروقه]

الصراحه اموت على السباحه وانا كنت كلش ما اعرف شي بس الصراحه لما اشوف البنات ماشاء الله يسبحون ويسون حركات تعلمت وبالبدايه كنت اسبح بس العادي ما اروح للعميق شوي شوي ادش العميق لما تعودت تدرون عاد كنت اسبح بالعميق واروح وارد بس ما اعرف اوقف فيه اغرق بس الحمدلله ماشاء الله الحين اعرف كل شي على التعود شوفوا لا تنطرون المدربات انا كنت اقعد مع كذا بنت تعلمني كذا شغله وعرفت واتدرب معاهم ونسوي مجموعه حلوه لما تكونين كذا بنت راح يروح منج الخوف وتعودين انا كنت بالهلا ل الاحمر الصلبيخات والتسجيل 30 او 35 ماني ذاكره ومرات يسون ب25 عرض او اذا كنت مسجله قبل عندهم والله يونس حيل كبير.

 

[Miss Cherry]

الهلال الاحمر فيه بالشويخ وفيه بالصليبيخات


انا كنت عندهم قبل بس من زمان عنهم .. الحين مادري شلون الوضع

كنت بفرع الصليبيخات قبل 6 سنين تقريبا وكان المكان نظيف


بس جنه حمام السباحة بالشويخ أكبر

 

[LuLiTa]

ابشركم صرت اعرف ارفع راسي شوي بـ السباحة بس للحين ما زدت المسافة و لا غيرت العمق

 

[Miss Cherry]

زييييين لوليتا كل شي بالممارسة شوي شوي تتعلمين