وزني هذا الأسبوع/ كتبيلي نصيحتك يا سمينة

[آمال أنثى]

السلام عليكم

أنا نحيفة وهدفي أسمن سمنة صحية
وزني 39-38
الهدف 54
الطول 162 سم

أهدف أحرك وزني أسبوعياً بكيلو وأكثر
لأنه كان ثابت فترة على 44 وصرت أنقص بسبب قلة الأكل<هذا ما جنتهُ يداي خخخخخخ

بسم الله توكلت على الله بروح افطر

 

[فاقده اختها]

والله انا اوييد السمنه باكل صحي لان الفاست فود مضر وكثره الحلا مضره بس حاولي كل ساعتين
ماشاء الله تري النحاف في نعمه مايعرفها السمان تاكلي الي مشتهيته بدون ترهل ولا تمدد ولا السيولايت

 

[آمال أنثى]

والله انا اوييد السمنه باكل صحي لان الفاست فود مضر وكثره الحلا مضره بس حاولي كل ساعتين
ماشاء الله تري النحاف في نعمه مايعرفها السمان تاكلي الي مشتهيته بدون ترهل ولا تمدد ولا السيولايت

حيآآآآآآآآك عساك ماتفقدين غالي
يازينك

مو اي نحافة نعمه في نحافة مرضية الشكل هزيل وغير مريح وماله جمال ونحافة صحية يعني تكون سبب النحافة من امراض
تقصدين الرشيقه

والنحيفة يطلع لها علامات التمدد الخطوط حالها حال السمينه لانه يجي من الوزن الغير ثابت او اللي يتغير وانا عندي هالشي شوي باكثر من مكان لام ترطيب حتى لـنا
والسووليت دهون.. فيه نحاف بس جسمها دهني ادري غريبه بس لو بحثتي وشفتي اللي شفته بتصدقين
الشي الوحيد اللي مايكون بالنحيفه من اللي قلتيه هو الترهل

 

[ghofran]

النحف مرهه مو حلو ولا المتن حلو ،
وطولك مع وزنك مافي تناسق ابدا ، ،
فً اللي اعرفه ، الاكل قبل النوم يسبب سمنه ، > صارت نصيحه ،
واللي يقولك ان الاكل الصحي مايمتن كذاب ، يمتن لما يناكل بكمية كبيييييرههً ،
ف اكلي اكل صحي بكمية اكثر ، يعني انتي عارفه الحل انك لما تاكلين كثير بيزيد وزنك ف اكلي كثير وبيزيد ،

 

[$كشوخه$]

خلي اكلج دسم وصحي بنفس الوقت عشان لا ياأثر بشكل سلبي + بين الوجبات حطيلج سناك اكليه

افكار للعشا : بطاطا مشويه وزعي فوقها ذره وسوي صوص قشطه + جبن سائل وحطيه فوقه وعالفرن

وافكار للسناك : يا تاكلين جوكلت وحلاو او حطيلج مكسرات وحطي فوقهم عسل واكليهم

وكثررري فواكه وخضار مفيدين للبشره وتملي الوجه

 

[آمال أنثى]

يآ زينكم شوووكرن لكم كلكم

بصراحه ماتوقعت تجيني ردود تنصحني باكل صحي مره مبسوطه انكم تدعموني بهالشي

 

[ياسمين.]

في عسل عند العويد اخذيه مع مكسرات محمصه من الرفاعي حطي مع كوب فانيلا ايسكريم ، اشتريلج كرتون ايسكريم فانيلا اللي يجي اكواب
وخليه سناك، العسل والمكسرات فوقه
في أيضاً حليب الصويا رفيجتي مشت عليه وماشاءالله متنت
خلي العشاء متأخر عشان ماينهضم كله،
في طريقه بعد دشي نادي وسوي مجهود وعقبه علطول روحي اكلي شيء دسم في بنات شفتهم بالنادي يسوون جذي.
و كثري من الخبز والرز تره يمتن بشكل!
حاولي ماتكثرين اكل مطاعم لان اولا شيء مو مفيد وثانيا اذا اكلتي وجبه اليوم تقعدين باجر مو مشتهيه.
وان شاءالله تمتنين بصحه وعافيه بس انتبهي لا تنفرطيين ..