وزارة الخارجية !

[u1916]

السلام عليكم ورحمته الله وبركته

شخباركم بنات ؟

بنات انا ولدي توه متخرج من علوم سياسية من احدى الدول العربية

و مقدم ع وزارة الخارجية و ابوه قال كل شي تمام لقينه له واسطه و يدش ان شاء الله و لكن عندي جم سوال

1 - شلون نظام الترقيات اهناك يبدي يعني يشتغل موظف عادي وله يدزونه موظف فا احدى السفارات بره و جم يبيله علشان يوصل سفير او قنصل

2 - انا سمعت من رفيجتي في شي اسمه اختبار للدبلوماسين و ما عندي اي فكره عنه

3 - جم معاشاتهم ؟

و مع سلامه

 

[u1916]

وينكم ؟؟؟؟؟؟؟؟؟

 

[حنانو 89]

ما ادري والله بس بسالج حبيبتي التقديم بالخارجيه دايركت عندهم ولا لازم ننطر اعلانهم بالجرايد

 

[u1916]

ما ادري والله بس بسالج حبيبتي التقديم بالخارجيه دايركت عندهم ولا لازم ننطر اعلانهم بالجرايد

لا دايركت

 

[u1916]

ولا رد يفيد ي بنات وينكم !

 

[<miss botamba>]

الي اعرفه بعد التخرج يدخلون معهد سعود الناصر الصباح الدبلوماسي

وياخذون دورات بس للاسف ما اعرف المده واعتقد خلال الدورات يمشي لهم معاش


وبعدها على حسب ناس يطرشونهم بره وناس يشتغلون بالوزاره او المعهد نفسه

واذا دزوهم بره يشتغلون بالسفارات او القنصليات وجنه اقل شي 3 سنوات وبعدها يتغير المكان


بس التدرج الوظيفي ما اعرف عنه شي

 

[Moi belle]

صج يعني الحين لو اقدم عندهم انقبل مو لازم اعلان ؟! وين مكانهم من ناحية الامتحان لاتحاتين تري سهل رفيجاتي علم اجتماع ونجحو يقلون سخيف

 

[Moi belle]

قبلو وين بالسلك الدبلوماسي او الخارجيه العادي

 

[u1916]

الي اعرفه بعد التخرج يدخلون معهد سعود الناصر الصباح الدبلوماسي

وياخذون دورات بس للاسف ما اعرف المده واعتقد خلال الدورات يمشي لهم معاش


وبعدها على حسب ناس يطرشونهم بره وناس يشتغلون بالوزاره او المعهد نفسه

واذا دزوهم بره يشتغلون بالسفارات او القنصليات وجنه اقل شي 3 سنوات وبعدها يتغير المكان


بس التدرج الوظيفي ما اعرف عنه شي

اختي شسالفة هالمعهد ياليت تشرحين اكثر , يعطيج العافيه و ناطرين البنات

صج يعني الحين لو اقدم عندهم انقبل مو لازم اعلان ؟! وين مكانهم من ناحية الامتحان لاتحاتين تري سهل رفيجاتي علم اجتماع ونجحو يقلون سخيف

الي سمعته زوجي يقول في ناس يايبن احسن من ولدي بوايد من ناحية النسبه بس انرفضو لنه ماعندهم واسطه والله حرام يدمرون شباب هالجيل

قبلو وين بالسلك الدبلوماسي او الخارجيه العادي

بالدبلوماسي

 

[Moi belle]

علي كلام الشايجي ٩ شهور دوره ١٠٠ واحد ويصفونهم وياخذون ١٠ بس سالي اكثر

 

[u1916]

علي كلام الشايجي 9 شهور دوره 100 واحد ويصفونهم وياخذون 10 بس سالي اكثر

والباجي وين يروحون هل 90 !

و الـ 10 بصفتهم سفراء وله قناصل وله شنو ؟

 

[Moi belle]

10يبلشون بالقنصليه مسيرة السفراء الطويلا وكل ٣ سنوات ترقيات ومكان ثاني وهيك وال٩٠ اتوقع رفض

 

[<miss botamba>]

الدوره يدرسون فيها بس شنو نوع الدراسه مادري

وبعدها اتوقع نفس الي قالته موي ياخذون شويه منهم يشتغلون بالقنصليات وشي طبيعي مايصير سفير على طول الاقل يبيله فوق 6 سنين


لان اساسا الشغل العادي بالقنصليه لازم مو اقل من 3 سنوات وبعدها يصير التدرج الوظيفي

 

[u1916]

الدوره يدرسون فيها بس شنو نوع الدراسه مادري

وبعدها اتوقع نفس الي قالته موي ياخذون شويه منهم يشتغلون بالقنصليات وشي طبيعي مايصير سفير على طول الاقل يبيله فوق 6 سنين


لان اساسا الشغل العادي بالقنصليه لازم مو اقل من 3 سنوات وبعدها يصير التدرج الوظيفي

بس حرام هل 90 يروحون ع فاضي و دارسين و تعبانين

 

[om_ibrahim]

للرفع

 

[shea butter]

اول شي اختي

في فرق بين دبلوماسي وبين وزارة الخارجية

لانه وزارة الخارجية فيها موظفين اداريين بجميع التخصصات حالهم حال باجي الوزارات, وايظا الدبلوماسيين تابعين للوزارة

وبالنسبة للدبلوماسيين يتم الاعلان عنها كل سنة عادتها شهر 8 او 9 ويقدمون عليها

ودورتهم مدتها سنه واحده وبعدها يكون مسماه " ملحق دبلوماسي "

بيتم سنتين بوزارة الخارجية بالكويت باحدى الادارات الخاصة للدبلوماسيين وبعدها يدزونه للخارج اهوا وحظه اي دولة

وللعلم مو شرط بعد التخرج يقعد سنتين بالوزارة مرات يكون في حاجة بالخارج ويرسلونه

طبعا المسميات والترقيات تكون كالتالي:

1- ملحق دبلوماسي
2- سكرتير ثالث
3- سكرتير ثاني
4- سكرتير اول
5- مستشار
6- قنصل (يقدر يرفضها وينطر لين يصير سفير)
7- سفير

الترقية تقريبا كل ثلاث سنين

ممكن يوصل سفير خلال 12 سنة هالحروة

طبعا لا تسوووووووووووولفين عن المعاش لانه الدبلوماسي خلاص انفتحت له الدنياااااااااااا يغرق بالفلووووووس

اول شي معاشهم بالخارج يكون الدبل + السكن على حساب الدولة واهوا يختر افخم شقة مهما كان سعرها + عياله وزوجته واهوا جوازات حمر وحصانة دبلوماسي + عياله افضل مدارس على حساب الدولة

طبعا لا تنسين انه الدبلوماسي يغرقونه هدايا خاصتا لما الشخصيات الكبيرة من دولتنا تزور السفارة عندهم وايظا لما يلتقي بشخصيات من الدولة اللي اهوا فيها

يعني اقل شي يحصل عليه ساعة رولكس قيمتها 5 الاف لووول

وبالنسبة للاختبار اذكر اخر اختبار لهم كانت بعض الاسئلة كالتالي :

1- ما رايك بالرربيع العربي؟
2- ما ريك بفكرة الاتحاد الكونفدرالي؟
3- ما رايك بمؤتمر الدول المانحين لسوريا هذا اللي صار 2012 شهر 10
4- ما هي الاخطار على الكويت؟؟


وفي 15 سؤال انجليزي اختيارات
وفي فقرة بالانجليزي واستخرج منها اجابات لبعض الاسئلة

يعني تقريبا فكرة الاسئلة جذي

يعني لازم يكون الشخص متابع اخر الاخبار ومطلع وعنده ثقافه تساعده بكتابة الاجابات

وطبعا فوق كل هذا الواااسطة ثم الواااسطة

وموفقه خير

 

[شموخ نثيه]

الموضوغ صعب اشرحه لج اهني ...
انا اعرف طريقة التقديم ومتابعتهم بالتفصيل

ولدج جم عمره ونسبته ؟

 

[u1916]

الموضوغ صعب اشرحه لج اهني ...
انا اعرف طريقة التقديم ومتابعتهم بالتفصيل

ولدج جم عمره ونسبته ؟

ولدي متخرج بنسبة بالسبعينات تقريبا جنه 76 مدري 75 لنه صراحه م الومه الجامعه حيل صعبه وولدي مو ذاك الذكي يعني

عمره 22

بس بغيت اسالج مدام لج خبره انا سمعت انه مهما كانت النسبه اهم شي السهاده و الواسطه يعني لو يايب 51 يقبلونه !

 

[شموخ نثيه]

لا يبا الواسطه بالايام الاخيرة مو كل شي .. جم تعادل نسبته بنظام الاربع نقاط

 

[u1916]

لا يبا الواسطه بالايام الاخيرة مو كل شي .. جم تعادل نسبته بنظام الاربع نقاط

نسبته 2.8 !