وزن البيبي فيدوني بليبيز

[Umzoozoo]

قوه بنات شلونكم ؟
أنا توني اول يوم بالأسبوع ال 36 ووزن البيبي كيلوين ونص
وولادتي بعد أسبوعين قيصرية يعني راح أكون بآخر يوم من الأسبوع 37
بنات قعد أحاتي الوزن أحس وايد نتفه هل يكبر خلال أسبوعين وجم تقريبا يصير تهقون يوصل 3 كيلو ؟
وصج الي تولد والبيبي وزنه كيلوين ونص يحطونه بالشيشه ؟
طمنوا قلبي تكفون لان بولدي ماشاءالله خلصت التاسع وقعدت فوقهم أسبوعين كان وزنه اسم الله عليه زين

 

[latkt7as]

لا ماتوقع يحطونه بالشيشه

لاني اذكر سال دكتوري قالي لا مو لازم عادي

شوفي انا فبجري كنت نفس حالتج

وصرت اكل موووز جني قرد
وتمر بالمكسرات والعسل هم مفييد للولاده
تحصلينه بمركز سلطان

وعند الككاو واكثر نوع اهو لوكر فيه منه بسكوت وفيه
ككاو

واتوقع يوصل 3 كيلوو مو صعبه
واذا انتي من النوع الي يشرب حليب حطي موز وحليب وعسل وشربيه

تقبلي مرووري

 

[متفائله بالحياة]

ماتوقع راح يفرق الوزن كثير باسبوعين
ولاتحاتين مسألة الوزن أنا بولدي بالتاسع قالولي وزن الجنين نازل
لان المشيمة ماتغذيه وولدوني ، والحمدلله ولدت طبيعي بس فعلاً كان
نتتتتتتفه شصغره ووزنه كيلوين وميه ولا حطوه بشيشه ولا شي
توكلي على ربج ، والله يسهل ولادتج ياااااارب

 

[نور دنياه]

اكلي تمر ولا رطب الحين موسمه ، يكبر البيبي ومثل ماقالت الاخت اكلي موز بعد

 

[Aloe Vera]

ممكن يوصل ٣ كيلو
لان بالاسبوع يزيد ١٥٠ او ٢٠٠ جرام بالشهر التاسع

و الوزن بالسونار مو دقيق

و احنا عندنا بالعايله وراثة عيالنا انتف على ٢ و نص و اقل من ٣ و مافيهم عيالنا شي و لا حتا يحتاجون شيشة

 

[جذابه بنت ذيابه]

لا تحاتين بيوصل ٢و٨٠٠ كل اسبوع يزيد ٢٠٠غرام اخر الاشهر

انا كنت جذي ببنتي نتفه وخفت اولدهاا وهي صغيرره ماششاء الله جبتها ٣كيلوو

موز حليب تمررر كثري منهم

 

[.:lady bug :.]

مايدخل الشيشه عسى الله يهون عليج
والموز والتمر والحليب يكبر البيبي وايد
حيلج فيهم

 

[أبكاني ذنبي]

لا مايحطونه بالشيشه

انا ولدي ولدته ووزنه كيلوين و٦٠٠ غرام نتفه بس طبيعي ياربي لك الحمد


عنق الرحم عندي صغير ماقدر اييب بيبي حجمه كبير تتعسر او قيصري


وبنت خالتي يابنت ولدها كيلوين و٤٠٠ وماحطوه بالشيشه


والله يهون عليج يارب

 

[زين ودلال]

مايحطونه بالشيشه

انا يبت ولدي اول التاسع كان لي ٦ ايام

وزنه ٢ ونص

 

[ام عبد العزيز م]

انا لي اعرف فوق 2ونص ما ينحط في الشيشه لا تحتين البيبي سبحان الله كل يوم يزيد

 

[@سيدة نفسي@]

بنات اختي ثنتين وحدة ولدتها بالسابع والثانية بالثامن كانوا يحطونهم بالشيشة لحد

مايصير وزنهم ٢ كيلوووو .. يعني وضعج زين الحمدلله لاتحاااتين .. وبالنسبة حق التاسع

أعرف وحدة من تدخل التاسع عيالها يزيد وزنهم نص كيلو كل اسبوع .. طبعا الأكل والفيتامينات

يلعبون دوووور البطولة بهالشي ههههههههههه.. أهم شي الصحة والعافية أما الوزن دامه فوق

الكيلوين فماله داعي تخافين والله يسهل عليج ويقومج بالسلامة

 

[عبق الزمن الجميل]

وزنه عادي حبيبتي وممكن يزيد خلال الأسبوعين الأخيرين واذا صحيح ومعافى مابيحطوه بالشيشية الله يعطيج ساعة طيبة

 

[@أم يوســـف@]

الله يهون عليج وتولدين بالسلامه وان شاء الله جدامج اسبوعين بيزيد الوزن ان شاء الله

 

[Umzoozoo]

بعد عمري حبايبي كلكم فديتكم طمنتوني عسى الله يحقق لكم كل الي تتمنونه

 

[انصاريه قمره]

حييييييييلج بالتمر وحليب الموز كي دي دي

 

[mafio98]

فوق كيلو و٨٠٠ او كيليوين ماينحط بالشيشه ويعتمد على صحته

 

[طيشن على جديه]

حبيبتي بالشهر التاسع ينط حيل يعني توقعي هالاسبوعين يزيد 400 غرام ..
ووزنه الحمدالله زين وماظنتي يدش الشيشه وندخلوه ممكن يوم يومين ..​