وزني من النوع اللي مايتزل كللش ماينزل والحمدللهنزلت بصحه وعافيه تجربتي

[CAT W0MAN]

مساكم الله بالخير ياحلوين طبعا من فتره مسويه تحاليل للدم والغده وشامله...الخ كل شي تمام الحمدلله بس الغده انصدمت تقول لي الدكتوره مالت المستوصف انتي عالحفه يعني مونشطه ولا خامله بس بالحفه يعني شبهه خامله قلت لها شسوي؟ قالت لي تراجعين دكتور غدد احسن عشان يمكن يعطيج علاج عشان تصير طبيعيه فأنا حدي خوافه طنشت الموضوع وقمت افكر اقول صح انا وزني من النوع اللي ماينزل اذبح روحي رجيم وبالاخير بالاسبوع كيلو اونص كيلو اتحطم نفسيا :eh_s(16):​

فقلت لازم لازم لازم ادش نادي ودشيت نادي والحمدلله هذي الخطوه الاولى
غيرت اكلي خليت اكلي متوازن وصحي شلون؟​

الريوق كورنفلكس وشكر الرجيم وحليب قليل الدسم او صمون اوتوست او خبر اسمر ويا جبن قليل الدسم سواء بوك او فيلديلفيا ويا خضار طماط او خيار ​

وورا الدوام اروح النادي اول مابلشت رياضه حيييل اعرق حيل وبديت بالتدريج عشان ما امل من الرياضه اول سبوع مشي نص على سرعه 4 وقاري نص ساعه
السبوع الثاني نفس الشي زياده السرعه 4ونص
ثالث سبوع السرعه 5 هم نص ساعه
رابعه سبوع اليوم اهوا نهاية اليوم قمت اخلي السرعه 5ونص او 5 بس المشي ساعه الا ربع وساعات نص ساعه على حسب المزاج والقاري نص ساعه او 35 دقيقه والعرق يخف شوي غير عن اول سبوع​

للأمانه النادي بالاسبوع اروحله اقل شي 4 ايام
الجمعه والسبت ماروح وساعات الخميس
يعني الاحد والاثنين والثلاثا والاربعا اروووووووووووووووح غصب غصب ​

هذا بخصوص النادي طريقة اكلي كان كالأتي​

عالريج اشرب ماي وايد وجاي اخضر واخذ حبة زين الاتات (حدهم روعه) طبعا خذيت الحبوب من ثالث سبوع
الريوق
كورنفلكس وحليب قليل الدسم وشكر الرجيم
او
شريحتين توست اونص خبزه سمرا المتينه او خبزه كامله السمرا الخفيفه ويا جبن وطمام وعصير اناناس كي دي دي او برتقال فرش او حليب قليل الدسم ويا جاي وشكر الرجيم
او اطلب من اي كافيه صمون الدايت اللي يصير اسمر ويا عصير فرش برتقال
طبعا اتريق متأخر بال10 او 11​

النادي اروح 2 الظهر ​

اطلع من النادي ارد البيت هلكانه سبحان الله الرياضه تلهي وتخلي الاكل اخر اهتماماتج
اذا طلعت من النادي امر العصير اخذ اناناس قطع وبطل ماي صحه برا مايكون بارد
او اذا رديت البيت اكل تفاحه خضراااااااااا (هالشين مفعولهم قوي قوي)​

ارد اخذ شور واصلي ​

والعشا يكون مبجر حيييل اطلب من سب واي ولا اكل كورنفلكس ولا نفس الريوق او 2هوبرغر مشوي وسلطه ​

ظروري ظروري تتعشين قبل النوم ب4 ساعات
تكثرون جاي اخضر ثلاث مرات باليوم ​

نسيت الككاو والمقالي والمعجنات والباستا والخرابيط كلها ...الخ طبعا اذا شفت اكل ومتيمعين احاول انسحب الهي روحي عشان لا اضعف اصد وجذي ​

شعور عجييييييييب صج نزلت بالشهر 5 كيلو بس شنو رااااااااااااااحه مابعدها راحه كرشي خف بشكل كبيير ماتتصورون واحس شهيتي خفت وعلى فكره اخلي يوم الجمعه او الخميس فري اكل اللي بخاطري عادي ولاحظت انه اكلي قل احط ببالي باكل وايد اكتشف اني ما اكل الا شوي وساعات من نفسي اقول تعب الاسبوع كله مابي اخربط زياده
وخل اقولكم شغله مهمه
اكلوا شوي شوي طولوا وانتوا تاكلون ومضغوا الاكل مادري شلون اترجمها ههههههه يعني مو تحطين اللقمه وتبلعينها لا تلذذي فيها وطولي بالاكل والشرب خليه اخر شي لاتشربين ويا الاكل والماي كثروه ورا الاكل بساعه عشان لايطلع لكم كرش ​

والحمدلله حدي مرتاحه و5 كيلوا وانا اخربط يوم واحد بالاسبوع اكل اللي بخاطري واحس مرتاحه والله والله صار وياي امس موقف انصدمت
امس كان فري عندي
وكنا طالعين وخواتي يبون ماكدونالدز وبرجر كنج انا رحت بطلب وقفت طابور بماكدونالدز اطالع الوجبات شنو انقي؟؟ اكتشفت اني انسحبت ومايازلي شي رحت برجر كنج شميت ريحة الاكل ودققت بالوبر والصوره قلت الحين الساعه 10 بليل باكل هالدهن احس عفت هالشي وقلت مولازم مابي خلاص والله ماهمني ولاشدني :ggdw:​

بس طلبت من نايف وجبة جكن البطاط اكلت نصه والصمونه نصها والبيبسي ربعه واحس طلع من عيني ظليت لمه 4 الفير يالله نمت مع اني ماكلته 11 بليل صج صج صج الاكل الصحي والنظيف يهبل ويشبع ومفيد ومغذي وغير جذي يضعف ​

بالاخير
رياضه ساعه باليوم تقسمينها بين اثنين مشي وقاري او مشي والغزال الطائر..ألخ اهم شي المشي
تاكلين 3 وجبات ظروري تنوعين بيض حليب خضار خبز روب فاكهه كورنفلكس
تكثرون ماي ورا الوجبات بساعه وقبل الوجبه بساعه توقفون
تاكلون شوي شوي شوي شوي كثر ماتقدرون
لاتفكرون بالوزن والنزول بتنزلين بدون ماتحسين
والعشا قبل النوم ب4 ساعات​

وفالكم الرشاقه​

 

[((shoOoshoOo))]

ماشا الله

وايد حلوه ارادتـــج

ثابري خيتوووو والله الرشاقه تستاهل هالتعب

عندي جم سؤؤال :
انتي اي فصيله دمـ ؟
واليوم الفري مرتين بااالاسبوع او مرهـ ؟
ويأثر عالدايت ولا لأ؟ له شرووط ولا عادي فلاتي ^_^

 

[CAT W0MAN]

ماشا الله

وايد حلوه ارادتـــج

ثابري خيتوووو والله الرشاقه تستاهل هالتعب

عندي جم سؤؤال :
انتي اي فصيله دمـ ؟
واليوم الفري مرتين بااالاسبوع او مرهـ ؟
ويأثر عالدايت ولا لأ؟ له شرووط ولا عادي فلاتي ^_^

فصيلتي +o
اليوم الفري مره بالاسبوع اخليه الجمعه او الخميس على حسب اذا طالعه او يمعه واخربط كثر ما اقدر وساعات يطلع من خشمي باول اسبوع وثاني اسبوع اخربط وايد بثالث سبوع وامس اللي اهوا رابع سبوع احس نفسيتي نسدت شوي ولمه اكل لو شوي احي ثقلت لانه اكلي صار اغلبه صحي فاي شي قليل لو فيه دهن انقث ووشروط اليوم الفري
اني ما اتريق واكل وجبه او وجبتين خرابيط

 

[MisS.Wawa]

اول شي مبرووووووووووووووك الف مبروووك
والله يتمم عليج حيااااتو
لاتحسدين نفسج وانشالله توصلين للوزن اللي تبينه
وصاجه من تدشين نادي يتغير كل شي
وحتى لو تنزلين كيلو جسمج يتغير شكله
انا كنت بشامبينز سنتين ومن توظفت وقفت وزدت تقريبا 10 كيلو لوووول
بس قلب الريوق خليه قبل الساعه 9 سمعته ببرنامج the doctors
لان هالفتره المعده تحرق كل شي يعني خليه عقب ماتقومين بساعه اي ساعه ونص بالكثير احسن وقت للمعده والدم

والله يثبتج واستمري قلب​

 

[قطوووة]

الله يتمم عليج وتوصلين للوزن اللي تبين بصحة وعافية

مشكورة ع تجربتج

 

[ام^تبوله]

الله يكون بالعون والله يثبتج حبيبتي
انا بالنسبه لي مشي ونادي مستحيل لان عندي ولدي الصغير مريض ومحد يعرفله غيري
وانا دايما شهيتي مسدوده وهم نفسج وزني ماينزل بسرعه وصارلي 3 شهور مسويه مو رجيم تخفيف اكل واحاول ابتعد عن كل شي خرابيط يمعات وماكان شي يشدني كللللللش الحين صار ردت فعل عكسيه حتى لو مو يوعانه بس اتشهى الاكلات مليييييييييييت استغفرالله ولاعت جبدي ما ادري شسوي احس من النفسيه قاعد اعاند واكل
اقول يمكن اذا رديت الدوام من عقب الامومه اضعف ويتغير الحال مايندرى​

 

[اوراق التوت]

ربي يوفقك حبيبتي

 

[* EMY *]

عليج بالعافيه حبيبتي بس ترى منتجات زين الاتات فيها مواد مسرطنه السعوديه والامارات صكو محله اللهم بلغت اللهم فاشهد

 

[عشوووقـه]

وآإأآو الف مبروك والحمد الله على سسلامتج ...~

 

[qa6wa_]

الله يتمم عليج و توصلين الي تبينه

 

[حرمه المصون]

مشا الله عليج وان شا الله توصلين الوزن المثالي

 

[اسواريه]

الله يوفقج انشالله

 

[^نوف^]

الله يتمم عليج كات وومن بس دير بالج من منتجات زين الاتات سمعت انهاا مضره وموفقه حبيبتي ,,

 

[brat]

ماشالله عليج، آنا تقريباً أسوي مثلج
مشكورة على ذكر تجربتج وإنشالله تنزلين وزنج بصحة وعافية

 

[أ.س.م.ا.ء]

ما شاء الله تبارك الرحمن
الله يوفقج ان شاء الله وتوصلين للوزن الي تبينه

 

[++The DuchesS++]

ماشاء الله عليج
الله يتمم عليج وعلينا يارب
انا قاعده اسوي رجيم بالبطيء لووول
يعني ما احرم نفسي كلش من اللي ابيه ولا اطلق العنان لها خخخ
يعني وسط وخليت لي يوم فري بالاسبوع
يعني اي اكله اشوفها ايان الاسبوع امسك نفسي واقول باليوم المفتوح
وعلى قولتج من الرجيم والاكل الصحي تتحسفين تاكلين وايد باليوم الفري
استمري واحنا وياج
يا حلو الرشاقه والخفه

 

[الباحثات عن الجمال]

ما شاء الله وبالعافية.

 

[المريوم]

حتى بهذى انتى تشبيهنى والله والله احس انج شبيه روحى اخت دنيا اتمنى لج كل السعاااااااااااااااده يا قلبى

 

[كيكه توفي]

الله يتمم عليج

 

[أحبج يمه]

ما شاء الله

الله يتمم عليج