وزني فوق الامية واليوم بديت رجيمي .. نعالوا

[eng-khadkhad]

قوة بنات شلونكم .. انا وحدة وزني فوق الامية .. مابي اقول جم استحي
اليوم بديت ودعيت ربي ان يعطيني الارادة القوية والصبر علشان انزل وانا يبيلي 50 كيلو بس واصير سمبتيك .. لاني طويله وان شاءالله انزلهم ​

اليوم بديت رجيم ديتوكس الي يعطيه دكتور بدر النصرالله .. بس مارحتله انا خذيته من النت ​

الريوق : شربت جاي اخضر وبس
الضحى : 5 مكسرات و3 تمرات وفنجان قهوة عربية ( لان القهوة والجاي عادي باي وقت ) والمفروض حبة فاكهه ( راح اكل باذن الله تفاحة خضرا او كيوية )
الغدا : صحن سلطة متوسطة وسيخين شيش طاووق انا مسويته في البيت
المغرب 3 تمرات وخمس مكسرات وحبة فاكهه بعد ( تفاحه او كيوية )
والعشا : راح اكل تبولة او سلطه وبس​

بنات بالنسبة للرياضه .. الدكتور ما يحبذ الرياضه مع هذا الرجيم في اول اسبوع لانه رجيم قاسي انا راح ابلش رياضة من الاسبوع القادم ان شاءالله وراح اطبق هالرجيم من اليوم الى يوم الجمعه الياي والسبت راح يكون يومي الفري وان شاءالله اصبر ادعولي ​

 

[miss maha]

بتوووووووفيق حبيبتي انا حتى وزني فوق ميه 108 نزلت كليوين مع قروب شيخة البنات رجيم عذاري مرييح و
انشششاء الله نصل وزن المثالي

 

[ام دلال ومنال]

eng-khadkhad

والله كنت بفتح تجمع بس انتي جم وزنج عادي لاتستحين لان ماكو اعلى من وزني انا هههههههه 127 قوولي خن نتشجع مع بعض ويااااارب يرزقنا بالضعف بصحه وعافيه

 

[كلآم نواعم]

الله يقويكم ويصبركم لين تنزلون الوزن الي تبونـه حبآآيبي =)

 

[B7rainia]

بالتوفيييييق وان شاء الله توصلون للي تبونه

 

[كيكه توفي]

موفقه ان شاء الله

 

[البطه البلدية]

موفقه يا الرشيقه هههههههه
انا اليوم اول يوم رجيم مع الدكتور طالب الشمري ..
طبعا و بكل حزن وزني 108.3
وان شاء الله اضعف 6 كيلو خلال هالاسبوعين


كل التوفيق لي و لج ان شاء الله

 

[ام دلال ومنال]

وينج صاحبة الموضوع عسى المانع خيير

 

[eng-khadkhad]

حبيباتي مشكورين امس كان اول يوم رجيم فكان حايشني صداااااااااااااع بس الحمدالله التزمت باللي كتبته واليوم راح امشي على نفس النظام واقولكم النتايج يوم السبت ان شاءالله وماقصرتوااااااااااااا

 

[B7rainia]

اذا حسيتي بدوخة او صداع قوي يعني يمكن السكر نزل عندج سمعت يقولون كلي تمرتين او قفشتين عسل طبيعي وبيصير كل شي اوكي ان شاء الله هاي اول الايام لازم يصيرلج جذي بس بعدين ان شاء الله بتتعودين ومابتحسين بهالصداع

 

[eng-khadkhad]

بنات بقى يومين على الرجيم انا نزلت لي الحين كيلووين
ادعولي استمر .....

 

[eng-khadkhad]

قوة بنات شلونكم ..كانت نتيجة الاسبوع الاول 3 كيلوات وبديت الاسبوع الثاني واهوا عبارة عن :​

الريوق : شربت جاي ليمون مع زنجبيل وبعدها توسته وحدة معاها لبنة او جبنه مع زعتر وخس وخيار وطماط
الضحى : 5 مكسرات و3 تمرات وفنجان قهوة عربية ( لان القهوة والجاي عادي باي وقت ) وحبة فاكهه
الغدا : صحن سلطة متوسطة وسيخين شيش طاووق انا مسويته في البيت
المغرب 3 تمرات وخمس مكسرات وحبة فاكهه بعد ( تفاحه او كيوية )
والعشا : تبولة او شوربة او سلطة او بعض المرات اكلت تبولة مع شوربة لما كان يطقني اليوووع لووول ونتيجة الاسبوع الثاني كانت عبارة عن كيلويين فصار مجموع النزول خمس كيلوات باسبوعين وامس اخذت يوم فري واليوم بلشت رجيمي الاسبوع الثالث .. بس مو قاعدة اشوف تشجيييع منكم ​

 

[hadoy]

بنات عفيه طرشولي رجيم طالب الشمري عالخاص
خل ابلش ويااااكم بليز
يارب تضعفون بصحه وعافيه

 

[ام مهرة 2009]

موفقه

 

[eng-khadkhad]

مشكورين كل الي مروا وشجعوني

 

[عروووب21]

بالتوفيق

والف مبروك مانزلتيه
وان شاء الله بتنزلين دبلهم باقرب وقت وانتي بصحه وعافيه

بس انتي اكتبي يومياتج عشان نشجعج ونتشجع وياج

 

[شوااقه]

الله يوفقكم وتضعفون وضعف وياكم بالعافيه
والله يعطينا الإراده إن شاء الله علشان نكمل

 

[الفدنه]

الله يعطيج الصحه والعافيه والرشاقه​

 

[((قاهرتهم))]

الله يوووفقج ونضعف واحنا بصحه وعااافيه