وزني 80 ابي خمس بنات وقروب ارادته حديد

[كتوته توب]

بس الانناس حامض والكيوي حامض والليمون حامض هاذي الاشياء كلها حمضيات والحوامض مو كويسه للي معها الدور

انا بحاول اشتري لي باقات كرفس وبسويه عصير وبطيح فيه يقولون يخسس صح

 

[LuLiTa]

اليوم كله مااكلت شيء الا من ساعه اكلت لي دجاج اوصال مشويه مع شويه سطله


وعندي لكم اخبار سيئه جتني الدوره الله يكرمكم متقدمه ماعندها سالفه تجي وتعكر علي مزاجي ولا انا كنت بواصل انناس وكيوي بس يقولون الحوامض مو زينه ايام الدوره

والله المعين



بالمناسبه بنات انا شريت لي قهوه تركيه بسوي خلطه القهوه التركيه مع خل التفاح تشد الجسم وتعطينه نعومه

وشريت لي ماء الكرفس من مصنع الكامل وماء طبيخه من مصنع الكامل
على بالي انهم للتخسيس ياليت تفيدوني بنات ؟؟؟

لأني رحت ابي اشتري كرفس قالي مافيه فريت بالسوبر لقيت ماء الكرفس وماء طبيخه واخدته ؟؟

شوووفي انا ما اعرف خلطة القهوة التركية مع خل التفااح بس اللي اناا مجربته اهوو انه شرب القهوة التركية عالريج يسد النفس و يقلل الشهية ,,, بس انا من زمااان ما شربتها عالريج لأنه كثرتها اتنشف الجسم اذا ما شربتي معاها مااي لأأنه احبهااا مرة و بدون مااااي ,,,
بالنسبة لماي الكرفس ف السمووحة ما اعرف طريقته ,, عصير الاناناس و الكويوي عاادي وقت الدورة بس ابتعدي عن ىالليمووون يا قلبي ,,,

 

[كتوته توب]

شوووفي انا ما اعرف خلطة القهوة التركية مع خل التفااح بس اللي اناا مجربته اهوو انه شرب القهوة التركية عالريج يسد النفس و يقلل الشهية ,,, بس انا من زمااان ما شربتها عالريج لأنه كثرتها اتنشف الجسم اذا ما شربتي معاها مااي لأأنه احبهااا مرة و بدون مااااي ,,,
بالنسبة لماي الكرفس ف السمووحة ما اعرف طريقته ,, عصير الاناناس و الكويوي عاادي وقت الدورة بس ابتعدي عن ىالليمووون يا قلبي ,,,

والله العتب علي يالوليتا اني ماوضحت انا مااقصد خلطه القهوه النركيه وخل التفاح حق شرب انا اقصدها حق الجسم

هي تسوي نحت للجسم تاخدي مقدار كوب قهوه تركيه وتجيبي بياله خل تفاح وتخليطهم مع بعض يصيرو مثل عجينه الحنا

وتشغلي المويه الحاره عشان بخارها يفتح المسام وبعدين تحطي الخلطه على المكان المطلوب وتسوي مساج وتتركيها ربع ساعه نص ساعه ساعه انتي وكيفك وتشليها وانتي تشليها سوي مساج راح تحسي بنعومه ببشرتك وحتى لو بقى شيء من ريحه القهوه بجسمك ريحه القهوه ماهي خايسه بالعكس حلوه اهم شيء انك فكرتي جسمك عدل وشليتها بالكامل يعني مالها اثر
من بقايا الخلطه

 

[ام الحلو :)]

شلونكم بنات وشلون الرجيم معاكم
كتوته ان شاء الله تحرك وزنج وبدى ينزل
محكوومه شلون المعنويات ولوليتا وسن شاين وباشن شلونكم كلكم
انا عن نفسي مو ماشيه على رجيم السوائل مضبوط يعني كل اليوم سوائل بس اكل مثلا توسه وحده ومرات دياي مشوي يعني وجبه وحده وباقي اليوم سوائل لحد ماتصغر معدتي شوي وبعدي بسوي سوائل مضبوط

 

[m7koma]

هلا والله ام الحلووووووو
الحمدالله المعنويات مو عال العال ولا بالحضيض يعني نص ونص بس ماشيه مضبووووط وماخربطت فشي كلش
والله يستر من يوم الخميس هههههههه
والله اذا مانزلت شي بستخف

 

[ام الحلو :)]

لا انشاء الله بتنزلين وكثري الماي ترى يساعد على النزوول

 

[كتوته توب]

ام الحلوووووووووووو اي تحرك وزني ولله الحمد

طبعاً صار وزني قولو مشاءالله 79 بعد معاناه

ولعلمكم انه نزل لـ78 بس للأسف في نفس اليوم جتني الدوره ولما رحت وزنت ثاني مره لقيته 79 ووزنت الحين ووزنت الامس اول ماصحيت نفس الشيء معلق قلت يالله اهم شيء انه نزل


بس بقولكم شيء صح الميزان خايس معاي

بس احس قياسات الملابس تغيرت

وللعلم بنات انا من رمضان وانا اسوي رجيم كان وزني برمضان 88 صح النزول عندي بطيء بس صابره وإن الله مع الصابرين

 

[كتوته توب]

بس بقولكم بنات معلومه ترا لما تعطين نفسك يوم فري مره بالاسبوع يعطيك دافع انك تواصلي دايت وماتملي لو الدايت سنه عادي عندك


فأبيكم كلكم تسوو لكم يوم فري ونواصل رجيم من هنا للصيف انا ماعندي مشكله بس ابي قروبي يواصل معاي

كل ايام الاسبوع دايت ويوم واحد فري

موافقين يابنات


نبي نغير اللوك حقنا صراحه انا مليت من شكلي وانا مربربه وحشني خصري ابو كسره وحشوني ملابسي وقياساتهم لصغيره

وربي يابنات لما اشوف ملابسي مااصدق اني قبل كنت رشيقه والبس ملابس مقاساتها مره صغيره

الامس جالسه اقلب بالبنطلونات ومسكت واحد منهم قلت ووووووووووي مره قديم واناظر السايز حقه تتوقعون كم كنت البس ؟؟؟

بتقولون كذابه وربي وربي وربي ومااحلف كاذبه 28 فرق السماء والارض عن المقاس الحالي

اااااااااااه يالعذاب يارب اجبر بخواطرنا

 

[LuLiTa]

ام الحلووو :: احنا بخير انتي شلونج ؟ الا بغيت أسأل من الحلوو اللي انتي امه ؟ p;
كتكووتة توب :: انا كاان حالي جذي لما شفت صوري القديمة و للحين انا متمسكة بهدفي و ان شالله اوصل له ,,

بالنسبة لي انا امس كان نص خربطة ,, لأني تعشيت في الليل و اكلت سلطة يونانية بالباستا ,,, و شكلي بمشي على نصيحة كتكووتة و اخلي يووم واحد فري ,, انا مختارة السبت عشاان يكوون ويك اند و هم يكون بعد وزن الجسم ,,,

 

[ام الحلو :)]

صح كلامج كتوته لازم يكون في يوم فري عساس الجسم مايتوعد علاكل ويثبت الوزن وانا عن نفسي معاج وان اشاء الله نوصل للوزن اللي نبي
ولوليتا انا تمام ودوووم تكونين بخير والحلو عبودي ولدي
انا عن نفسي مو محدده يوم معين يكون فري على حسب ساعات تنعزمي فتضطرين تاكلين وساعات تطلعين فيصير بخاطرج تاكلين مع اهلج فاليوم اللي يصير جذي اهوه يكون لفري عندي

 

[ام الحلو :)]

بنات وزنت وطلع وزني































٧٧.٢ واااي حدي استانست

 

[ام الحلو :)]

بنات بقولكم فكره وما ادري اذا تعجبكم او لا علعموم بقوله وعطوني رايكم
في وحده بالمنتدى كاتبه شلون ضعفت ووصلت للوزن اللي تبي ومن الاشياء اللي شجعتها كانت انه مسوين قروب بالمسنجر يعني كل ماشبكت تلاقي احد ويسولفون ويشجعون بعض انا عجبتني الفكره يعني اهني نحط يومياتنا وبالمسنجر نشجع بعض فانتو شرايكم

 

[sunshine22]

ام الحلو

كتوته توب

LuLiTa

m7koma

شخباركم مع الرجيم
انا لي 3 ايام مخربتها على بو انه وصلت لل74...........!!
والمفروض على نظامي اوصل ال70
وبحسبتي شهر يناير (( 1 )) أوصل للوزن المثالـــــــــــي......

باذن الله الاسبوع هذا مغيره بالنظام 3 وجبات كورن فلكس فقط (( منشان الدوره )),,,,,,,,
وشريت (( كورن فلكس )) فينتس خاص بالرجيم مع حليب بودر ريجيله الفرنسي وسكر تروبيكانا..........
ومن اليوم السبت 21 - 11 - 2009 باديه فيه
(( شجعـــــــــــــوني ))
واليوم أول يوم للدوره
يعني مافيه ليمون .......حسااااافه
بس منقوع الزنجبيل والكمون بشربه بدون ليمون لكن مستمره فيه



كتكوته

اذا وزنك صعب النزول افحصي الغده عندك .... وكثري مشروبات ساخنه واقطعي الغازيه حتى الداااااااااااايت وادعيلي....
واذا اشتهيتي حلا
اكلي تمر الحويس يهببببببببببببببببببل




والى الامام
الى الامام


ابيكم ورا العيد موصلين

صومو اذا قدرتو عشان اول يوم العيد والمناسبات ما تحرمون نفسكم ع الاقل ومن ورا العيد نبلش الرجيموبقووووووووه






شدو حيلكم
وطالعو صور ميريام فارس والعارضاااااات اذا الاراده نزلت

 

[كتوته توب]

الف مبروك يابنات اللي نزل وزنهم واللي مانزل مافيه مشكله


وام الحلو فكرتك حلووووووووووووووه ورايقه انا بسوي لي ايميل جديد يعني مسن وبضيفكم فيه كلكم يعني خاص حق بنات لقروب

بتقولون ليه عشان يكون مسن لعالمي الخاص معكم ولتواصل معكم


ونتواصل مع بعض هنا بالقروب وبالمسن ندردش ونرسل ايملات لفساتين ولشغلات الرجيم ولااشياء نستفيد منها

ويشهد علي الله اني حبيتكم اكثر من كونا قروب نتواصل لهدف انزال الوزن لا بالعكس احس بينا اخوه والله يديم المحبه

 

[كتوته توب]

لوليتا وام الحلو من ابسط حقوقكم يوم فري عشان ماتملون شيء اسمه دايت بالعكس تتمسكون فيه اكثر

 

[sunshine22]

ياربي انا اليوم الصبح وزنت ولااااااااازلت 74

متى اتحرك واصير 73

اوووووووف مليت

 

[passion.666]

السلام عليكم ورحمة الله وبركاته
شلونكم يابنات انشاءالله طيبين
شلونج كتوتة توب
شخبارج لولينا
الف مبروك يام الحلو على النزول
سان شاي 22 شخبارج عساج طيبه
محكومه ياقلبي اشلونج
يابنات انا نزل وزني نص كيلو كنت 62.5 سرت 62 الحمدالله مع ان كنت ملتزمه بالرجيم بالصراحه مامشيت لأن بناتي عندهم امتحانات
وبنتي الصغيره عمرها 4 شهور صياحه ما أدري اشفيها علشان جذي ها السبوع ما تحركت نهائيا بس الرجيم ماشيه عليه بالضبط
والله يابنات رجيم السوائل حلو ويشبع ولا احس باليوع نهائيا آكل الفواكه بأنواعها ما عدى المنجا والموز والعنب والعصير اللي اشربه اناناس من كي دي دي والزبادي بالفاكهه دايت يهبل والشوربة سالاري اتينن
طبعا يوم الجمعه أخذت فري وكنت صايمه والله يابنات كان عشانه اجنحة دجاج بالصلصة الباربكيو وعيش مكسيكي بالفاصوليه الحمرا ومعكرونيا بالخضار وخبز بالثوم وشوربة مشروم وورق عنب حامض حلو والله يابنات يوم بروح اتفطر مع أهلي طبعا انا صايمه علشان دين واهلي علشان ذو الحجه والله يبنات اكلت سلطة جرجير وملقتين عيش وخبزتين بالثوم وشربت شوربه بس ولا حسيت باليوع احس نفس انسدت
ويوم السبت اكلت ربيان ودجاج مشوي كنا طالعين مع العيال مجمع 360 في مطعم هندي الكل طلب برياني بالربيان اللى انا
احس شهيتي حق الأكل مو مثل أول
ياحيايبي انا هالأسبوع امسافره يعني يوم الثلاثاء رايحه لبنان مع العيال وابوهم طبعا هناك اكلهم مشاوي ما أقدر اسوي رجيم السوائل
فمن اليوم راح اسوي رجيم المشاوي اللي هو دجاج سمج ربيان لحم كله مشوي مع سلطات وراح اللعب رياضه في الفندق نفسه في نادي وانشاءالله انزل حتى لو نص كيلو ما يخالف انا راضيه
بنات لاتيئسون ميخالف شدو حيلكم وانا موافقه على المسنجر يابنات بس جروبنا
وبخصوص يوم فري لازم علشان ماتملون من الرجيم
مايخالف يابنات شدو حيلكم
بصراحه يابنات احنا بلشن من متى يمكن اللحين بيسير لنا شهر مو معقوله ما نزلتو كلش اكيد في برنامجكم شي او انكم تخربطون لحد الأن محد نزل اللى انا ومحكومه وام الحلو شدو حيلكم
ترى البلعه والاكل ماراح يفيدكم شدو على عمركم حيل ويوم الفري خربطو على كيفكم
بنات بلللللللللللللليز نبي همتكم
انا قياساتي اختلفت ومستانسه وايد حتى زوجي يقول ترى انتي ظعفتي من نفسه هو قال جسمج تغير وبعد يبي زود اكثر
حتى خواتي ومرت اخوي احس عندي دافع وتشجيع واي انا مستانسه اهم شي ان وزني تحرك
بنات ساعدو عمركم ترى ادنيا تركض واحنا ما انحس فيها ترى كله من اعمارنا اذا ماستانسنا متى راح نستانس

 

[حصوص الكويتية]

باركولي نزل وزنى 4كيلوووووووووووووووووووووووووووووووو

الله ونااااااااااااااااااااااااااسه

وان شالله اوصل للوزن المطلوووووووووووووووووووووووب

 

[m7koma]

هاااااي
بنات
مبروووووووك لكم كلكم على النزووووووول وانشالله تنزلون اكثر واكثر
انا متحبطه حدي بسمامليت قلت حتى لو انزل بالاسبوع نص كيلو ميخالف لو سنه اقعد اسوي ريجيم بس بالاخير اوصل حق هدفي

 

[ام الحلو :)]

بنات شرايكم نبلش مع بعض الرجيم المركب وحده كاتبه انه ينزل حوالي العشرين كيلو و وايد حلو للي وزنهم ثابت عاد انا سويت عنه سيرج بقوقل وحيل عجبني لانه ينظف الجسم ومده ٨ اسابيع وتنزلين ٢٠ كيلو وايد حلو زائد مافي يوووع
انا عن نفسي ببلش في من باجر
وكتوته ننطر ايميلج عساس نضيف بعض باشن بدزلج ايميلي بالخاص ومحكومه ولوليتا وسن شاين ماقلتولي رايكم بفكرة المسنجر