ودي اصير مثقفة

[احلا كويت]

السلام عليكم ..
بنات من فترة كنت افكر بشغلة << ان لااااازم اقرى اتثقف بس ساعات يكون مالي خلق
بس مو معناااته اني ما اقرى لا اقرى عادي ..
ابي مساعدتكم ابي اصييييييييييير مثقفة شلون ؟؟؟ ودي اكون عارفة كل شي وملمة ..
اممم انا قلت اول شي ابدي سيرة وقصص الانبياء لان ما عندي خلفية عنهم كلهم الا البعض
ابيكم تنصحوني شنو اقرى بعد ؟؟؟
​

 

[Qumaar]

هلا أحلا
نصيحتي لج اذا تبين تصيرين مثقفة اقري كل شي متوفر عندج مثلاً كتب ثقافية اجتماعية
قصص بوليسية , سيرة الأنبياء هم فكرة حلوة , دشي المواقع على الانترنت وخاصة مواقع الأخبار والأحداث العالمية

وان شاء الله أكون أفدتج

 

[lailosh]

اقري عن كل شي الثقافه ما تلزم عليج شي معين تقرينه حتى لو انشالله تقرين عن اليهود هذا يعتبر ثقافه

مع الايام بتتعودين واتحبين هشي واننتي بنفسج اتابعينه

 

[احلا كويت]

مشكورين ما تقصرون
اي ان شاء الله قمر ودي اتابع كل شي بس احس ماكو وقت بس بحاول
مشكورة ليلوش على الرد

 

[Kadin Cligin]

اقري كتاب كيف تكون مثقفا (سلسلة الثقافه) للدكتور طارق السويدان

بيفيدج حيل

وسوي لج نظام فالشهر تقرين من كل مجال كتاب

 

[اشرقت الانوار]

انصحك تختاري كتب في اكثر من مجال ( دين - طب - سياسة --- )

وتعملي برنامج بحيث انك تقري من كل كتاب خلال الاسبوع

و عشان تثقفي اكثر اختاري برامج تلفزيونية تثقيفية و علمية كمان في كل المجالات

ومواقع الكترونية تاتي بالجديد

اعملي برنامج يومي او اسبوعي لكل هذي الامور

وان شاء الله خلال فترة قصيرة تصيري ملمة بامور كثيرة بس اكيد مو بكل شي

هذه طريقتي

جربيها و ادعيلي

 

[~q8ia~]

اقري كتب تطوير الذات

و كتب علمية

و روايات

و اي شي يعجيج او يشدج

مثال للكتب

ملاحظة:هذي كتبي اللي قريتهم ^_^

 

[Kadin Cligin]

كويتية بسألج كتاب هرطقه شنوو ..؟!
شنو يعني هرطقه وعن شنو يتكلم ..؟!

 

[نيولوفر]

نصيحه احفظي القرآن كله كامل و انتي تحفظينه اقري التفسير معاه و صدقيني بتصيرين مثقفه و بيعطيج طلاقه و فصاحه قووووووووووووويه ... انا وحده قريت كذا كتاب وبكذا مجال بس احس كل اللي قريته نقطه في بحر بالنسبه للقرآن الكريم ...

 

[احلا كويت]

بعد عمري كلكم والله ما قصرتوا ..
باذن واحد الاحد ببدي بعد سبوعين اقرى << اول ما اخلص امتحانات
انا قريت the secret و الذاكرة الهائلة بس ما خلصته ..
اذا خلصته ان شاء الله بقرى تاب طارق السويدان <<كيف تكون مثقفا (( سلسلة الثقافة ))
وعجبتني فكرتكم (( اسويلي نظام معين مثلا كل شهر اخلص كتاب او كتابين ))

 

[MeMe]

القرااااااااااااان

 

[رنين]

في عباره حلوة كنت قاريتها تقول(كالبطن يغذيه اكل ما تشتهيه ...اقرأ ما تشتهي تتثقف)

فانتي اقري من كل بستان زهره و النوعية الي تعجبج كثري منها مع الوقت تلقين تكونت لج ثقافه حلوة

 

[بنوتة طموحة]

معنى الثقافة انج تعرفين شي عن كل شي

وتعرفين كل شي عن شي معين يعني تخصصج الدراسي مثلا

أعتقد تعريف الثقافة اللي قلته وضحلج بأبسط صورة شنو لازم تقرين

ومن وين تبدين

صدقيني القراءة شيء رائع جدا إذا حبيتيها بصدق راح تتحسفين على كل لحظة

ضيعتيها بعمرج كان مخج فيها مشغول بأشياء مالها معنى ولا فادتج بشي

أنا نفسج توني من ثلاث سنوات بلشت أقرا وأطلع ما أسمع اسم كتاب إلا سجلت اسمه ورحت دورت عنه

وساعات أتكيسل وأمل بس أجبر نفسي

القراءة مثل مكياج لكن الفرق ان المكياج يجمل مظهرج وبعدين تروحين تمسحين ويظل شكلج اهو اهو

لكن القراءة تجملج من الداخل ومحد بالكون يقدر يمسح اللي بداخلج

أتمنالج التوفيق من كل قلبي وموضوعج بحد ذاته خطوة جرية وصادقة للتغيير

بالتوفيق

 

[Tutti-Frutti]

عـلـى قـولـتـهـم : اخـذي مـن كـل بـسـتـان زهـره
لا تـركـزيـن عـلـى مـجـال معـيـن وتـنـسـيـن مـجـالات ثـانـيـه
اقـري كـتـاب ديـنـي ، عـلـمـي ، قـصص : بـولـيـسـيـه ، رومـانـسـيـه ، واقـعـيـه .. الـخ
كـتـب شـعـر ، كـتـب تـاريـخـيـه ، اجـتـمـاعـيـه ..الـخ
اقـري الـقـصـص او الـكـتـب الـمـتـرجـمـه هـمـن حـلـوه

وبـجـذي يـكـون عـنـدج خـلـفـيـه ولـو بـسـيـطـه عـن اغـلـب الـمـجـالات
وبـعـديـن عـاد تـبـديـن تـتـعـمـقـيـن بـأي مـجـال تـحـبـيـنـه

وبـالـتـوفـيـق

 

[سكـون]

هلا والله أختي

أنصحج مثل ما قالت الأخت اللي فوق
عليج بـ (سلسلة صناعة الثقافة) للدكتور طارق السويدان، وفيصل باشراحيل

صراحة سلسلة روعة وتعطيج خطة واضحة للثقافة ، بداية بتعريف الثقافة ومعناها، ومن هو الإنسان المثقف، هذا غير المجالات اللي يوجهج لها، وأهم دور النشر والكتب

 

[ام منوله]

راى من راي خواتى نيولوفر وبنوته طموحه


والله لا يحرمكم من الاجر على النصيحه الحلوه


فعلااااا كلامهم صح واميه بالميه القران الكريم ملم بكل قصص الحياه و الاحداث ..

 

[baby soul]

اقرئي قصص القرأن حلوة والتفسير جداً رائع يبني اللغة عندج