وش اقول لمعلمتي؟؟

[وردة الشتاء@]

السلام عليكم صبايااخباركم؟بدخل بالموضوع ع طول انا اخذت ايميل معلمتي وكلمتها بس مرتين كيفك واخبارك وكم كلمة ومع السلامة ابغى اسولف معها بس موعارفة ابغى سواليف اسولف فيها معها ابغى سواليف مبدئية عشان اتعود وتتعود علي وع فكرة انا خلاص اخر ايام لي بالمدرسة واتخرج ان شاء الله اتمنى انكم تساعدوني وماتخبيون ظني فيكم لأني ماجيتكم الا إني عاارفة أنكم بتساعدوني وشكراااا

 

[وردة الشتاء@]

سبحان الله

 

[VET-Nour]

وليش تبين تسولفين معاها وتخلينها تتعود عليج ؟؟

 

[وردة الشتاء@]

معلمتي وبتواصل معها وبسولف معها فيها شي؟؟؟؟!!!!

 

[VET-Nour]

اهاا شيء جميل

 

[el.mlkaa]

مممآدرري والله بسس آآبببببب

 

[انثى احسساسها]

اممم بنضري اسئليها عن المواد و بعدين غريبة تضيفين ابلة مسن
يعني اذا ماكنتي ميانة معاها , يعني شنو بتقولينلها أصلا ؟
شيء غريب بنضري ==" !
و السموحة على ردي (="

 

[وردة الشتاء@]

اممم بنضري اسئليها عن المواد و بعدين غريبة تضيفين ابلة مسن
يعني اذا ماكنتي ميانة معاها , يعني شنو بتقولينلها أصلا ؟
شيء غريب بنضري ==" !
و السموحة على ردي (="

انا تخرجت عشان كذا مابسألها عن مواد وليش غريبة عادي وانا عادي كنت اسولف معها
بالمدرسةواسلم عليها وهي هالسنة مادرستني بس درستني سنة ونص بس ع مسن كلمتها 5مرات تقريبا
وعادي اسولف معها بأي شي بس انا لسى ماتعودت اسولف معها ابغى اتعود وبعدين يصير عادي اسولف معها بأي شي وهي كمان تسولف
لا عادي هذي وجهة نظرك وكل وشخص له وجه نظر خاصه فيه
وشكرا لرك

 

[رانس]

عبالي فيه مشكله وين المشكله بموضوعج سولفي عادي مثل ماتسولفين مع الناس مايبي لها شي

 

[جنون العاطفه]

مافي مشكله
عادي سولفي ​

 

[طموحه بزياده]

اذا ماعندج سالفه شحقا تدقين عليها يعني شنو هدفج؟

 

[روحين في رـوح]

بنات احب احكيلكم كلمهـ الي بتفكرؤ فيهـ وربي غلط ليش تفكرؤن هيك بالبنت ليش تبين تسولفين معها شو الهدف هاااا
ماكو اي هدف انا فهت عليكم شو المعنى من الحكي تبعكم مافي اله اي لزوم بس يعني مابصير البنت تستمر علاقتها مع معلمتها حتى بعد ماتخلص

عاد انا كنت اموت ع معلمتي ودائما انا وياها سوالف مو بس انا وياها حتى كل البنات وحتى بعد ماخلصنا مدرسهـ
اخدنا رقمهـآ ومنسؤلف عادي ولا تبون تفسرؤ ن هالاشي بمزاجكم لا يارؤحي مابصير غلط مابصير تفسرؤوا الامور براحتكم وبعقلكم هاد
بجد اني تداقيت صحيح ماحكيتو شي عني بس كمان مابصير هادا التفكير
ــــــــــــــــــــــــــ

حبيبتي وردهـ الشتاء: السوالف بتيجي بالحكي يعني كلمه ع كلمه بتفتح موضوع

 

[طموحه بزياده]

اي عادي ما قلنا عيب ولا حرام بس اهيا مو مشكله تنطرح اهني يعني مثلا تروح قسم السوالف والفرفشه يقترحون عليها اللي تبي


حبيبتي انا عارفه شعورج ابله وتحبينها عادي حتى انا كنت احب مجموعه من ابلاتي