ورشــة تطويق الحركة Panning ,, ورشة رقم (1) من سلسة خطوة نحوه الإحتراف ,,

[No0oNh]

حياكم معانا ,,





ورشة تطويق الحركة من الورش الي تحتاج :

* كاميره إحترافية أو شبه إحترافيه .
* مرونه.
* سرعة .
* القاعدة الأحادية ( Mono Pod ) ليس بالضروره .

سأشرح الدرس :


تطويق الحركة هي عملية تتبع الهدف ( موضوع التصوير ) من خلال عدسة الكاميرة وذلك بوضع موضوع التصوير بالاعتبار من مسافة بعيده وبمجرد وصول الموضوع للنقطة المحدده يتم الضغط على زر التصوير برفق جدا لمنع حدث إهتزازات غير مستحبة مع سحب الكاميره بهدوء وتتبع استمرار الهدف للحصول على أفضل النتائج.


يتم في الغالب ضبط إعدادات الكاميره يدويا (Manual) حيث يتم إختيار فتحة العدسة وسرعة الغالق وتحديد سرعة الغالق تكون في الغالب ما بين 1/20 إلى 1/ 50 حسب موضوع وظروف التصوير.

ملاحظات مهمة :

* قبل البدء بالتصوير يجب ضبط الفوكس على نقطه معينه وإختيار أما أن يكون الفوكس يدوي أو أوتوماتيكي ويرجع ذلك لسرعة الجسم ونوع العدسة .


راح أحطلكم تطبيقات لأن مع التطبيقات راح تستوعبون الدرس أكثر وبالتمرين راح تطلعون بنتايج حلوه ,, وكل وحده فيكم ألحين تطلع بالشارع عند باب بيتهم وبس تمر سياره تصورها لووووول :dddds:,, بس انا مو مسؤولة عن النتايج

مثال (1)



مثال (2)


وممكن يكون الفوكس على جزي معين من الجسم ,,

مثال (3)




هذه الأمثلة ممكن تكون وضحتلكم الفكره أتمنى أشوف تطبيقاتكم

 

[a7la tooota]

يعطيج العافيه نوونه عالشرح الحلووو ,, بس مع التطبيق بيصير الدرس أسهل وأحلى ,,

وهذا تطبيق من تطبيقاتي بحطه عشان أشجع البنات ,,

وأي استفسار من عيوني بس سألوا

 

[No0oNh]

الله يعافيج توته ,, وتسلم ايدج عالتطبيق الحلووو

 

[đeɱɛɼɑ™]

الله وناااسة ~.
يعطيييكم الف الف عاافية **

بس حبيبتي ما فهمت يعني اخلي الكاميرا ثابته ولا احركها ؟ واذا حركتها راح يصير فيه اهتزااز ؟

يعني انا بصور مثلا اختي واهيه تركض يعني اخلي الكاميرا ثابته واقولها ركضي صوبي واهيه تركض اصورها ؟

سوري بس اول مرة يمر علي هالنوع من التصوييير

 

[Artist81]

يعطيج العافيه على هالورشه المميزه بس
أختي ياليت تشرحين الدرس بتفصيل اكثر

 

[No0oNh]

الله وناااسة ~.
يعطيييكم الف الف عاافية **

بس حبيبتي ما فهمت يعني اخلي الكاميرا ثابته ولا احركها ؟ واذا حركتها راح يصير فيه اهتزااز ؟

يعني انا بصور مثلا اختي واهيه تركض يعني اخلي الكاميرا ثابته واقولها ركضي صوبي واهيه تركض اصورها ؟

سوري بس اول مرة يمر علي هالنوع من التصوييير

شوفي حبيبتي لأ ما تخلين الكاميره ثابته انا قلت أن نحتاج مرونه وسرعه يعني مثلا ألحين اختج بتركض صح ضبطي الاعدادت ووجهي الكاميره عليها من وقت ما تنطلق لما توصل وانتي حطي الفوكس عليها وتحركي معاها وطلبعا راح تستمرين بأخذ اللقطات وتتحركين معاها بالضبط وان شاء الله بتوصلين لنتيجه حلوه ,, وبالنسبة للاهتزاز لأ ما راح يصير حاولي أن تكون عندج مرونه بمسك الكاميره وتحركي مع الجسم ,, أي سؤال أنا حاضره

 

[No0oNh]

يعطيج العافيه على هالورشه المميزه بس
أختي ياليت تشرحين الدرس بتفصيل اكثر

شوفي حبيبتي الدرس مبين ان صعب ويخرع بس اهو جدا بسيط وبالمحاولة بتضبطينه لازم يتوفر عندج المطلوب والتجربه خير برهان ,, ببساطه ضبطي الاعدادت وتحركي مع تحرك الجسم واستمري بالضغط على الزر علشان تلتقطين الصوره من اكثر من زاوية وتطوقين حركة الجسم يا ريت أشوف تطبيقج لأن بالتطبيق راح ترسخ بمخج الفكره حتى لو كان تطبيق خاطيء راح تتعلمين منه حيااج ,, وترى هذا ابسط شي وباسلوبي يعني الدروس الي بتلاقينها بالنت بتصعب عليج المسأله ,

 

[đeɱɛɼɑ™]

شوفي حبيبتي لأ ما تخلين الكاميره ثابته انا قلت أن نحتاج مرونه وسرعه يعني مثلا ألحين اختج بتركض صح ضبطي الاعدادت ووجهي الكاميره عليها من وقت ما تنطلق لما توصل وانتي حطي الفوكس عليها وتحركي معاها وطلبعا راح تستمرين بأخذ اللقطات وتتحركين معاها بالضبط وان شاء الله بتوصلين لنتيجه حلوه ,, وبالنسبة للاهتزاز لأ ما راح يصير حاولي أن تكون عندج مرونه بمسك الكاميره وتحركي مع الجسم ,, أي سؤال أنا حاضره

ان شاااء الله الحيين بجررربها :ggdw:

عااد انا اييدي تررررجف واايد :krkrkr:

ان شاء الله ما يصير فيه اهتزاااز

و راجعة بالتطبيق ان شاء الله

 

[No0oNh]

ان شاااء الله الحيين بجررربها :ggdw:

عااد انا اييدي تررررجف واايد :krkrkr:

ان شاء الله ما يصير فيه اهتزاااز

و راجعة بالتطبيق ان شاء الله

أوكي ناطرتج

 

[SupeR-GirL]

يعطيج العافيه نونه
وان شاء الله اطبق قريبا

 

[No0oNh]

الله يعافيج حبيبتي ننتظر التطبيق

 

[No0oNh]

هذا تطبيقي ,,,

 

[بقايا غرامك]

بجرب بس تضبط مع كآميرا عاديه؟؟ يعني مب احترافيه ؟
وانشالله احط تطبيقي عاد اذا ماضبطت بحط خدامتنا تركض وانا اصورها لووووول لالا جد بجرب
تسلمين حبيبتي

 

[No0oNh]

الله يسلمج حبيبتي ,, ناطرين التطبيق ,,

 

[أم عزيـز]

ما ادري ليش ما ضبط معاي !!!

مع ان كاميرتي كانون g10

 

[بقايا غرامك]

هذا تطبيقي بس مو ضابط عدل لان مافي احد راضي يركض !!
حطيت كره وحركتها !!

شكله غلط لوووول

 

[a7la tooota]

بنات سوو نفسنا اوقفوا عند الرصيف بالشارع وأي سياره تمر او سيكل طبقوا عليهم لووول ,, او اللي اخوها او احد من اهلها يتبرع يسوق

السياره ويمرون جدامكم وتصورون

 

[a7la tooota]

ما ادري ليش ما ضبط معاي !!!

مع ان كاميرتي كانون g10

حبيبتي شنووو الاعدادات اللي سويتيها ؟ سويتي نفس ما نونه كاتبه ؟؟

 

[a7la tooota]

هذا تطبيقي بس مو ضابط عدل لان مافي احد راضي يركض !!
حطيت كره وحركتها !!

شكله غلط لوووول

تطبيقج فيه اغلاط وايد لووووول ميخالف عيدي كذا مره لما تضبط معاج لأنه الفوكس مو مضبوط

 

[بقايا غرامك]

ايي افف شكلي بسوي مثل ماقالت نونآ بقعد عند باب بيتنا
بس شسوي موراضي يضبط بعد لان كامرتي عاديه !! انشالله بس تطلع النتايج وانشالله ناجحه اشتري احترافيه لووول !!