وسعووا لي الله يوسع لكم

[amerh]

آهلين ..
كيف حالكم ؟
انا محتاجه مساعدتكم ف تنظيف شقتي ..
تنظيفي مايعجبني حابه اغيره واحس ماتبان النظافه مره اذا نظفت مع اني احرص انظف كل شي
انا شقتي مكونه من غرفة معيشه ونوم ودورة مياه ( اكرمكم الله ) < ساكنه مع اهل زوجي
نبدأ بالحمام ..
معانأتي الاكبر مع مغسلتي قزاز ولونه اسود لو اغسل ويجيها مويه وماانشفها ع طول بقعت
طريقة تنظيفي فيها افركها ب صابون واسفنجه او ملمع القزاز وانشفها ع طول صح تصير تلمع بس احس فيها زي البقع البيضاء ماتروح يعني اللي بيدقق تطلع الفضايح كيف انظفها كويس وش استخدم ؟
والتواليت دائماً فيه زي الخطوط البنيه صح لما نظفها تروح بس تطلع ع طول , وطريقة تنظيفي للارضيه ب صابون وكلوركس واسفنجه وافرك حتى الجدار لان اي وسخ يبان فيه كيف انظفه ؟
وكيف تنظفون الدش زي ؟ برضو المويه تبقع فيه ؟ وباب حمامي ذاك اللي زي البلاستيك الابيض حق المستشفيات ايام زمان ابي المعه زين ..
غرفة المعيشه /
برضو طاولتين سوداء قزاز كيف انظفهم زين خصوصاً عندي مربعه زوايها مجتمع فيهم الغبار وايش امسحهم فيه الفوطه تطلع خيوطها ؟!!
وكل شقتي سجاد :eh_s(16): كيف انظفه هو والكنب بحيث اني انظفه واعطره ف نفس الوقت يعني وش اخلط عشان ينظف وتجي ريحته حلوه ؟
وغرفة النوم مايبان فيها الغبار بس ابي طريقه امسح فيها الاثاث وتكون ريحته فواحه ومميزه ؟
وطريقة تبخير شقتي :eh_s(11)::eh_s(16): تتعب نفسيتي منهاا لا بخرت ماتقعد الا كم ساعه وتطير يمكن من مروحة الشفط بس اذا طفيتها انكتمت الشقه ولا شغلتها وقت الظهر وهي عاد على مطبخ حمولتي تصير ريحة الشقه طبخ :eh_s(11)::eh_s(16):
وزوجي من النوع اللي يحب الروائح مررررررررره كيف برضو اعطر حمامي والكبت حقي
الله يجزاها خير اللي تساعدني وتفرج علي الله يفرج عليها ويفتح لها باب رزق من عنده :eh_s(7):

 

[passion flower]

مرحبا ماأقدر افيدك بالتنظيف بس للاثاث اذا حابه تمسحي الغبار يوميا استخدمي مناديل الاطفال عمليه وبالاسبوع منظف الخشب بليدج والتعطير بما انه شقتك سجاد شي حلو لان السجاد تبقى فيه الريحه اكثر استخدمي بودرة السجاد بالافندر من ايرويك واذا عندكم محل الرصاصي انصحش بمعطر اكوا زينة الفرش لونه بصلي ريحته روعه وثابته وفيه بنفسجي انا يعجبني البصلي رشي المعطر وبخري بعده ببخور زين ويكون المكيف مسكر عشان تثبت الريحه وادعيلي وللحمام استخدم معطر جليد بالتوت ريحته روعه واشتري من سنتر بوينت عطر الفواحه التوت بس انا اخلطه في علبة بخاخ فاضيه مع ماي وارشه بالحمام ريحته حلوة وثابته وهذي اكثر طريقه تعجبني لتعطير الحمام ان شاء الله أكون فدتك حبيبتي..

 

[amerh]

^^^^
جزاك الله الف خير
الله يسعدك ويرزقك ويزيل همك ويسخر لك جنود الارض وملائكة السماء



كل هالمشاهدات ومافيه الا رد واحد. !!!!

 

[ريمية السعودية]

اولا :بالنسبه للحمام وانتي بكرامه انا اخلط ((كلوركس&ديتول العادي&تايد&ماء فاتر ))واغسل الحمام وكل مايكون الماي حار يكون افضل ..
وخذي علبه المنظف العملاق الاخضر وخرميها من جميع الجهات ودخليها داخل السيفون عشان كل ماسحبتي السيفون يعقم وينظف وريحته مره حلوه وبعد التنظيف قفلي الشفاط وبخري الحمام وهو حار من الماي الفاتر يمسك الريحه..

ثانيا :بالنسبه لغرفة المعيشه وغرفة النوم نظفي الطاولات بمنظف اسمه409 ينظف وريحته فريش ريحة ليمون ..

ثالثا :بالنسبه لريحة الكنبات خذي ابره فاضيه وعبيها من العطر المفضل ويكون ثقيل واحقني الكنبات ومخدات السرير وانشاء الله تستفدين ..

 

[amerh]

مشكوره حبيبتي
استفدت من افكارك كثيرر
الله يسعدك ويرزقك باللي تتمنيه ويفتحها بوجهك

 

[فديت قلبهم]

اب اب

 

[حنايا الروح1]

ولله ما عندي شي اقدر اضيفه بنات كفو ووفو


بس حبيت ارفع لك موضوع حبيبتي ..

ولله يوفقك

 

[استاهل الصيت]

اب اب
وانا بعد مغسلة حمامي سودا

نبي شي ينظفهم ويعقمهم