ودي اسافر بس موعارفه وين ساعدوني

[اللافندر79]

السلام عليكم






يعطيكم العافيه بنات كويتيات
راح ادخل بالموضوع على طول
ناويه اسافر بالصيف انا وريلي وعيالي 7سنين و5سنين وسنه:27d66a9c24b146327bf وصراحه بالنسبه لي اول مره فمادري وين اروح :gr4uu:وابي تكون سفرتنا 3 اسابيع ومكان اغير في جو ويستانسون اليهال ويكون جوهم حلو وودي اخذ جوله بثلاث دول كل اسبوع في ديره
واحسن الفنادق واحسن وارخص طيران والاماكن السياحيه وشنواخذ معاي واخذ اكل يعني اجبان وهالسوالف حق ريوق اليهال:O_SHH_:
ووااااايد اسئله عندي اب وحده تفضي نفسها لي وجاوبني لها اجر فيني:aha: ​

 

[أوكسجين]

روحي اوروبا

 

[السهم الصويب]

قوليلنا وين عاد اوربا الدول العربيه امريكا ؟!!

واحنا انتفرغ باللي نقدر عليه

 

[ام مهاوش]

معاج يهال وتبين تتنقلين كل اسبوع مكان اتوقع صعبه لاتزيدين اكثر من دولتين

 

[om fares]

انا بالنسبه لي ما احب اتنقل روحي دوله وحده وحطي اغراضج بالفندق وسوي برنامج رحلات وتردين بالليل تعبانه ونامي ولا التنقل من دوله الي دوله ومعاج يهال وبعدين خلي رحلتج من 14 يوم الي 20 كافي لان السفر حلو بس متعب بالاخير هذا من وجهة نظري وشرايكم

 

[Zozαĺiиaђ]

احنا مرة رحنا 4 دول كل دولة 5 ايام بس كان التنقل في باص بين الدول

و ترانزيت في روسيا قعدنا يمكن ساعة ولا ساعتين بالمطار بالروحة و الردة

رحنا هولندا و بلجيكا و المانيا و فرنسا

بس فرنسا قعدنا فيه 6

صج كانت السفرة حدة ونـــاسة

وكان مع قروب سفريات الفضـــاء خوش ناس والله و ايد استانسنا معاهم

و على الأكل امي و خالتي كانوا ماخذين جنطة كله حق الأكل

يعني الريوق على الفندق و الغدا يكون ليمن نطلع و العشا نسويه في الفندق

و كان مثلا اندومي - صمون جبن مع بطاط و جي اشياء خفيفة و اصلن اغل الأوقات ما كنه نتعشى من التعب و الوناسة من الصبح نطلع ما نرد الا باليل و بس نبي الفراش لووول

و خاصة ليمن رحنا دزني لاند ردينا يمكن الساعة 1 باليل و شوي و النام بالباص هههه

 

[لوازم العائلة]

يعتمد على ميزانيتج
روحي اوروبا او امريكا

 

[AVE.NJ]

بدون تفكير اليهال راح وايد يستانسون فيها استراليا جو حلو واماكن وايد سياحبه وسوق اينن
ورحله موفقه

 

[ام مهاوش]

شوفي دام ودج تستانسين وتونسين اليهال استراليا او باريس ولندن عشر ايام لندن واسبوع باريس والله راح تستانسون
بس طبعا لازم تسوين فيزتين فيزا مالت لندن الثانيه شنغن مالت اوروبا
اول شي روحو لندن واستانسي بالرحلات مره لندن زوو ومره الملاهي ماذكر شسمها ويوم روحو برايتون وروحو قروب مع المكاتب السياحيه 3 ايام بلاك بول صج وناسه راح تستانسون واهم شي الملاهي اللي في بلاك بول اتينن ومنها يودونكم منطقة البحيرات قريبه من بلاك بول
وبعدين باريس يوم كامل حق ديزني اذا ماتبون تنامون فيها والباجي باريس حق الوناسه ورحلات او تقدرين تقللين تخلينها 5 ايام تكفي باريس
وشوفي وقوليلنا شنو صار معاج