وزارة الداخليه

[اصلن عادي]

السلام عليكم
بنات اقبلووووني بالداخليه
شرايكم ارفض والا لا
ووين احسن مكان بالداخليه
وجم معاشهم للدبلوم
وشتنصحوووووووووووووووني فيه
وجزاكم الله خير:eh_s(7):

 

[اصلن عادي]

رد : وزارة الداخليه

وييييييييييييييينكم شدعوه ولا وحده ردت

 

[تربويه وافتخر]

رد : وزارة الداخليه

أول شي قلبي

مبرووك الوظيفه استخيري ربج وان شاء الله ماكو الا كل خيرر


انا سامعه انه المكان حلوو وراقي والشغل فيه زين والراتب بحدود 600 تقريباا

هذا الى اعرفه وبس اجيب لج الخبر الاكيد بطرش لج رساله ع الخااص فديتج

 

[اصلن عادي]

رد : وزارة الداخليه

حبيبتي تربويه جزاج الله خير


وينكم يالباجي

شنو محد يعرف ع الداخليه شي؟؟؟؟؟؟؟؟؟؟؟؟

 

[Almasa_Alzarqa]

مبروك الوظيفه


المعاش 650 لدبلوم ،، وعالفكره اقوى معاش اهو الداخلية والدفاع ،، والباقي الوزارات معاشج بحدود 500 ،،


آنا بالمرور الحمدلله مرتاحه فيه والباقي الادارات ما اعرف عنهم بس ابعدي عن الادله الجنائيه و الهجره



بالتوفيق ...

 

[$حبيبة عبودي$]

الداخليه نو وي

 

[كيفي قدساوية]

حبيبة عبودي ليش نو وي الداخلية ترى بكل مكان الزين و الشين صح و لا ؟؟؟

 

[$حبيبة عبودي$]

كيفي صورتج عجييييييبه صح كلامج بكل مكان الزين والشين

 

[كيفي قدساوية]

حبيبة عبودي ما تغلا عليج الصورة

 

[emankuwaiti]

الله يوفقج ان شاء الله

نصيحة بعدي عن الداخلية

أنا ودي أطلع منها اليوم قبل باجر

 

[غموض q8]

معاشاتهم 600 وشي


واذا انتي بالمنطقه العاشرة وتبين ادارة قريبه اختاري المرور

تبين معلومات اكثر قولي لي

 

[شيطووونه]

انا طلع الصحةورفضت قالوليلي عندج الداخلية اذا تبين تسوين ربط وسويت ربط بالداخليه

سؤالي صج يصير اشتغل بالمطار لانه احنا بغرب الجليب يم بيتنا وشنوو طبيعة شغلهم

وشلون خدمة المواطن انا احب مكان يكون في شغل بس حلو مو الي استخف عشان ما امل شرايكم بالمرورو ؟

 

[Lady-_-fushia]

شلون تقولون احسن معاش!!! واهو 600
وبالوزارات الباجي معاش مساعد المهندس الدبلوم 750 او 700 و شوي
!!!
فرق كبير مو بسيط
فهل في فرق اتمنى احد يرد علينا لان انا بعد طلع ترشيحي هناك و حده متحبطه !

 

[cola girl]

اب اب

 

[إنسانة أكثر]

السلام عليكم والرحمة ...

.
.
.

​

مليون مبروك حبيبتي

رزق جابه الله لج لاتردينه

بكل مكان فيه جيد وسيئ

تبي تقنعيني إن الوزارات الباقية كل اللي فيها نظيفات !

الله يستر على بنات الحلال لكن صدقيني كل مكان فيه خير وشر

ولا هالعالم كله سواسيه عندج ماكان ربي خلق نار وجنة

حتى أهل البيت الواحد فيهم الزين والشين فيهم اللي اخلاقه حميدة وفيهم اللي اخلاقه سيئة

توكلي على الله وعيشي حياتج المهنية وقولي الخيره فيما اختاره الله

خلاص طالما طلع اسمج بالداخلية توكلي على الله

أنا زميلتج من المنافذ البرية

واللي بالمطار مرتاحات ع الآخر دواماتهم اربعه بأربعه

يعني اربع ايام يداومون شفتين صبح وشفتين عصر واربع ايام مرتاحة بالبيت

أول كان دواماتهم شفتين ليل بعد يعني سته بيومين كانوا يداومون ست ايام وoff يومين

لكن الله يعز الحكومة مايبي يكدشون بناتهم بالشغل ولايبونهم يدوامون ليل

يعني المطار حبيبتي 4 × 4 >>>> 4 ايام دوام _ 4 ايام off

ونصيحة إذا وقع اختيارج ع المطار اختاري الجديد اللي هو للشخصيات فقط يقولون فله

يعني مافيه دوام الوضع على كيفج

ورفيجتي بــ خدمة المواطن مرتاحة حيل عليها يداومون 4 ايام ويوم رخصة بالأسبوع

غير هذيلا لاتروحين يعني نصيحة يا مطار يا خدمة مواطن

وصدقيني خدمة المواطن فيها راحة لج أكثر وإذا حابة المطار فالحياة قدامج وشوفي شاللي تبينه

وإعذريني عزيزتي ماشفت مووضوعج إلا تو لأني ماأدخل كثير لهالقسم

والله يوفقج ويكتبلج الخير

موفقة :eh_s(7):​

 

[إنسانة أكثر]

إيه نسيت سؤالج عن المعاشات

شي طبيعي يبتدي معاشج من 600 وفوق حبيبتي

لأنج توج حديثة لاتسألين اللي معاشها 800 أو 900

هذيلا تُحْسَبْ لهم سنين الخدمة بالعلاوات الدورية بالزيادات والدرجات

بيوصل معاشج 900 و1000 إن شاءالله مع السنوات بس انتي تحركي وداومي

وأهم شي الراحة ... راحتج أهم من الفلوس

شدي حيلج وسنعي أوراقج وتوكلي على الله

وآبشرج تبي تجي زيادة للداخلية كانت بتنزل هالشهر بس أجلوها لشهر 5 والله كريم

الظاهر ينطرونج :ggdw:

بالتوفيق :eh_s(7):​

 

[emankuwaiti]

الله يوفقج ان شاء الله

 

[Lady-_-fushia]

امين الله يسمع منكم و الله يوفق الكل يارب
ان شاء الله خير

انا مو عن شي بس احنا زياداتنا ماتيي بسهاله الفنيين
انا خريجه كلية التكنولوجيا مو الاتصالات و الملاحه
واللي اعرفه ان احنا معاشاتنا تبدي من 700 مع الكوادر و كل شي يعني الخلاصه
بس الله كريم

 

[جوك احلى جو]

بالداخليه اللي سمعته ان معاشهم اقوا من

التخطيط والدفاع معاشهم عادي

واذا ع الناس فهالشي الوحيد اللي ماتظمنينه لان بكل مكان الزين والشين ويعتمد علي تعاملج خففي علاقات وخلج رسميه قد ماتقدرين وعساج تسلمين

 

[كيفي قدساوية]

بنات أنا انقبلت بإدارة التحقيقات شرايكم فيها ؟؟؟