وزنج فوق ال 100 ؟؟... تابعيني ..!!!

[*مرامي*]

السلام عليكم

اشلونكم بنات وعساكم دوووم بخير يارب












حربنا مع السمنه مستمره حتى نثبت جدارتنا ونوصل للوزن المثالي اللي يوفر لنا الصحه الجسمانيه والنفسيه


وبما اني اعاني مماتعانون منه
قررت ابدي هذي الحرب وان شاء الله اكون الفايزه
وعزمت اروح حق دكتور شاطر ينظم اكلي ويتابع وزني
وهذا الدكتور اعتقد الكل يعرفه د.محمد ربيع
ويمكن تسئلون ليش اخترت هذا الدكتور بالذات!!

اقولكم...
بما اني افتريت على دكاتره وايد منهم طالب الشمري و يوسف الخضر وبوعباس وكلهم لهم كل التقدير والاحترام
ولا انقص من قدرهم شيْ
اتجهت اخيرا الى الدكتور محمد ربيع لانه
1- خبير ومستشار غذائي
2- ماجستير تكنولوجيا الغذاء جامعة القاهره
3- ماجستير تغذيه انسان وتغذيه علاجيه انجلترا
4- دكتوراه كيمياء حيويه جامعة القاهره
5- التغذيه العلاجيه للانسان انجلترا

وواااااااايد سمعت عنه وشفت مرضاه وماشاء الله اغلبهم واصلوا وانجحوا


وبما اني بلتزم معاه فقلت افيدكم وراح انزل اسبوعيا رجيم يديد اللي بكل مراجعه يعطيني اياه



نبدي برجيم الاسبوع الاول وهو تنظيف الجسم من السموم

ملاحظات يجب الالتزام بها

التسميه قبل الاكل والاكل ببطيء
الحركه الخفيفه
عدم استخدام الزيت (للسلطه ملعقه واحده زيت زيتون)
جميع المنتجات المستخدمه خالية الدسم
يستخدم تونه بالماء
عدم النوم بعد الاكل مباشره



الصبح كوب حليب خالي الدسم +سكر للرجيم واذا تحبين تضيفين النسكافيه مافي مشكله
ويكرر


بين الريوق والغدا حبة فاكهه او عصير اناناس


الغدا

علبة تونه محموسه او غير مع سلطه بالصوص العادي من غير اضافة مايونيز وعليها ملعقة زيت زيتون
2 صدر دياي تقدرين تسوينهم بأي طريقه تحبينها (صينية دياي)غير القلي ومن غير اضافة الدهن والبطاط+سلطه
2 ستيك لحم (مثل الدنا تبلته الدياي بس انا تبلته وشويته في مقلى التيفال طلع اينن)+صوص المشروم من غير طحين ونشا وجبن6-8
قطع شيشطاووق +سلطه


(مع كل وجبه تقدرين تاكلين نص خبزه او 3 ملا عق عيش)


بين الغدا والعشا حبة فاكهه او مثل الريوق


العشا


اذا بتضعفين اسرع
سوي سلطة روب وخيار ونعناع بس يكون الروب خالي الدسم
واذا كنتي يوعانه
نص خبزه مع جبن وخضره اللي تحبينها مع حبة فاكهه او عصير​

واي استفسار عن الوصفات انا بخدمتكم
وانتظروني السبت القادم احطلكم رجيم الاسبوع الثاني

 

[afesa]

شكرا خوش ريجيم ..بس الريوق صعب والنهار طويل شيقزر اليوع بالدوام ......الله يساعدنا ويعينا
انا تعبت من الريجيم ومليت بس بالنهايه ارتفع الكوليسترول عندي ...فرديت للريجيم مره ثانيه وباجرب هالريجيم معاك
الله يساعدج وشكرا

 

[78MariMar78]

الأكل قليل

وحنا مو متعودين الا على الرز والخبز..

 

[*مرامي*]

afesa

هلا فيج حياتي

بالعكس الربوق وايد ممتاز ويشبع

اخذيه الساعه 10 الصبح
النسكافيه والتمر يسد الشهيه

والسناك عندج فاكهه او عصير ( اي نوع طبعا بس يكون غير محلا )

وبالتوفيق ان شاء الله
ياليت تبدين فيه باجر وتعطينا النتائج بعد اسبوع
راح تنزليت 4 كيلو بأن الله

 

[*مرامي*]

78MariMar78

اهلا فيج
بالعكس اليوم حافل بالاكل واهو سامح بالرز 3 ملاعق او نصف خبزه واي نوع مو مشكله
انجي جربيه 3 ايام ماراح تخسرين شي
وان شاء الله تضعفين على صحه يارب

 

[afesa]

خلاص مرامي انا بابتدي معاك باجر بس باضيف توست اسمر وجبن قليل الدسم عالريوق بدل التمر ونشوف النتايج

 

[*مرامي*]

اوكي
اذا جذي
خلي عشاج اغلب الاحيان روب خالي الدسم وخيار ونعناع
وبالتوفيق ان شاء الله

عطينا النتايج الاحد الياي

 

[*مرامي*]

وينكم

25 وحده دشنوا
بس وحده عندها اصرار؟؟؟ظ


افا عليكم بس
تعالوا يالله انتعاون ونودع السمنه

 

[JnJoOona]

الله يوفقج وتضعفين بصحه وعافيه

بس ودي ابدي معاج وودي اكمل رجييم طالب الشمري مممممم اشوف هالاسبوع اخلصه وبعدها ابدي معاج ان شاء الله

 

[ابرار]

بالعكس مرامي رجيمج وايد عجبني انا متابعه وياج ويا ليت تكملين وتقولين لنا جدولج بكل مراجعه ويعطيج الف صحه وعافيه...

 

[*مرامي*]

جنجونا حياج الله حبيبتي
شوفي اللي يريحج


ابرار يالله همتج وياي
وكل مراجعه بحط لكم التفاصيل
انا باجر موعدي بس بقولكم السبت الياي
عشان يكون منظم
انتي ابدي من باجر
وان شاء الله تضعفين

 

[فجورهـ]

خوووش شي

موفقه خيــتي

ودي اجرب بس انا اعرف روحي مااحب اتقيد

 

[*مرامي*]

عاش عاش الفريق الابيض

على راحتج حبيبتي
سوي اللي تشوفينه مناسب حقج
بس اذا توهقتي بعشا او غدا تعالي عندي
احم احم احم

 

[KOKOWA]

انا بعد وياكم انشا الله ببتدي من باجر يلا عاد انشا الله نضعف والله انا ملييييييت بجرب هذا اخر شي اذا ما ضعفت بسوي عمليه وخلاص صج صج ملييييييييييييييييييت انا ملييييييييت وزادت جروحي <<< لول اندمجت حبتين لا صج والله بس ابي اضعف برحم حالي شوي

 

[*مرامي*]

هههههههههههه
خليج معاي وشيلي من بالج العمليه
خليها اخر شي

وان شاء الله معانا بتضعفين
بس تابعيني

 

[مســـــك]

كل تجمع ادشه يعجبني وودي ادشه

بس اعرف نفسي رديه جدام الأكل

لووووووووووووول

 

[تيناا]

مرامي اول شي اهنيج على اختيارج الصحيح 100% انشالله انا من حوالي ثلاث سنوات رحت حق محمد ربيع ونزلت 10 كيلو بالشهر
وهديته لاني بطه وكسوله ولكن للامانه انه مع محمد ربيع بشرتي وشعري صاروا شي ثاني لانه فعلا دكتور (تغذيه علاجية) مو بس ريجيم
والسلام وسبحان الله اليوم اول يوم لي ريجيم محمد ربيع نفس اللي مشيت عليه من سنه والله يوفقنا ويثبتنا ويقوي ارادتنا يارب ..
اي مرامي اعتقد انج ناسيه تكتبين التمر بالفطور لانه حاط تمر بوجبه الفطور .. انتي جم وزنج وطولج ؟

 

[*مرامي*]

مسك
لا رديه ولا شي
بس جربي منتي خسرانه <<< طبعا غير جم اشحمه

 

[*مرامي*]

تينا
هلا وغلا فيج حبيبتي

يمكن ما انتبهتي انا حاطه الفطور بس كاتبه الصبح



واي والله صاجه
اليوم رحتله والا نازله 4 كيلو ماشاء الله
واهم عطاني اكل على راحتي
بس ماراح احطه الا السبت الياي

ويالله همتج وياي

 

[*مرامي*]

وييييييي صح
الله يذكرج بالشهاده


الفطور 3-5 تمرات

انا حسبالي تقولين مو حاطه الفطور