وزني جنني .. ربي يوفقكم جاوبوني ..

[روح شقيانه]

هاي ثاني موضوع لي بهالقسم

وهم بعد مشكلة اتحبط

فيني قهر مو طبيعي :eh_s(14):

وزني ثبت عند نقطة معينة وقاعد يزيد وساعات يرد يرجع لهالنقطة يعني ثابت عند هالنقطة .. يزيد ويرد ينقص بس لحد هالوزن ماينقص اكثر .. هل هذا هو الي يسمونه ثبات الوزن ولازم اكسر الرجيم ؟ اووو لازم انطر اشويه ؟؟ صار لي تقريبا اسبوعين ع الرجيم نزلت خمسة كيلو بس مو ثابتين !

توضيح : وزني قبل الرجيم 100 :eh_s(2):

صار الحين 95 و وقف لحد اهني .. يزيد ساعات 96 او 97 ويرد ينقص 95 .. بس ابد ماينزل اكثر ..

هل في مشكلة ولازم اكسر الرجيم او اواصل وانتظر ؟؟


على فكره هالشي صار لي من قبل سويت رجيم واتحطبت جان اكل كل الي جدامي من القهر

وسلامتكم :eh_s(11):

 

[فجر_الكويت]

ان شاء الله البنات يفيدونج اكثر يارب

 

[قطوووة]

حبيبتي ؤزنج مايبيله اسبؤع ؤلا اسبؤعين

التزمي باكل صححي شهرين تقدرين تنزلين 10 الى 15 كيلؤ ان كنتي ماشيه صح + رياضة

 

[جـــواهر]

لا لاتحبطين حبيبتي اللي طاح منج السوائل
يبيلج بعد عشان تنزل الدهون لاااااتوقفين استتتمري
هذا اهو الوزن لازم يوقف عند رقم بعدين فجاءه ينزل نزول طبيعي
وبعدين مو شرط تدرين رفيجتي مسويه عمليه تكميم يعني انا اشوف البنت
حييييييل تغيرت ضعفت وااااااجد عن قبل ويصدمني الرقم اللي نزلته
ماكنها مسويه تكميم والدكتور يقولها هذا شي طبيعي لان كل وحده تختلف عن الثانيه
ووقف وزنها عند رقم معين وفجاءه صارت تنزل نزول سريع

لااااااتحبطين واستمري على رجيمج صدقيني يكفي الشعور بالخفه والصحه الزينه
والثقه بالنفس لااتوزنين انسي الميزان ولاتفكرين بالاكل خلي رجيمج جزء من حياتج

وموفقه

 

[»βαzεя«]

نصيحه مني خشي الميزان لان الوزن مرات يثبت لمده شهر وصج صج يحبط .. خشيه مكان جهنمي وكملي على الرجيم و انسييه بعد فترة شوفيه بتستانسين بالنتيجه اذا كنتي ماشيه صح عالرجيم .. وممكن يكون السبب انج اذا كنتي تلعبين رياضه ممكن الشحم يتحول عضلات فا ماتلقين تغير بالوزن .. اتمنى اني اكون افدتج والله يسهل عليج

 

[amoOoNA Al_mazyoNa]

نفس حالتي انا وزني ثاااااابت صارلي شهر نفس الرقم إستغفر الله

 

[ابـيـض واسـود]

يمكن لان اكلج نفسه نفسه ماتغيريينه

 

[كويت الاناقه]

ان شاء الله البنات يفيدونج اكثر يارب

 

[طريق السعاده]

الله ينحفك وينحفنا بصحه يارب لاتتحبطين < طالعي من ينصح
بس جد انتبهي تتحبطين لان لو تحبطتي بتردين دبل الوزن..
خلي اهتمامك بالرياضه واستمري برجيم وحددي يوم بالشهر توزنين مو كل شوي اعرف صعب بس مثل الي قالت بالرد فوق
خشيه مافي حل ثاني

 

[جـوود الحب]

نفس المعااااناه ....بس اناااعترف اني خربتهااا اشوي بالاكل ..مو البيبسي والشيبس والكاكاوياااات لالا

هو اكلي نفسه بس زاد الاكل تهى تهى >>>يعني ابجي

 

[احاسيس مدفونه..]

ياقلبي يبي لك وقت
جربي هاليومين ريجيم كسر ثبات الوزن
كاسة حليب خالي الدسم كاسة عصير برتقال فريش علبة روب زبادي خالي الدسم
بسس على مدار اليوم بدون اي زيادات
هذا رح يكسر لك ثبات وزنك
وبعدها ابدي ريجيم النقاط 22 نقطه بما ان وزنك فوق تسعين
وبالتوفيق

 

[نسمات 26]

استمري على الرجيم بس لات وزنين الا بعد شهر

وبالتوفيق

 

[انا لحبيبي .]

انا وزني ثابت صرلو 5 شهور

 

[sara sarang]

تدرين ليش الناس دايما ببداية الريجيم يشدون حيلهم وبعدين يخربطون انا اقولج بداية الريجيم بسرعه بسرعه وزنج يمكن تقريبا كليوم كيلو وبعد ما تنزلين هالجم كيلو باول الايام وزنج راح يوقف مع انج مستمرة بالريجيم الناس بس يشوفون وزنهم وقف يملون بعد جم يوم ويخربطوووون انتبهي اتسوين مثلهم خليني اشرحلج
الجم كيلو الي نزلتيهم بالبداية هذيله كانو شحوم يديده بسرعه راحت وبعد ما تذوب هالشحوم تنتقلين حق مرحلة الشحوم المتراكمة والقديمة وهالشحوم تاخذ مدة على ما تروح وللاسف بالهفتره الي مو اكثر من اسبوعين الناس تمل وتقول وزني وقف وتخربط وهذا الشي غلط لازم تستمرين وصدقيني بعدها فجاة وزنج راح يبدا ينزل بسرعه حيل بعدين ما تعدين هالمرحلة راح ينزل بسرعه حيييييييييييييييل , نصيحه هالمرحلة مارة فيها مارة الي يوقف وزنج وهذا شي طبيعي بس صدقيني وراها بتضعفين عشان جذي الدكاتره واخصائئين التغذية دايما يوصون لا تقيسين وزنج يوميا عشان ما تشوفين ان وزنج موقف وتتحبطين وتخربطين ديري بالج

 

[zain-alq8]

كملي حبيبتي ..عادي يثبت الوزن انا رفييجتي ولا شي يدش بحلجها الا اكل الرجيم وكل شوي تنوع ووزنها ثابت صارلها ست شهور بعدها اضعفت مره وحده عشره كيلو

 

[ام علي رفيق]

السلام عليكم و الله سمعت عن حبوب بتخسس بال ١٠ كيلو بدون دايت او ريجيم او حتي رياضة و و الله صديقة لي جربتهم و بتجيبهم كانت من واحدة ابوها بيروح الصين كانت تعطيها ال ٣٠ حباية ب ٣٠ دينار و الحين فيه واحد بعرفه راح الصين و جاب معاه و بدأت فيهم هذا خامس يوم بحس بعطش و سد نفس مع العلم اني مجربة الفايتوشيب و السيبوتريم و الاورليستلت و الزنيكال و الشيتوكال و ريداكتيل و ولا واحد و الله العظيم جاب نتيجة ماعدا الفايتوشيب شهر واحد و الشهر التاني ماعمل شئ المهم اللي تبي علية سوبر سليم ببيعها ب ٢٠ دينار فقط تكفي شهر كامل

 

[B7rainia]

وااااصلي تحملي تخورينها

كنت مثلج بالضبط وزني قبل الرجيم 86 ثبت على 81 يعني نفس حالتج 5 كيلو

خشي الميزان طلعيه عقب شهر او اكثر

انا سويتها تخيلي جفته 69 زين ماوقف قلبي هههههههه

تحملي تيئسين ^_^ حرام يروح تعبج الي بديتي فيه ولا عليج من الي يحبطون والي يحسسج انج مسكينه نزلتي بس خمسه

واصلي عشان تبطين جبودهم هع

وفكري بينج وبين نفسج انج مب مستعيله ماوراج شي نطري ترى الرشاقة تستاهل

 

[اللؤلؤ المتناثر]

انا نفس حالج وزني ثبت موراضي ينزل بس بستمر بالرجيم والرياضه
وإن شاء الله ينزل

​

 

[برنس بيشو]

الحمد للة رب العالمي الرحمن الرحيم مالك يوم الدين