وش أكثر الدول عجبتك ووحبيتها وأكثر الدول ندمتي لزيارتها

[اوركيدا20010]

وش أكثر الدول عجبتك ووحبيتها :eh_s(15):وأكثر الدول ندمتي لزيارتها :eh_s(11)::bbbiu:

 

[بحب الحياة]

احلى شئ بدوووون منازع و ودي كل سنة اسافر لهم مع دولة جديدة هم : لندن و دبي (لندن بالصيف حلووووووة و دبي برأس السنة وووووناسة و تقل زحمة الاستعراض الخليجي شوي)

سفره تندمت عليها : الحمدلله ما فيه كل دوله و لها ستايلها و يكفي جلست الاوتيل الحلوة و المطاعم تخلي اشين بلد حلوووة بس بشرررررط ما نطول عشان ما نطفش من المكان.​

 

[النقطة]

سافرت المانيا و النمسا و سويسرا و فرنسا
و اسبانيا و استانست وااااايد و حلوه و طبيعه
الواحد صج يرتاح نفسياً.
الحين انا مسافره امريكا تقربياً صارلي اسبوعين
كللللش ما اعجبتني ولا لايعه جبدي ودي ارد الديره
اليوم قبل باجر خبونه بأميركا مافيها شي
حلو بس الهم السوق. قعدت بنيويورك ٣ ايام
و اورلاندو اسبوع حااااااااره و خيسه.
و الحين صارلنا ٥ ايام بلوس انجلوس يعني
لا بأبس فيها و طبعاً نبي نروح لاس فيغاس
و سان فرانسيسكو و سياتل و نرد مره ثانيه
نيويورك عشان نرد الديره.
بس صج تحسفت من هالسفره يعني صج كرهت
امريكا قلت حق ريلي اول مره و آخر مره بس
ما اعيد هالسفره اروربا احلى و ارقى بوايد
اهني هيصه و لويه و لوعت جبد و انا احب
الطبيعه و الجبال و الهدوء.
طبعاً الناس اذواق فس ناس يحبون امريكا
و في ناس لأ انا عن نفسي ما حبيتها كلش.
عندي اروح تايلند احلى.

 

[usgirl]

انا كل سنه احن على زوجي ابي لندن يقول راح تندمين وما اروح لها
سافرت النمسا والمانيا ميونخ
دبي وامريكا
بس ما شفت نفس حلاة اوروبا وطبيعتها

 

[ذرابه]

رحت لندن ورحت ولندن ورحت لندن و رحت لندن ( لندن غيييييييييييييييييييييييييييييييير لها طابع مميز وتحسين صج انج مسافره )


ورحت المانيا والنمسا وسويسرا وفرنسا يهبلووون وكل سفره احلا من الثانيه مريت فينيسيا و ماحبيتها كللللللش

ومن دول الخليج اموووت بدبي غرامي لازم كل فتره وفتره نسير على دبي ونييييييييييييييسه

والديره اللي ندمت اني رحت لهااا الآردن



وان شاءالله هالسنه امريكااااا وان شاءالله تعجبني ....

 

[عبير-الشرق]

سافرت المانيا والنمسا والتشيك وسويسرا وفرنسا ولندن واحلى شي النمسا وسويسرا من ناحية الطبيعه والنظافه ومن ناحيه كل شي بصراحه احلى دول اوربا
وسافرت مصر ولبنان وسوريا والامارات والبحرين ماعجبتني سوريا وحلفت وااروحلها لوشنو والبحرين مافيها شي
وسافرت تايلند مااعجبتني حيل وما افكر اعيد السفره كلششششششش

 

[{}{}{ سكرة }{}{}]

الي عجبوني

لندن بالمرتبة الاولى

المالديف

بوكيت


ولي ندمت


ماليزيا

تركيااااااااا

 

[كاتبة]

ماكو سفره نندم عليها كافي تجربة ....ربما لانحب ان نعود ونكرر لزيلرتها

مغرمة بالطبيعه سافرت لاغلب شرق اسيا

ماليزيا اندونوسيا الصين....دبي مصر
وهالصيف باذن الله اوروبا..

الصين ماحبيتها!

 

[خشف بدو]

أحلى دوله النمسا بلى منازع والي ندمت عليها ميونخ ماحبيتها كلش

 

[Om_Ksha]

يالنننننننننننننننننننننننننننننننننننننقطه انتي عجييييييييييييييييييييييييييبه
ههههههههههههههه زيييييييييييييييييين في احد مثلي .. انا رديت منها اخر شهر 4 اللي طاف ومااااااااااااحبيتها
بس راح تعجبج لاس فيغاس .. وسان فرنسيسكو حليوه .. لوس انجلوس تنبلع .. نيويورك لويه وزحمه ماحبيتها !!
بس احنا رحنا بعزززززززززز البرد !!
وبصرحه مافكر ارد لها !!!

الالالالالالالا حق دزني اورلاندوووو لي كبرت بنتي انشالله ..

وصح كلامج حسيت اوروووبا ارقى !!! واحلى .. وانظف .. حتى اكلهم ..هنااااااااااك ماااااااااكو اكل !!!!!!!!!!!! جربنا اقوى المطاعم كل مطاعم الكويت احلا !!!

ريلي ولا مره راح لندن بس صدف قبل سفرتنا لامريكا راح لها اسبووع يقوووول لندن احلى من امريكا بميلون مره .. من ناحيه الاكل الفنادق الاسواق الجو النفسيه ..

اماااااااااانه نقطه !؟ امريكا شعبهم فرندلي !!!!!!!!!!! انا اللي شفتهم حليوين الجاليات ولا الباجي لا يحوووووووووشك ...




جني طلعت برا الموضوع هههههههههه .. المهم انا احلى شي عندي الماااااااااااالديف .. وزلامسي حليوه .. ودبي دااااااااااااااااااااار الحي لازم كل بين شهر نطق لها درب

 

[واصله]

الدول اللي اعجبوني
استراليا بالمرتبه الاولى وامريكا الثانيه والنمسا والمانيا بعدهم امممم الفلبين استانست فيها
شرم الشيخ يعني مو ذاك الزود ولا ماليزيا
الاردن غلطه

 

[om_dodo]

اب

اب

 

[om l3yal]

حبيبتي بالمرتبة الاولي لندن والاولي مكرر امريكا
واللي ندمت اني رحت لها ومافكر نهائيا اروح ولا حتا عيالي فرنسا

 

[jen2n]

اول شي تقييمي على اساس التسوق والجو والترفيه لاني ما احب الطبيعه وايد

المرتبه الاولى لندن والثانيه استراليا والثالثه فرنسا الرابعه ماليزيا

اللي ندمت عليها تركيا سنغافوره النمسا سويسرا

 

[q8tiaa81]

احلى دولة حبيتها ولي ذكريات حلوة فيها سنغافورة مع اني رحتها مرة وحدة بس وايد حبيتها وحبيت نظافتها وترتيبها وكل شي فيها وطبعا معشوقتي لندن بس مو بالصيف لالالا بشهر12 كل سنة اروح حزة الكريسمس اموت عليها وماكو دولة ندمت اني زرتها اانا احب السفر وكل ديرة لها ذكرى

 

[الدلال]

اللي بالمرتبه الاولى لندن, ما اقدر تمر سنه من غير ما اطير لها

ودبي هذي غرامي لازم مو اقل من 4 مرات بالسنه

لبنان لو شنو ما اعيد التجربه لووعة جبد كلش ماحبيتها

 

[مشتطة وبس]

انا رحت دبي طبعا علطول تهبل ........ البحرين كارررررررررررررررررثة ... ماليزيا حلوة وناسة بس شبعت منها بانكوك ويع بس تولهين عليها .. ايطاليا يعني امستردام وييييييييييييييييييييع!!!!!!!!!!! لندن زينة مو واو بس تولهين عليها
اسبانيا وايد حر ماعجبتني............. بس حتى لو موحلوين اونس روحي واشتري

لاحظتو ولا شي عجبني ........... ترا يمكن لاني وايد وطنية واعتز بديرتي الكويت والله اشوفها احلى ديرة

 

[شهرزاد الحكاية]

احلى دوله عندي اليابان يالله هالبلد روووعه وخيال بكل شي راقية ونظيفة وشعبها اينن ... ودي ازورها مرة ثانية بس انعفسوا من عقب الزلازل

وحببيية قلبي الدوحة قطر .. ودبي وابوظبي والبحرين اهلنا ...

وهم حبيت هونغ كونغ وماليزيا واسبانيا ... مافي دول ندمت عليها حتى الصين مصر وسوريا وقبرص وتركيا وتونس وسوريا واسكندرية كانوا يونسون ووممتعين بشكل ما


امبلى كرهت المغرب تلوع الجبد مافيها شي ممله وقديمة ومزعجة ​

 

[MissChoco]

احلا دوله رحتلها بدون منازع لندن ,, لندن غيــــــــــــــــــــر

ودوله ندمت عليها طبعا لبنان كلش كرهتهااااا

 

[ShaGRa NoiSya]

لندن ماحبيتها واايد ممله صراحه
وسوريا هم ماحبيتها ما استانست بالسفره
واحلى دول امريكا ولبنان ودبي وتركيا وتايلند واستراليا
ومصر هم وناسه خصوصا شرم والغردقه
وانشالله شهر العسل يكون باوروباااا