ورمات تحت الابط بعد الولادة

[Jannat]

السلام عليكم ورحمة الله

اخباركم ياحوامل

انا صارلي اليوم اسبوع من ولدت واليوم الثالث طلعت لي نفخات تحت اباطي وصدري كبر وصار يابس والنفخات الم مو طبيعي يوم رحت المستشفى شفطولي صدري وقالت لي سوي كمادات واشفطي واسوي كمادات مرات والشفط اشفط واليوم سهرانه من امس من الالم ذبحني الم الورمات بليز الي مرت بنفس حالتي تفيدني:eh_s(16)::eh_s(16)::eh_s(16):

 

[Aloe Vera]

هذا حليب اذا ماني غلطانة
الحل انج ترضعين و تشفطين

و اذا ماتبين ترضعين اخذي دوا ينشف الحليب

 

[الشيخه فطامي]

اعتقد صدرج وارم من الحليب تاكدي جان سالتي المستشفى شنو هذا عشان تتطمنين اكثر

 

[M!SS.LOBY]

ما تشوفين شر ان شاءالله

 

[M!SS.LOBY]

سبحان الله

 

[M!SS.LOBY]

الحمدالله

 

[M!SS.LOBY]

الله اكبر

 

[M!SS.LOBY]

استغفر الله

استغفر الله

استغفر الله

 

[انصاريه قمره]

سلامتج يا قلبي ومثل ما قالوا البنات من الحليب يا انج ترضعين او تشفطين صدرج وتخزنينه و اذا ما تبين ترضعين اخذي حبوب تنشف الحليب وحطي كمادات ماي دافي على صدرج

 

[أم ميميتو]

حبيبتي ديري بالج انا صار معاي جذي و طنشت ولدي ما يرضى يرضع من صدري قالولي عادي الحليب
ينشف بروحه و نشف من بس باليمين ضل الحليب وصار صديد الله لا ذوقه احد الي ذقته
دخلت المستشفى و فتحولي فتحتين بصدري عشان يطلعون الخراج الي اهو الحليب

 

[*sweetgirl*]

انا ببجري طلعت لي ورمات بس بدون الم واخترعت ورحت الطبيب قالي عادي رضعي وايد من صدرج وحطي جمادات

وبعيالي الباجي لا ينتفخوون وعوار مو طبيعي بس ارضع يخف ويرد ينتفخ لدرجه ماقدر انزل ايدي وصدري احسه بينفجر واحمررر مايخف الا بالجمادات

وهذا الحين حامل والعوار من الحين بابطي بس بدون انتفاخ والله يعيين بعد الولاده

حطي جمادات مرة بارده ومرة دافيه وبترتاحين وحطي زيت زيتون وهمزي وحاولي تعصرين الحليب لان الشفاطه مع انتفاخ صدرج بياذيج وبيزيد العوار عليج وماراح تقدرين تشفطينه

 

[Om_RaYomaH]

من الحليب اختي
انا جذي صدري ينتفخ ويعورني لي مكان الاباط والغدد اللي بالاباط تلتهب من كثر الحليب
اذا مايرضع البيبي منه نشغي الحليب وارتاحي لا يصير معاج صديد بسبته
امي مسكينه مرتين صار معاها واخر شي صارلها مثل الورمه كيس دهني تحت الاباط شكبره كانه صدر ثاني وشالته
والصديد الامه تذبح يشقون الصدر يطلعونه الوالدة صار بالثديين مسكينه،،
فنصيحة بنات الحليب لا يتخزن بالصدر مو زين

 

[جـوود الحب]

اذا تسمحيلي حبيتي انا طالع لي ورمه تحط الابط بس حامل ماولدت توني.. .بس ورم خفيف بارز اشوي مادري بعد من الحليب???

 

[M!SS.LOBY]

معاهم حق البنات الحليب اذا بقى بالصدر يتحول الى صديد

 

[M!SS.LOBY]

سبحان الله

 

[M!SS.LOBY]

الحمدالله

 

[M!SS.LOBY]

الله أكبر

 

[M!SS.LOBY]

استغفر الله

استغفر الله

استغفر الله

 

[Om_RaYomaH]

جود الحب
هذي الغدد اللمفاوية
تلتهب وتكبر وممكن تكون اكياس دهنية
بسبب هرمونات الحمل
في حريم تروح لعد الولادة والنفاس
وفي لا تقعد
امي ظلوا معاها وشالتهم بعملية
اخذوا خزعة وحللوه ويسمونه بالثدي الثالث
وعقب شالوه لها
لا تحاتين عادي ولاتراجعين فيه الا بعد الولادة
او اذا كبر بسرعه ولونه غير عن الجسم

 

[Jannat]

مشكورين حبايب قلبي والله خوفتوني انا اشفط دايما واسوي كمادات ارتاح بس ماشاءالله الحليب وايد ويوم رحت عندهم قالت لي اشفطي كل ثلاث دقايق وتعرفون مافي وقت وبنتي تبي رعاية فاشفط كل ماحصلت فرصه والله ضهري تكسر بس يله الحمدالله بصبر لاني ابي ارضع طبيعي مابي اشرب حبوب وينشف تسلمون فديتكم على الردود ماقصرتو